Søk i nettsamfunnet

Johannes Christopherson Lindborg, fødd i Sogndal 2.3.1897, døydde i Bergen 6.2.1988. Han vart skild frå første kona si, Aslaug Regine f. Nøkling, datoen er ukjend, men han gifte seg att hjå Byfogden i Bergen hausten 1967 med Signe Petrine Georgsen (Sannes), fødd på Værøy 17.11.1899, døydde i Bergen 17.10.1991. Kan nokon please hjelpa meg finna denne vigselsdatoen og eventuelt eit år for skildsmålet frå første kona? Eg takkar so mykje på førehand for alle gode tips!

I mange år har eg freista finna lagnadane til tre av dei fire borni i denne huslyden frå Sogndal/Luster som utvandra til Amerika, og dessutan fleire detaljar om huslyden til ei dotter som vart gift på Ulvingen i Vega. Etterkomarar etter jenta på Ulvingen skal ifølgje bygdebokskrivaren for Sogndal for ein del år sidan ha vore på leiting etter slekti si gjennom massemedia, og kanskje nokon greier finna att eventuelle etterlysingar? Manuskriptet mitt ser slik ut: ~~~~~~~~~~~~~~ Gjertrud Olsdotter (Sandvik), f. i Luster 16.4.1827, Gjertrud Olsdotter flytte i svært ung alder til Sogndal og gifte seg der 16.10.1844 med Johannes Olson frå Lindborg under Midtun, Øvstedalen i Sogndal, dotterson av gardbrukardotteri Britha Gjertsdotter frå Haugen (1764-1803). Johannes var f. i Sogndal 7.1.1822. Gjertrud og Johannes var ei tid husmannsfolk på ein plass under Øyre i Sogndal, men flytte derifrå då Gjertrud vart sjuk kring 1864. Johannes budde sidan i Sogndalsfjøra i Sogndal der han d. som legdelem 3.4.1883. Gjertrud Olsdotter flytte til Bergen der ho d. 9.4.1893. Dei fekk ni born i lag: a. Kari Johannesdotter, f. i Luster 18.2.1845, var hushaldar og budde i Sogndalsfjøra i Sogndal der ho d. 18.1.1904. Kari var ugift, men let etter seg ei dotter. b. Ole Johannesson, f. i Sogndal 23.7.1847, d. i Sogndal 27.12.1849. c. Johannes Johannesson, sidan kjend som John Lindborg, f. i Sogndal 5.7.1849, utvandra til Amerika i 1876 og busette seg som farmarbeidar («farm laborer») i Utica township, Crawford Co., Wis. Han d. ugift i Crawford Co., Wis. 15.8.1894. d. Ole Johannesson, f. i Sogndal 1.12.1851, d. i Sogndal 13.1.1852. e. Andreas Johannesson, f. i Sogndal 2.4.1853, var sjukleg og budde i Sogndalsfjøra i Sogndal, men d. som fattiglem på Slinde i Sogndal 29.1.1929, ugift. f. Ole Johannesson, f. i Sogndal 28.12.1855, utvandra til Amerika i 1878, ##### (lagnaden hans i Amerika?) g. Carl Johannesson, f. i Sogndal 23.10.1858, utvandra til Amerika i 1876, ##### (lagnaden hans i Amerika?) h. Gjertrud Johannesdotter, f. i Sogndal 18.12.1861, flytte i 1879 til Bergen, men dro snart vidare til Vega i Nordland der ho 18.9.1892 gifte seg med Edvard Andreas Peder Benjamin Pederson frå Ulvingen i Vega, f. i Vega 9.9.1857. Edvard var fiskar, og han og Gjertrud slo seg ned som strandsitjarar på Sjøvegen under U lvingen i Vega der Gjertrud d. som strandsitjarkone 21.6.1919. Edvard d. som enkjemann same staden 28.8.1925. ##### (talet på søner og døtrer? – inkl.: * Georg Johan Olafsen – hennar son (far: Olaf Rafaelsen) – f. Vega 15.3.1891 – n. 1910/1910 * Petra Amalie Teonora Edvardsdotter – f. Vega 3.6.1896 – n. 1900/1910 * Ingvarda Paluda Johanna Edvardsdotter – f. Vega 13.2.1900 – n. 1900/1910 * Oscar Amandus Edvardsen – f. Vega 6.5.1905 – n. 1910) i. Britha Johannesdotter, f. i Sogndal 13.6.1864, utvandra til Amerika i 1881, ##### (lagnaden hennar i Amerika? – døydde kan henda barnlaus før 1894?) ~~~~~~~~~~~~~~ Mori Gjertrud Olsdotter hadde tre søsken som alle utvandra til Amerika på 1860-talet, og dei budde alle i Crawford Co., WI der ogso eldste sonen i huslyden hennar Gjertrud busette seg. Han skreiv seg for John Lindborg, men var ugift. Dei andre søskeni har eg førebels ikkje sett noko til i Crawford Co., WI! Det hadde vore heilt fantastisk om nokon kunne hjelpa meg finna lagnadane til dei tre «amerikafararane» og likeins supplerande opplysningar om huslyden i Vega! Eg takkar so mykje på førehand for alle gode tips!

Ein annan «siste liten» huslyd, som eg manglar ein del detaljar om, er huslyden til Johannes Christofferson Lindborg med bakgrunn frå Luster, men fødd og oppvaksen i Sogndal. Ein del detaljar har eg greidd å skaffa, men eg er ikkje heilt nøgd, enno. Kanskje kan nokon hjelpa meg...? ~~~~~~~~~~~~~~ NB: Dette manuskriptet er med nye opplysningar erstatta av eit nytt i innlegg #6 under! Kanskje finst det dødsannonser eller andre avisskriverier om denne huslyden? Eg takkar so mykje på førehand for alle gode tips som kan fylla dei attverande hòli!