Søk i nettsamfunnet

Kan denne historien la seg bevis gjennom kirkebøker evnt. annet ? https://www.nb.no/items/2c32c63e0c2b6fe3783069bd404b4f17?page=0&searchText=" Svigum" Mvh Ivar

Dette er ein person som eg har litt motstridande opplysningar om, og no vonar eg at nokon kan hjelpa meg «straighten out» biografien hans? Ole Andersson Drægni, opphavleg husmannsson frå Eidsneset under Eide i Luster, vart døypt i Luster 29.11.1812. Han flytte som lærar til Fortunsdalen og gifte seg første gongen i Luster 12.12.1837 med enkja Susanna Jansdotter på Drægni (1801-1864). Ole tok over som gardbrukar på Drægni, men i 1848 utvandra Ole åleine til Amerika. Det vert foralt at han kring 1850 skal ha vore gullgravar i Carson Valley, CA, men ein gong på 1850-talet kom han attende til Luster og dreiv på ny garden til han i 1857 på ny utvandra til Amerika. Han hadde då med seg dei to eldste døtrene: * Anna Marie Olsdotter Drægni, fødd i Luster 5.1.1839, utvandra som sagt i 1857 og gifte seg i Buffalo Co., WI 26.9.1861 med Nils Hermundson Kinserdal alias Nels H. Kins, fødd i Hafslo 7.7.1840, utvandra i 1855. Dette parfolket budde som farmarar i Nelson township, Buffalo Co., WI der Anna Marie døydde 24.4.1890. Dei fekk åtte born i lag, men berre ei dotter voks opp! * Ingrid Olsdotter Drægni, fødd i Luster 28.8.1840, utvandra som sagt òg i 1857 og gifte seg i Buffalo Co., WI 14.11.1874 med Peder Iverson Sterri alias Peter Sterry, fødd i Hafslo 22.6.1849, utvandra i 1873. Dette parfolket budde som farmarar i Albion towbnship, Trempealeau Co., WI, men som Ingrid døydde som enkje i Benson Co., ND 3.7.1931. Dei fekk fem born i lag. Men Ole og Susanna hadde òg ei yngre dotter: * Susanna Olsdotter Drægni, fødd i Luster 14.9.1842, utvandra til Amerika i 1866 etter at mori då var avlidi, og gifte seg i Trempealeau Co., WI 3.3.1872 med Hans Tollefson, fødd i Kviteseid, Telemark 27.3.1837. Dette parfolket farma først i Burnside township, Trempealeau Co., WI, men flytte kring 1882 til ein farm i Nelson township, Buffalo Co., WI der Susanna døydde 16.6.1896. Dei fekk sju born i lag. Etter at Susanna døydde i Noreg, gifte Ole Andersson Drægni seg att i Buffalo Co., WI 23.3.1870 med Bertha Nilsdotter Sterri, alias Bertha Sterry, fødd i Hafslo 15.8.1832, utvandra i 1866. Eg finn dei ikkje i FT1870, men frå 1870-åri og utover farma Ole og Bertha under namnet DREGNEY i Canton township, Buffalo Co., WI der Ole døydde 14.7.1901. Bertha døydde same staden 30.1.1920. Dei fekk to born i lag, og dessutan hadde Bertha tre born frå før. Eg sit med følgjande utfordringar: ** Kan fleire detaljar finnast om Ole Andersson Drægni og bustadane hans 1850, 1860 og 1870?? Kva namn nytta han? (1880 og 1900 skreiv han seg Dregney! - KAN i åri kring 1860 ha butt nær Dodgeville, Iowa Co., WI!?) ** Kvar budde døtrene Anna Marie og Ingrid i 1860? ** Kvar budde døtrene Ingrid og Susanna i 1870? Eg takkar so mykje på førehand for alle gode tips!

Dette er ein huslyd som eg har jobba med i over 40 år, men som eg har hatt store vanskar med å få fullt oversyn over. Kanskje bygdebøker for Eidfjord og Ullensvang og nokon med lokal kunnskap kan bidra med detaljar? Gaute Endreson Vivelid, oppgjeven fødd på Vivelid i Eidfjord 19.2.1804 - foreldri Endre Gauteson og Britha Torbjørnsdotter Anna Larsdotter Bjotveit, oppgjevi fødd på Berget i Ullensvang 23.9.1815 - foreldri Lars Torstenson og Sigrid Johannesdotter vart vigde i Ullensvang 15.4.1833: https://media.digitalarkivet.no/view/11718/171 Eg kjenner til følgjande born: 1. Tore - fødd på Bjotveit i Ullensvang 24.6.1833 - https://media.digitalarkivet.no/view/11718/34 2. Sigrid - fødd på Bjotveit i Ullensvang 3.6.1835 - https://media.digitalarkivet.no/view/11718/42 3. Britha - fødd på Bjotveit i Ullensvang 17.2.1838 - https://media.digitalarkivet.no/view/11718/54 4. Christi - fødd på Vivelid i Eidfjord 1.12.1840 - https://media.digitalarkivet.no/view/8314/18 5. Endre - fødd på Vivelid i Eidfjord 26.4.1843 - https://media.digitalarkivet.no/view/8314/33 6. Martha - fødd på Vivelid i Eidfjord 4.11.1845 - https://media.digitalarkivet.no/view/8314/51 7. Anna - fødd som reingjetarbarn i Årdal 18.6.1850 - https://media.digitalarkivet.no/view/8404/7 8. Lars - fødd på Svendsøy i Luster 17.6.1853 - https://media.digitalarkivet.no/view/8401/46 9. Martha - fødd på Holmestad i Luster 21.3.1858 - https://media.digitalarkivet.no/view/8401/85 10. Thomas - fødd på Yttri i Luster 22.1.1861 - https://media.digitalarkivet.no/view/8402/18 I 1864 skal foreldri og dei yngste borni ha utvandra til Amerika, og dei busette seg i Crawford Co., WI Fleire utfordringar står att å løysa her: ** Yrke og opphav til foreldri til Gaute Endreson? ** Yrke og opphav til foreldri til Anna Larsdotter? ** Lagnaden til eldste barnet Tore - det einaste barnet eg ikkje har greidd å spora opp!? ** So tykkjer eg avstanden er vel lang mellom fleire av borni, til dømes mellom Martha i 1845 og Anna i 1850 og mellom Lars i 1853 og Anna i 1858. Kan Gaute og Anna ha hatt fleire born - kan henda fødde andre stadar?? Faren var reingjetar!! Eg manglar fleire detaljar om lagnadane til nokre av borni i Amerika, særleg dotteri Christi, men vil komma attende til desse. Eg takkar so mykje på førehand for alle godt tips om denne huslyden!

