Søk i nettsamfunnet

Annanias Nilsson var fødd i Bergen 23.2.1817. Mori var Anna Haaversdotter frå Fortun i Luster, medan far vert oppgjeven vera «bortreist matros Nils Wangen»: https://www.digitalarkivet.no/view/255/pd00000007547840 Annanias vart konfirmert i Luster i 1832 (farsnamnet ikkje so lett å tyda...): https://media.digitalarkivet.no/view/11592/81 Annanias fekk i 1847 utflyttingsattest for å dra til «Nordlandene»; https://media.digitalarkivet.no/view/8400/166 Etter denne tid er Annanias ikkje å sjå nokon stad! Mori gifte seg to gongar i Bergen og fekk i alt seks born, men då det vart skift etter ho i 1873, er Annanias IKKJE nemnd, so kanskje var han alt avliden? Det er no komme for ein dag at eine halvsøsteri til Annanias: * Berthe Tobine Holgersdotter Holm, fødd i Bergen 29.1.1829, vart enkje i Bergen i 1855, og ho flytte med einaste dotteri si, Berthe Tobine (Jr) til ØKSNES i Nordland. Mori gifte seg 18.11.1863 att i Øksnes med Casper Olson frå Austrheim på Lindås. Desse flytte alt i 1868 attende til Bergen i lag og døydde der. Ingen andre i denne huslyden var, so vidt eg veit, nokon gong busette i Nord.Noreg, og eg ville gissa; det er vel ikkje so urimeleg å tenkja seg at Annanias kan ha butt nettopp i Øksnes og at det var grunnen til at Berthe Tobine flytte nettopp dit!? Huslyden til mori Anna Haaversdotter vert drøfta i følgjande tema: https://forum.arkivverket.no/topic/220996-øyanes-påskenøtt-2018-9-anna-haaversdotter-1793-1873-frå-luster-til-bergen-med-forgreiningar-til-amerika-ei-kjempeutfordring/ Eg takkar so mykje på førehand for alle gode tips om lagnaden til Annanias Nilsson og vonar på «gullkanta» innlegg!