Dette er ein annan huslyd som eg hugsar eg sleit med på 1980-talet for å komplettera. Med nye tilgjengelege kjelder har eg no greidd å finna svar på nokre av detaljane, men no møter eg «veggen»! Kanskje er det nokon som kan hjelpa meg freista finna svar på noko av det som framleis manglar, til dømes om denne svigerdotteri frå Hoffseiget i Nord-Aurdal og foreldri hennar?? Her følgjer eit oppdatert manuskript: ~~~~~~~~~~~~~~~~ Ole Olson Haugen, frå Øyane under Haugen, var f. 7.9.1832 og gifte seg 13.7.1859 med Abelona Aamundsdotter frå Hagaflaten under Rønnei, f. 14.5.1830. Ole og Abelona busette seg på Rønnei alt i 1859, men var visstnok innerstfolk dei første åri. Kring 1863 fekk dei so rydda seg ein ny plass i den delen av Hesjebakken som då høyrde til Rønnei (bnr. 3), og her vart dei buande fram til 1869. Ole og Abbelona Haugen utvandra til Amerika i 1869 og slo seg ned som farmarar i Freeman township, Crawford Co., Wis. der Ole d. 2.8.1891. Abbelona Haugen d. ##### (date and place of her death? – 1916!?) Ole og Abelona fekk fem born, medan dei budde i Noreg; dessutan hadde Abelona ein son frå før: 1. Nils Tøgerson, son av Abelona og husmannssonen Tøger Olson frå Gjellene 2 under Rønnei (1829-1895), var f. 31.12.1850. Nels T. Haugen utvandra til Amerika med mori og stefaren i 1869 og livnærte seg sidan som farmarbeidar («farm laborer») i Freeman township, Crawford Co., Wis. der han d. ugift ##### (date and place of his death? – 1905!?) Nels var døvstum («deaphmute»). 2. Susanna Olsdotter, f. 6.1.1856, Susan O. Haugen utvandra med foreldri til Amerika i 1869 og gifte seg ##### (date and place of her marriage? – about 1885!?) med Ove, kjend som Ovey O. Johnson, eon av husmannssonen Ole Johannesson frå Smedegard under Alme i Hafslo (1824-1871). Han var f. i Dane Co., Wis. 18.7.1859. Ovey Johnson var brannmann («fire man»), og han og Susan busette seg i Madison, Dane Co., Wis. der Ovey d. 10.1.1922. Susan Johnson d. same staden 22.5.1949. Dei fekk to born i lag: a. Jessie Aletta Johnson, f. i Dane Co., Wis. 3.2.1886, d. ugift i Madison, Wis. 28.8.1941. Jessie var bokhaldar («bookkeeper») og budde I Madison, Dane Co., Wis. b. Orvey Johnson, f. i Dane Co., Wis. 29.3.1887, d. i Madison, Wis. 18.2.1960. Orvey gifte seg i Chicago, Ill. 29.8.1930 med Elsie M. ##### (middle name?) Beil. Ho var f. i Dane Co., Wis. 29.4.1907 og d. i Madison, Wis. 20.2.1997. Orvey dreiv kredittbyrå («bonded credit service company owner»), og han og Elsie budde i Madison, Dane Co., Wis. Dei fekk tre born i lag. 3. Ole Olson, f. 2.9.1857, Ole O. Haugen, Jr. utvandra òg til Amerika med foreldri i 1869 og gifte seg i Crawford Co., Wis. 5.11.1884 med Agatha Andersdotter frå Grinde på Leikanger, i Amerika kjend som Aggie Grinde. Ho var dotter av gardbrukar Anders Iverson på Grinde og kona Unni Iversdotter frå Skarestad i Balestrand og f. i Leikanger 13.4.1859. Ho utvandra til Amerika med foreldri sine i 1868. Ole og Aggie Haugen slo seg ned som farmarar i Freeman township, Crawford Co., Wis. der Ole d. 13.5.1921. Aggie Haugen d. same staden 5.1.1952. Som enkje gifte ho seg att med gardbrukarsonen, enkjemann Rasmus Knutson frå Øygarden (1849-1935) (s.d.). Aggie og Ole Haugen fekk åtte born i lag: a. Andrew Oliver Haugen, f. i Crawford Co., Wis. 27.11.1885, d. i Waunakee, Wis. 19.2.1970. Andrew gifte seg i Dane Co., Wis. 30.3.1930 med Martha Matson, f. i Dane Co., Wis. 6.2.1891. Ho d. i Waunakee, Wis. 17.5.1972. Andrew og Martha Haugen farma i Westport township, Dane Co., Wis. og fekk ein son i lag. b. Irvin Haugen, f. i Crawford Co., Wis. 24.11.1887, d. i Crawford Co., Wis. 20.6.1966. Irvin farma i Freeman township, Crawford Co., Wis., men var ugift. c. Albert Haugen, f. i Crawford Co., Wis. 9.7.1889, d. i Madison, Wis. 31.12.1971. Albert gifte seg i Waushara Co., Wis. 31.12.1917 med Grace E. ##### (middle name?) Pease. Ho var f. i Waushara Co., Wis. 15.8.1892 og d. i Madison, Wis. 9.4.1962. Albert Haugen var postbod («mail carrier»), og han og Grace budde i DeForest, Dane Co., Wis. Dei fekk to born i lag. d. John Haugen, f. i Crawford Co., Wis. 17.7.1892, farma i Freeman township, Crawford Co., Wis., men reiste ut som soldat i første verdskrigen («WW1 soldier») og miste livet i Frankrike ##### (where in France?) 21.11.1918. Han var ugift. e. Nels Ulrich Haugen, f. i Crawford Co., Wis. 17.2.1894, d. i Crawford Co., Wis. 28.11.1942. Nels Haugen farma i lag med broren Irvin i Freeman township, Crawford Co., Wis., men var òg ugift. f. Birdie Joan Haugen, f. i Crawford Co., Wis. 15.1.1896, d. i Viroqua, Wis. 7.9.1972. Birdie var hushaldar («housekeeper») hjå brørne sine på farmen i Freeman township, Crawford Co., Wis., ugift. g. Ida Geneva Haugen, f. i Crawford Co., Wis. 11.2.1899, d. i Viroqua, Wis. 15.5.1998. Ida gifte seg i Crawford Co., Wis. 14.2.1920 med Arthur Samuel Fortney, soneson av gardbrukarsonen Thomas Olson frå Fortun (1817-1887). Arthur var f. i Vernon Co., Wis. 14.12.1891 og d. i La Crosse, Wis. 6.8.1969. Arthur Fortney var farmar og snikkar («farmer and carpenter»), og han og Ida budde i Viroqua township, Vernon Co., Wis. Dei fekk fem born i lag. h. Annie Louise Haugen, f. i Crawford Co., Wis. 28.9.1900, d. i Viroqua, Wis. 15.10.1987. Annie gifte seg i Madison, Wis. 29.6.1927 med Alfred, kjend som Fred J. Dregne, soneson av gardbrukar Sølfest Johannesson frå Fuglesteg (1829-1912). Fred var f. i Vernon Co., Wis. 8.4.1893 og d. i Viroqua, Wis. 12.2.1965. Annie og Fred Dregne farma i Franklin township, Vernon Co., Wis. og fekk ei dotter i lag. 4. Aamund Olson, f. 18.12.1859, Edward (Ed) O. Haugen utvandra med foreldri til Amerika i 1869 og gifte seg i Crawford Co., Wis. 11.9.1895 med Kari Aslaksdotter frå Hoff i Nord-Aurdal, i Amerika kjend som Carrie Anderson. Ho var dotter av husmann Aslak Andreasson på ##### (ein plass, men kva for ein?) under Hoff, opphavleg frå ##### (kvar fødd/oppvaksen? – Dalseige? – vigsli 13.11.1863: https://media.digitalarkivet.no/view/9367/205 og kona Marit Engebretsdotter frå ##### (kvar fødd/oppvaksi? – Hoffseige?) og f. i Nord-Aurdal 12.10.1863. Ho utvandra til Amerika med foreldri sine ##### (utvandringsåret? – e. 1870!) Ed og Carrie Haugen farma i Freeman township, Crawford Co., Wis. der Carrie d. 26.11.1938. Ed Haugen d. same staden 12.9.1952. Dei fekk ei dotter i lag: a. Alma M. ##### (middle name?) Haugen, f. i Crawford Co., Wis. 6.6.1896, d. i Viroqua, Wis. 22.1.1981. Alma gifte seg i Vernon Co., Wis. 29.3.1922 med Edward Gerhard Johnson, soneson av gardbrukarsonen Johannes Johannesson frå Øvrebø (1816-1903). Edward var f. i Vernon Co., Wis. 14.11.1889 og d. i La Crosse, Wis. 13.7.1962. Alma og Edward Johnson tok over heimefarmen hennar i Freeman township, Crawford Co., Wis. og fekk eitt barn ##### (son or daughter?) som d. kort etter fødsli. 5. Nils Olson (1862-1863). 6. Ingrid Olsdotter, f. 20.7.1865, Emma Haugen utvandra med foreldri til Amerika i 1869 og gifte seg i Dane Co., Wis. 11.5.1899 med Cornelius Newton, kjend som Charles N. Pulley, f. i Grant Co., Ind. 14.4.1873. Charles Pulley var skysskar («coachman»), medan han var gift med Emma, men vart sidan lagerleiar («warehouse leader»). Han og Emma budde i Madison, Dane Co., Wis. der Emma d. 30.12.1902. Charles gifte seg 2.6.1904 att i Dane Co., Wis. med Olive M. ##### (middle name?) Davis, f. ##### (place of her birth?) Wis. 15.6.1873. De vart buande i Madison, Dane Co., Wis., men Charles d. i Janesville, Wis. 23.6.1936. Olive Pulley d. i Madison, Wis. 19.3.1938. Charles fekk i alt tre søner, men dei var alle frå andre ekteskapet hans. Dette var altså borni som Ole og Abelona fekk, medan dei budde i Noreg. Men Ole og Abbelona Haugen fekk òg ei dotter etter at dei var komne til Wisconsin: g. Britha O. Haugen, f. i Crawford Co., Wis. 14.11.1872, d. i Vernon Co., Wis. 16.7.1951. Britha gifte seg i Crawford Co., Wis. 3.5.1893 med Soren Elias, kjend som Sam Jerman. Han var f. i Vernon Co., Wis. 3.8.1868 og d. i Janesville, Wis. 21.2.1936. Sam var ei tid handelsmann («merchant») i Sherburn, Martin Co., Minn., men dreiv sidan tømmerlager («lumberyard owner and operator») i Viroqua, Vernon Co., Wis. og i Janesville, Rock Co., Wis. Han og Britha fekk fem born i lag. ~~~~~~~~~~~~~~~~ Eg takkar so mykje på førehand for alle gode tips!

Då eg første gongen jobba med den huslyden i førre hundreåret, greidde eg ikkje finna opphavet til Simon Christenson som 18.3.1801 gifte seg i Gaular med Anna Colbeinsdotter frå Råeim i Gaular. Eg fann ei dotter fødd i Gaular, men ingen flere born før etter at dei i 1812 var komne til Luster. Eg ville tru at dei sikkert nok hadde fleire born? Denne eldste dotteri gifte seg ut att i Førde og fekk mange born der ute, men fleire av desse forsvinn! No vonar eg på lite vetta hjelp til å skaffa eit betre overblikk over denne huslyden. Her følgjer eit oppdatert manuskript: ~~~~~~~~~~~~~~~~NB: Etter mange gode innlegg er dette manuskriptet no erstatta av eit nytt i Innlegg #20 under! Eg takkar so mykje på førehand for alle gode tips!

Dette er ein huslyd som eg jobba med sist på 1980-talet, men som eg laut gje meg på den gongen, og eg vert ikkje «klokare» når eg no ser på denne huslyden på ny! * Særleg er det eit mysterium kvar det vart av sonen Lars - vaksen og ugift i Luster i 1825? * Og dotteri Siri «Serine» - gift i Kvamsøy med Edvard «Iver» Thorsen (Kollingsnes) - budde i Bergen, men eg finn ikkje dødsfalli deira!? * Serine og Iver hadde ein svigerson frå Torvastad og ei svigerdotter frå Molde, som eg òg har vanskar med å «definera»...? Er det mogeleg å få lite vetta hjelp med desse utfordringane? Her følgjer eit oppdatert manuskript: ~~~~~~~~~~~~~ Peder Gjertson Lunden, frå Haugen, vart døypt 19.1.1752 og vart gravlagd frå Lunden 5.12.1802. Han gifte seg 4.6.1783 med Martha Larsdotter frå Rønnei (bnr. 7). Ho vart døypt 1.12.1754 og d. som husmannsenkje på Rønnei 5.3.1833. Peder fekk 14.10.1783 feste på Voldaplassen i Lunden, og han og Martha vart buande her levetidi ut. Dei fekk seks born i lag: 1. Gjert Pederson (1782-1782). 2. Ingeborg Pedersdotter (1784-1844), vart gift med husmann Hans Iverson i Leirhola under Fuhr (1782-1850). 3. Kari Pedersdotter (1786-1848), Kari Pedersdotter flytte til Bergen og vart der gift med husmannssonen Sjur Andersson frå Årstu under Dale (1789-1838) (s.d.). 4. Lars Pederson, døypt i Hafslo 10.1.1790, budde framleis på Rønnei i 1825, ugift. Lars Pederson flytte ##### (lagnaden hans? – kan henda i Bergen?) 5. Siri Pedersdotter, døypt 1.4.1792, Serine Pedersdotter flytte til Vik og gifte seg der 6.1.1822 med Edvard, kjend som Iver Thorson frå Kollingsnes i Kvamsøy, Vik (no Balestrand). Iver var son av gardbrukar Thor Bottolfson på Kollingsnes, opphavleg frå ##### (kvar fødd/oppvaksen?) og kona Kari Ellingsdotter frå ##### (kvar fødd/oppvaksi?) og vart døypt i Kvamsøy 6.3.1790. Serine og Iver budde ei kort tid som innerstfolk på Kollingsnes i Kvamsøy, men flytte alt kring 1824 til Bergen. Der finn me dei att i Rosesmuget i Sandviken som Iver og Serine Kollingsnæs. Iver var hamnearbeidar og dagarbeidar og budde i Bergen i mange år, men ##### (finn dei ikkje avlidne i Bergen! – kvar vart det av dei? – dato og stad for dødsfalli deira?) Dei fek fem born i lag: a. Kari, kjend som Karen Iversen, f. i Kvamsøy, Vik 21.8.1823, flytte med foreldri til Bergen, men d. der alt 15.4.1827. b. Martha Thurine Iversen, f. i Bergen 11.2.1826, d. i Bergen 15.6.1827. c. Karen Martine Iversen, f. i Bergen 26.4.1828, d. i Bergen 3.2.1864. Karen gifte seg i Bergen 7.8.1853 med enkjemannen Johan Salomon, kjend som Salomon Janson Lindtner frå ##### (kvar var han fødd og oppvaksen?) døypt i Torvastad 27.7.1806. Han d. i Bergen 31.7.1869. Johan Lindtner var skjærslipar, og han og Karen budde i Komediebakken i Bergen. Dei fekk fem born i lag; dessutan hadde Salomon tre born frå første ekteskapet sitt. d. Peder Gerhard Iversen, f. i Bergen 31.8.1830, d. i Bergen 25.5.1889. Peder gifte seg i Bergen 16.11.1856 med Inga Olsdotter Røbeck frå Molde. Ho var f. ##### (dato og stad for fødsli hennar? – Sigerset i Molde 10.4.1824?) Ho d. ##### (dato og stad for dødsfallet hennar? – e. 1891: https://www.digitalarkivet.no/census/person/pf01052994005403 Peder Iversen var frukthandlar, og han og Inga budde i Sandviken i Bergen, mellom anna i Fløjgaten og i Absalon Beyers gate. Dei fekk fem born i lag. e. Edvard Severin Iversen, f. i Bergen 13.3.1833, d. i Bergen 17.1.1870. Edvard Iversen gifte seg i Bergen 15.11.1857 med Anna Knutsdotter frå Dale i Haus. Ho var f. i Haus 12.9.1829 og d. i Bergen 29.7.1865. Edvard var reipslagersvein, og han og Anna budde visstnok i Bagersmuget i Sandviken i Bergen. Dei fekk tre born i lag. 6. Gjertrud Pedersdotter (1794-1839), d. som legdelem på Rønnei, ugift. ~~~~~~~~~~~~~ Eg takkar so mykje på førehand for alle gode tips!

Dette er ein huslyd som eg jobba med for over 30 år sidan, men der eg på grunn av manglande kjelder laut gje meg på mange detaljar. Eg hadde den gongen kontakt med dei to sønesønene i South Dakota, og dei fortalte meg kva dei visste. To av døtrene budde i Chicago, IL, men det er fint lite dei visste om dei. Kanskje er det no mogeleg å få lite vetta hjelp til å få svar på ein del av dei manglande detaljane? Her følgjer eit oppdatert manuskript: ~~~~~~~~~~~~~~ NB: Etter mange nye innlegg er dette mauskriptet no erstatta av eit nytt i Innlegg #12 under! Eg takkar so mykje på førehand for alle gode tips!

Dette er ein huslyd som eg heller aldri greidde å finna heilt ut av då eg jobba med dei på 1980-talet. Sonedotteri Sigrid levde framleis i 1990, og ho var nysgjerrig på å få greie på slekti si i Amerika, men leitingi vart den gongen utan resultat. Opplysningane som eg har å halda meg til, er frå skiftet etter Elisabeth frå 1911. Av emigrantane til Amerika er då berre sonen Johannes nemnd, og at han let etter seg to søner. Det hadde vore kjempekjekt om nokon kunne hjelpa meg finna ut av dei tre borni i Amerika og likeins dødsfalli til dei to barneborni på Bergenskanten. Her følgjer eit oppdatert manuskript: ~~~~~~~~~~~~~~~ NB: Etter fleire nye innlegg og oppdagingi av sonen Johannes i Amerika, er dette manuskriptet no erstatta av eit nytt i Innlegg #6 under! Eg takkar so mykje på førehand for alle gode tips!

Denne guten har eg vore på leiting etter sidan 1980-talet, men til tross for det eminente «Avansert personsøk» hjå Digitalarkivet greier eg ikkje finna fleire spor etter han: Anders Christopherson, son av Christopher Torkildson (1758-1846) og første kona Metta Andersdotter (1769-1798), husmannsfolk på Rønneisøyri under Rønnei i Luster, vart døypt i Luster 9.4.1792 og er nemnd i live i 1808 - eg trur det var som konfirmant! På den tidi, mellom 1808 og 1814, var det nesten som ei «folkevandring» av Haugianarar frå dette nabolaget i Luster til Romsdalen, og eg reknar det som svært sannsynleg at han i 1813 flytte med einaste morbroren sin, Haugianaren Ole Anderson (1772-1835), som då kjøpte seg ein gard på Nasvik i Kornstad sokn i Kvernes på Nordmøre!? Men er det mogeleg å finna spor etter Anders, anten på Nordmøre eller andre stadar? Eg takkar so mykje på førehand for alle gode tips!

Kari Knutsdotter, døypt i Luster 11.11.1735, einaste barnet etter Knut Sjurson og Gunnhild Nilsdotter, gardbrukarar på Drevdal i Luster, som båe døydde før 1755, hadde ingen nære slektningar att i Luster då ho i 1767 vart stemnd i retten for leigarmål. Ho fekk dotteri Gunnhild Nilsdotter, døypt i Luster 1.4.1766, men etter mori stod i retten, flytte mor og dotter frå bygdi - kvar vart det av dei? Eg finn ingen Gunnhild Nilsdotter i Sogn og Fjordane som eg tykkjer «høver». Derimot ser eg ein god «kandidat» i Bergen: Ole Paulson og Gunnhild Nilsdotter - gifte seg i Nykyrkja i Bergen 12.8.1792: https://media.digitalarkivet.no/view/8724/85 FT1801 syner at alderen hennar høver ganske bra: https://www.digitalarkivet.no/census/person/pf01058390000923 Kanskje er det ho som døydde i Bergen i 1841(?): https://www.digitalarkivet.no/view/267/pg00000000917854 Er det nokon som har synspunkt på denne «kandidaten» i Bergen? Finst det andre jenter som kan høva som denne Gunnhild Nilsdotter? Eg takkar so mykje på førehand for alle gode tips!

Denne vigsli har eg leitt etter i årevis, men aldri greidd å fínna. Kanskje nokon har betre auge og teft enn eg? Andreas Henrik Nilsson Kvamme alias Andrew H. Nelson, fødd i Naustdal 3.10.1843 - son av Nils Gunderson og Pernille Mathiasdotter - utvandra 1870 Ingrid Christensdotter Øvrebø/Ekrene alias Emma C. Anderson, fødd i Luster 16.1.1848 - dotter av Christen Andersson og Siri Torkildsdotter - utvandra 1862 gifte seg kring 1875/1876 og busette seg som farmarar i Franklin township, Vernon Co., WI der eldste barnet Nellie Sophie var fødd 11.12.1877. FT1880: https://www.familysearch.org/ark:/61903/3:1:33SQ-GYBV-9HYQ FT1900: vigde i 25 år: https://www.familysearch.org/ark:/61903/3:1:S3HY-6SW9-74N FT1910: vigde i 34 år: https://www.familysearch.org/ark:/61903/3:1:33SQ-GYYV-SWJK I prinsipet skal ALLE vigsler i Amerika vera offisielt registrert, so det er eit kjempemysterium kvar denne vigsli kan vera å finna. Men «voni døyr til sist», og eg takkar so mykje på førehand for alle gode tips!

Dette er ein søskenflokk som eg har «plundra» med sidan 1980-talet! Sjå dette skiftet frå Luster 1756: https://www.digitalarkivet.no/view/27/pa00000001051681 Eg greidde den gongen å finna spor etter Susanna i Vik, men Christence og Kari er framleis heilt uløyste utfordringar! Her er manuskriptet mitt for heile denne huslyden, der me vil sjå at dei tre jentene var fullsøstrer fødde av same mor: ~~~~~~~~~~~~~~~~ Anders Simonson Øvrebø, frå Lunden under Rønnei, var f. kring 1700 og vart gravlagd frå Øvrebø 2.2.1769. Han gifte seg første gongen kring 1730 med Christenca Knutsdotter, dotter av føregåande brukar og herifrå garden. Christenca var f. kring 1704, men vart gravlagd frå Øvrebø alt 4.4.1741. Anders gifte seg so andre gongen 26.11.1741 med Gjertrud Ellefsdotter frå Yttrishaugen under Yttri. Ho var f. kring 1716, men vart gravlagd frå Øvrebø 22.8.1756. Tredje kona til Anders Simonson vart so 2.2.1757 Siri Christensdotter frå Gjellene under Rønnei. Ho var f. kring 1725 og vart visstnok gravlagd som legdelem frå Lingjerde 12.9.1796. Anders fekk 2.4.1734 bygsel på bruket hjå Metta, enkja etter Christen Lemvig, og han dreiv det like til 1761. Kårbrevet hans vart dagsett 24.10.1761. Anders Simonson fekk i alt tolv born, fire frå første ekteskapet, seks frå det andre og to frå det siste: 1. Maria Andersdotter (1730-1740). 2. Knut Andersson (1735-1741). 3. Anders Andersson (1737-1801), vart husmann på Teigen under Dalsøyri. 4. Ole Andersson (1740-1809), vart husmann i Hagen under Eikum indre i Hafslo. 5. Christenca Andersdotter, døypt 20.12.1744, vart konfirmert i Luster i 1762. Christenca Andersdotter må vera fari frå bygdi kort etter ho vart konfirmerte, ##### (lagnaden hennar? – ytre Sogn eller Bergen?) 6. Ellef Andersson (1747-1747). 7. Simon Andersson (1748-1749). 8. Susanna Andersdotter, døypt 9.2.1750, Susanna Andersdotter flytte kring 1780 til Vik i Sogn og gifte seg der kring 1786 med Christen Hansson Sæbye frå Sæbø i Vik. Han var son av ##### (yrke? – gardbrukar?) Hans Madsson Sæbye på Sæbø, opphavleg frå ##### (kvar fødd/oppvaksen?) og kona Maren Andersdotter Kierumgaard frå ##### (kvar fødd/oppvaksi?) og var f. der kring 1737. ##### (dåpsdato?) Då det i 1760 vart halde skifte etter Maren Kierumgaard, vart Christen omtala som svakeleg, og det ser ut til at han og Susanna vart buande som innerstfolk på Sæbø der dei båe d. kring 1810. ##### (gravferdsdatoar?) Christen og Susanna fekk ikkje born i lag, men Susanna hadde to born frå før: a. Anders Berentson (1778-1780), son av Susanna og kapteinsonen Berent Christopher Thomasson von Krogh frå Vollen under Kvale (1755-1804), var f. og d. i Luster. b. Anna Olsdotter, dotter av Susanna og ##### (kanskje tingboki kan seia kven far hennar var?) var f. i Vik kring 1784, og tente i 1811 i Ortneviki i Kvamsøy ##### (seinare lagnad?) 9. Kirsti Andersdotter (1752-1752). 10. Kari Andersdotter, døypt 2.7.1753, levde framleis då mori fall ifrå i 1756. Også Kari Andersdotter må vera fari frå bygdi i ung alder, ##### (lagnaden hennar? – ytre Sogn eller Bergen?) 11. Christen Andersson (1757-1758). 12. Gjert Andersson (1759-1795), vart gardbrukar i Dversdalen i Hafslo. ~~~~~~~~~~~~~~~~ Det er fleire utfordringar i samband med huslyden til Susanna i Vik, som til dømes dødsfalli til ho og mann hennar, opphavi til svigerforeldri, inkl. Maren Kierumgaard (høyrest dansk ut!?) og ikkje minst lagnaden til dotteri Anna!? Christence Andersdotter syner seg vera ein svært uvanleg namnekombinasjon på Vestlandet, og den einaste eg finn som kan minna om denne jenta frå Luster, er denne mori i Bergen: https://www.digitalarkivet.no/view/255/pd00000009199877 https://media.digitalarkivet.no/view/8635/174 Men kvar vart det av ho? Og kva med Kari? Eg takkar so mykje på førehand for alle gode tips for å komplettera soga om desse søstrene!

Ole Olson (1813-1864) og Ingeborg Larsdotter (1813-1882) var gardbrukarar i Teigen, Øvrebø i Luster og hadde i alt sju born. Sonen Ole fekk garden i Teigen, og tre søstrer utvandra og budde i Franklin township, Vernon Co., WI der dei òg døydde. Men so var det dei tre yngste borni, som eg har leitt etter, både høgt og lågt, i 40 år, men utan hell! Er det mogeleg å komma på sporet etter dei? Her følgjer eit oppdatert manuskript for denne huslyden: ~~~~~~~~~~~~~~~ NB: Etter nye fine opplysningar er dette manuskriptet i kveld erstatta av eit nytt i innlegg #12 under! Kan kanskje ei av desse vera Ingeborg Olsdotter: https://www.familysearch.org/ark:/61903/1:1:Q29P-YTW4 https://www.familysearch.org/ark:/61903/1:1:XRNP-XM6 Eg takkar so mykje på førehand for alle gode tips!

Då eg tidleg på 1980-talet jobba med huslyden til Sjur Olson, greidde eg IKKJE å finna koblingi til Aurland. Det har eg derimot greidd i dag (HURRA!) og eg er komen eit langt steg vidare! Men no ser eg at Anders Ohnstad i ætteboki for Aurland har mista kontakten med dei, so dei flytte tydeleg frå Aurland att, utan at me veit var dei vart av. Eldste dotteri, som var fødd i Luster, gifte seg i Bergen, men flytte snatt attende til Aurland. Kan foreldri òg ha vore i Bergen? Her følgjer eit oppdatert manuskript: ~~~~~~~~~~~~~ Sjur Olson Quam, frå Bakka i Aurland, var son av gardbrukar Ole Hansson på Bakka, opphavleg frå ##### (kvar hadde Ole opphavet sitt ifrå? - f. 1691!?) og kona Gro Sjursdotter frå Bakka, vart døypt i Aurland 28.12.1732 og gifte seg i Aurland 18.10.1764 med Britha Olsdotter frå Bergum i Aurland. Ho var dotter av gardbrukar Ole Monsson på Bergum, opphavleg frå ##### (kvar hadde Ole opphavet sitt ifrå? – f. 1683!?) og tredje kona Ragnhild Aamundsdotter frå ##### (kvar hadde Ragnhild opphavet sitt ifrå? – f. 1695?) ##### (var ikkje mori heller Synneva Jacobsdotter frå Otternes? - og vart døypt i Aurland ##### (eller 31.10.1739?) 1741. Sjur fekk 12.3.1765 bygsel på heile Bollingberg hjå Sjur Wilkenson og flytte nok hit på same tidi. Men han og Britha budde ikkje her lenger enn til våren 1768. Sjur Olson og kona Britha flytte våren 1768 attende til Aurland og var i mange år gardbrukarar i Kvam i Aurland til dei på 1780-talet flytte ##### (seinare lagnad? – flytte på ny, men kvar? – kan henda til Bergen?) ##### (dødsfalli deira?) Sjur og Britha fekk sju born i lag: ##### (sjekka om dei kanskje hadde fleire?) a. Synneva Sjursdotter, døypt i Luster 27.5.1765, truleg identisk med ei Synneva Sjursdotter som 17.2.1799 gifte seg i Bergen med Hans Monsson frå Ramsøy i Aurland, son av gardbrukardotteri Bertha Marie, kjend som Maria Olsdotter (Wedscher) frå Fuhr (1737-1811). Hans vart døypt i Aurland 24.3.1765. Hans var soldat i Bergen, men han og Synneva flytte alt i 1800 attende til Aurland. Der var dei mellom anna plassfolk på Bakka, men kring 1816 flytte dei til plassen Hausahalsen ved Refsnes i Lærdal der Synneva d. som husmannskone 30.3.1834. Hans d. som husmann same staden 16.3.1839. Dei fekk tre born i lag. b. Gro Sjursdotter, døypt i Aurland 23.4.1768, vart gravlagd i Aurland 30.3.1770. c. Ole Sjurson, døypt i Aurland 21.10.1770, ##### (lagnaden hans?) d. Mari Sjursdotter, døypt i Aurland 20.3.1774, ##### (lagnaden hennar?) e. Ingeborg Sjursdotter, døypt i Aurland 7.4.1776, ##### (lagnaden hennar?) f. Britha Sjursdotter, døypt i Aurland 4.10.1778, ##### (lagnaden hennar?) g. Gro Sjursdotter, døypt i Aurland 20.10.1782, ##### (lagnaden hennar?) ~~~~~~~~~~~~~ Eg takkar som mykje på førehand for alle gode tips!

Dette er ein huslyd som eg jobba med alt på midten av 1980-talet, men som eg aldri greidde å finna ut av. Kan det vera enklare i dag? Gardbrukar Peder Hansson på Øvrebø i Luster (1720-1803) var gift to gongar, første kona Anna Olsdotter (1720-1744) døydde kort etter dei vart vigde, men let etter seg ei dotter: Kirsti Pedersdotter, døypt i Luster 26.6.1742 gifte seg i Luster 27.10.1766: https://media.digitalarkivet.no/view/11589/168 med Ole Olson, frå Bakka i Aurland, døypt i Aurland 18.5.1739, då mellombels busett hjå ein bror på nabogarden Bollingberg. Ole og Kirsti fekk ei dotter i Luster: * Anna Olsdotter, rimelegvis oppkalla etter mor hennar, døypt i Luster 7.9.1766: https://media.digitalarkivet.no/view/11589/71 So flytte Kirsti og Ole til Domkyrkjesokni i Bergen der endå ei dotter kom til verdi: * Ingeborg Olsdotter, døypt i Domkyrkja 5.11.1769: https://media.digitalarkivet.no/view/8635/70 Men so døydde Kirsti i Bergen og vart gravlagd frå Domkyrkja 15.11.1769, og 18.7.1770 døydde ogso dotteri Ingeborg. Kvar det sidan vart av Ole og dotteri Anna er ei kjempegåte! Er det i det heile mogeleg å finna eit svar på denne utfordringi? Kanskje gifte Ole seg att? Kanskje kalla han opp første kona si? Mor hans heitte Gro og kan òg ha vorte oppkalla? Eg takkar so mykje på førehand for alle gode tips!

Johanna Christensdotter var fødd i Luster 5.11.1852 som «uekte» barn av Martha Johannesdotter Lavold (1829-1916) og Christen Olson Ødegard (1828-1899). Mori Martha gifte seg sidan med Adam Andersson (Skildum) (1831-1908), og dei fekk ein son i lag, Anders (1858-1862). I 1875 utvandra Adam og Martha til Amerika, og dei busette seg som farmarar i Franklin township, Vernon Co., WI: * 1880: Adam and Martha Andrew: https://www.familysearch.org/ark:/61903/3:1:33SQ-GYBV-9GXB * 1900: Adam and Martha Anderson (finn ikkje denne sida hjå FamilySearch!): https://www.ancestry.com/imageviewer/collections/7602/images/4120646_00156?usePUB=true&_phsrc=Nzx23776&_phstart=successSource&usePUBJs=true&pId=74011296 * 1905: Adam and Martha Anderson: https://www.familysearch.org/ark:/61903/3:1:S3HY-695S-BS3 * 1910: Martha Adams, enkje: https://www.familysearch.org/ark:/61903/3:1:33S7-9YYV-SQNL Johanna Christensdotter, dotter hennar, utvandra til Amerika i 1876, året etter mor og stefaren, men so langt har eg ikkje vore i stand til å finna att denne jenta nokon stad i Amerika, og som me ser av FT1900, hadde mori Martha hatt TO BORN, men ingen av dei var ilive! Det at Johanna var avlidi før 1900 MÅ ikkje seia at ho var ugift eller ikkje hadde born etter seg, og no har eg fått spørsmål frå ein etterkommar etter ein halvbror hennar Johanna på farssida, som bur i Luster, om det er mogeleg å finna lagnaden til denne «grandtanta» hennar? Eg takkar so mykje på førehand for alle gode tips!

Eg har diverre ikkje notert kjeldereferansa til denne utfordringi (dette er opplysningar som eg fann på Statsarkivet i Bergen for 40 år sidan!), men det vart i 1801 halde skifte i Bergen etter: Christopher Johannessen, fødd på Øvrebø i Luster og døypt der 13.1.1743, var ei tid husmann i Lindalen under garden Skildeim i Luster, men flytte med kona Gjertrud Hansdotter til Bergen kring 1786 og vart gravlagd frå Nedre Dynnersmuget i Bergen 23.5.1801: https://www.digitalarkivet.no/view/267/pg00000000446770 Christopher og Gjertrud var barnlause, og so vidt eg har kunna registrera, hadde Christopher etter seg berre to søsken: * Ole Johannesson, fødd 1735, bror, var strandsitjar i Årstu under Dale i Luster, der han døydde i 1810. * Kari Johannesdotter, døypt i Luster 7.6.1740 - levde i 1801 som enkje, men ingen veit KVAR ho då budde! Kari Johannesdotter budde i alle fall IKKJE i Luster, og eg har ein mistanke om at ho òg kan ha butt i Bergen!!!? Kanskje nokon kan finna att skiftet frå Bergen frå 1801 for å sjå litt nærare på om dette kan ha tilleggsopplysningar? Eg takkar so mykje på førehand for alle gode tips!

Denne utfordringi har eg jobba med i mange år, men aldri har eg greidd finna ut kvar det vart av denne guten! Torsten Nilsson, son av Nils Torgerson (1769-1829) og Kari Olsdotter (1771-1842), husmannsfolk i Dvergsdalen ved Marifjøra, men plass under Prestegard i Luster, vart døypt i Hafslo 30.10.1808 og vart konfirmert i Hafslo i 1823. Han er nemnd i live då faren døydde i 1829, men det er òg siste livsteikn me ser etter han! Er det mogeleg å finna ut kvar det vart av denne guten? Det hadde vore svært so kjekt! Eg takkar so mykje å førehand for alle gode tips!

Denne haugianarhuslyden representert av Andrea Pedersdotter Sandvig frå Luster (1816-1904) arbeidde eg første gongen med på 1980-talet, men med dei kjeldene som den gongen var tilgjengelege, var det mykje eg ikkje greidde å finna. No har eg teke opp att dette emnet og har finne ein del detaljar, men står fast på ein del andre, særleg frå Grytten og Lesja! Her følgjer eit oppdatert manuskript: ~~~~~~~~~~~~~~~~ NB: Etter mange spennande opplysningar og oppdagingar er dette manuskriptet no erstatta av ei oppdatering i innlegg #6 under! Nokre av kjeldene eg har nytta: Første vigsli: https://www.digitalarkivet.no/view/327/pv00000002682004 Andre vigsli: https://www.digitalarkivet.no/view/327/pv00000002312025 FT1865: https://www.digitalarkivet.no/census/person/pf01038293003387 FT1875: https://www.digitalarkivet.no/census/person/pf01052342000237 FT1891: https://www.digitalarkivet.no/census/person/pf01053050002811 FT1900: https://www.digitalarkivet.no/census/person/pf01037395001550 Eg vonar det let seg gjera fylla nokre av dei «hòli» som står att, og eg takkar so mykje på førehand for alle gode tips!

Erik Olson var fødd i Luster 10.8.1837 - foreldri hans var: ** Ole Erikson Prestegard (1796-1876) og første kona hans: ** Ingeborg Jensdotter Raaum (1810-1839): https://media.digitalarkivet.no/view/11592/48 Etter mori døydde so tidleg, kom Erik til oppfostring i Jostedalen, først hjå fasteri Øllegaard Eriksdotter (1801-1874) - gift til Grov i Jostedalen, og sidan til den barnlause farbroren Peder Erikson (1791-1871) - gardbrukar på Bjørk i Jostedalen. Her vart Erik konfirmert i 1852: https://media.digitalarkivet.no/view/8397/84 Og Erik utvandra derifrå i 1856: https://media.digitalarkivet.no/view/8397/160 Faren Ole Erikson Prestegard budde 1865 framleis under Prestegard i Luster: http://www.rhd.uit.no/folketellinger/ftliste.aspx?ft=1865&knr=1426&kenr=010&bnr=0049&lnr=000 Men i 1870 var han framkomen til Burke township, Dane Co., WI der han som Ole Prescott var busett hjå dotteri Ingeborg og svigersonen Henrik: https://www.familysearch.org/ark:/61903/3:1:S3HT-6WL9-X56 Henrik og Ingeborg utvandra med Fido i 1866, og same året skal òg Christian Olson (Sanvik) (1844-1915), ein son som Ole hadde utanfor ekteskap og som delvis skal ha vokse opp hjå far sin(!), ha utvandra, men eg finn ikkje korkje Christian Olson eller Ole Erikson sjølv i passasjerlistene for 1866! Det høyrer med til soga at Ingeborg døydde hausten 1870, og Ole flytte sidan inn hjå sonen Christian i Blue Mounds township, Pope Co., MN der han d. 4.4.1876. Her er FT1875 frå Pope Co., MN: https://www.familysearch.org/ark:/61903/3:1:S3HY-65XS-DYH Er det nokon som kan hjeklpa meg freista finna svar på følgjande utfordringar: ** Kvar vart det av Erik Olson (Bjørk) i Amerika? ** Kva år utvandra faren Ole Erikson og halvbroren Christian Olson til Amerika (passasjerlister)? Eg takkar so mykje på førehand for alle gode tips!

Då eg på 1980-talet arbeidde med denne personen frå Luster, fekk eg følgjande opplysningar frå etterkomarar etter søskeni hans: Salomon Olson Berge, fødd i Luster 12.9.1853, utvandra med mpr si til Amerika i 1867 og var i 1880 busett som farmarbeidar hjå broren Peder i Franklin township, Vernon Co., WI So fortel slekti følgjande: «Sam reiste frå Wisconsin og var farmarbeidar mange ulike stadar i Nord-Vesten». Han skal aldri ha vore gift,, men var i 1932 busett i Oregon! Sidan høyrde dei aldri meir gjete han...» Eg fann på Internett ein underleg liktale for ein Sam Berg frå Oregon: ~~~~~~~~~~~~~~ Obituary Salem, OR Sat. Aug. 26, 1939: Samuel B. Berg Aurora – Samuel B. Berg, 87, resident of Clacksmas county for the past 33 years, died at his home in Canby Monday morning after a short illness. Berg was born in Hegleland Sogue, Norway July 31, 1852. He came to the United States at the age of 16, and settled in Minnesota, and later homesteaded in North Dakota, returning to Minnesota where he was united in marriage to Gina Sandsness June 11, 1886. He returned to his homestead in North Dakota and lived there for three years when he, with his family moved to Melville, Montana, where they lived for 18 years. In the summer of 1905, Mr. Berg visited the World’s fair in Portland and while there he purchased the old Barlow place at Barlow, moving his family to Oregon in the spring of 1906, where the family lived until 1919, or until Mr. Berg retired from actve farm life. Mr. and Mrs. Berg moved to Silverton where they lived until 1921, moving to Canby at that time, where he had since resided. Mrs. Berg preceded him in death November 4, 1936. He is survived by nine children: Mrs. Clara Johnson of Junction City; Mrs. Agnes Drew of Castle Rock, Wash., Mrs. Emma Schreder of Salem, Mrs. Stella Avit of Los Banos, Calif., Mrs. Nellie Hams of Canby, Bernard and Albert Berg of Barlow, George of Canby and Elmer of Salem; one sister Julia Berg of Stanley, N. D., and 17 grandchildren. Funeral services will be held from the Canby Funeral home Tuesday afternoon with Rev. N. J. Aadland, Pastor of Zoar Lutheran church officiating. Interment Zion cemetery, Canby. ~~~~~~~~~~~~~~ MEN, denne Sam Berg syner seg vera fødd i Helleland på Jæren og er identisk med denne personen: https://www.digitalarkivet.no/view/255/pd00000003184365 So, eg leiter stadig vekk etter «min» Salomon «Sam» Berge og ville setja kjempestor pris på om nokon kunne greia finna han att? Hjarteleg takk på førehand for alle gode tips!

Mari Tollefsdotter, dotter av Tollef Einerson (1763-1824) og Ingeborg Andersdotter (1798-1869), husmannsfolk på Meinsete i Råaberget i Luster, var fødd kring 1819, men er ikkje innskrivi i kyrkjeboki. Derimot finn me ho konfirmert i 1834, og same året er ho òg nemnd i dette skiftet: https://www.digitalarkivet.no/view/27/pa00000001009167 Men sidan ser me ikkje noko meir til ho korkje i Luster eller i nabobygdene. Broren Anders (1822-1904) budde ei tid i Balestrand, men kom attende til Luster og døydde her som ugift legdelem! Er det mogeleg å finna ut kvar det vart av ho Mari? Eg takkar so mykje på førehand for alle gode tips!

Kirsti Jensdotter Raaum, døypt i Luster 8.7.1798, levde ugift til ho 12.7.1847 henta heim Nils Pederson frå Molland i Hafslo, og dei budde som kårfolk og sidan plassfolk i Råaberget under Råum i Luster der Kirsti døydde 13.5.1869. Ho hadde tre born før ho gifte seg med Nils, men to av dei var tydeleg avlidne, og om sonen: * Johannes Johannesson,fødd i Hafslo 24.3.1832, heitte det at dei ikkje hadde høyrt gjete han sidan han reiste frå bygdi i ung alder! Her ser me at Johannes Johannesson Raaum flytte til Bergen i 1849 - 17 år gamal (#30): https://media.digitalarkivet.no/view/8401/207 Men opphaldet i Bergen varte ikkje lenge, for i 1851 flytte han til Nordland - 19 år gamal (#107): https://media.digitalarkivet.no/view/8401/213 Frå ei anna kjelde (passprotokoll?) får me opplyst at han i 1851 var middels høg, hadde blondt hår og blå auge. Frå endå ei anna kjelde, truleg ein lensmannsprotokoll, kan henda frå dødsmeldingi etter mori, får me so opplyst at Johannes var heime på ny i 1872, truleg for å gjera krav på arv etter mori, men kjeldene fortel oss ikkje kvar han då budde! Er det i det heile mogeleg å finna lagnaden til denne Johannes Johannesson Raaum? Eg takkar so mykje på førehand for alle gode tips!

Anna Johanna Eriksdotter Raaum var fødd i Luster 19.3.1877, dotter av gardbrukar Erik Erikson Raaum (1841-1924) og kona Maren Andersdotter f. Eikum (1843-1930) Ho nytta til dagleg namnet Johanna og er nemnd heime hjå foreldri * i 1891: https://www.digitalarkivet.no/census/person/pf01053010002515 * i 1900: https://www.digitalarkivet.no/census/person/pf01037351002719 Ætti hennar i Luster fortalte meg på 1980-talet at Johanna skule vera flytt til Christiania kort etter hundreårsskiftet og «skal ha» utvandra derifrå til Amerika. Men då skifti vart haldne etter foreldri hennar i Luster, får me vita at ingen hadde høyrt gjete ho etter 1912! Det hadde vore kjempekjekt om me endeleg i dag kunne finna ut noko meir om lagnaden hennar, både i Christiania og i Amerika og eg takkar so mykje på førehand for alle gode tips! PS: Ho hadde ein einaste bror, Anders «Andrew Erickson», som utvandra til Amarika, og han busette seg i Latah Co., Idaho, men heller ikkje der har nokon høyrt gjete ho!

Dette er ein huslyd som eg har jobba med ganske so intenst i over 30 år. Eldste sonen var forsvunnen då han vart innkalla til sesjon i 1833, medan yngste dotteri Anna rett og slett berre «forsvinn». Dotteri Martha utvandra til Amerika i 1853. Broren Torbjørn utvandra til Amerika i 1851 og busette seg i Vernon Co., WI og dels òg i Fillmore Co., MN. Ho hadde òg andre skyldfolk i desse områdi, men let det seg gjera finna ut kvar det vart av ho? Her følgjer eit oppdatert manuskript for denne huslyden: ~~~~~~~~~~~~~~ Henrik Torbjørnson Aaberge, son av føregåande brukar og herifrå garden, vart døypt 6.12.1787 og d. som gardbrukar på Åberge 8.6.1833. Henrik fekk alt 22.10.1805 skøyte på heimebruket mot å yta kår til far sin, og 17.10.1809 gifte han seg første gongen med Britha Iversdotter frå Leirdalen. Ho vart døypt 16.6.1782, men vart gravlagd frå Åberge alt 25.10.1812. Henrik gifte seg så att 13.11.1814 med Gunnhild Trondsdotter frå Sandviki. Ho vart døypt 21.1.1787 og d. som enkje på Åberge 14.4.1854. Henrik dreiv garden levetidi ut og fekk i alt fjorten born, fem frå første ekteskapet og ni frå det andre; dessutan hadde første kona ein son frå før: 1. Torger Ludvigson, son av Britha og husmann Ludvig Ingebrigtson i Tubbene under Dalsøyri (1784-1847), vart døypt 24.1.1808. ##### (lagnaden hans? - ved sesjonen i Luster i 1833, var det ingen som hadde kjennskap til Torger Ludvigson – lagnaden hans er soleis heilt ukjend!) 2. Guri Henriksdotter (1810-1810). 3. Torbjørn Henrikson, tvilling (1811-1811). 4. Iver Henrikson, likeins tvilling (1811-1811). 5. Torbjørn Henrikson, tvilling (1812-1892), var i mange år gardbrukar på Nes (s.d.). 6. Iver Henrikson, likeins tvilling (1812-1853), vart husmann på Klype under Nes. 7. Trond Henrikson (1815-1815). 8. Britha Henriksdotter (1816-1818). 9. Ole Henrikson (1818-1900), vart gardbrukar på Haugen. 10. Guri Henriksdotter (1820-1904), vart sambuande med husmann og enkjemann Asbjørn Findson i Toi under Kjøtnes (1809-1890). 11. Martha Henriksdotter, f. 30.3.1822, Martha Hendrickson utvandra til Amerika i 1853, ##### (lagnaden hennar?) 12. Trond Henrikson, f. 20.8.1824, gifte seg 8.5.1855 med Sophia Gerhardine Melchiorsdotter Heiberg frå Kvalsøyri, Dalsøyri (bnr. 2). Ho var f. i Sogndal 30.7.1830. Trond og Sophia flytte i 1857 til Leikanger der dei i nokre år var gardbrukarar på Grinde. I 1864 flytte dei så vidare til Kvamsøy (no ein del av Balestrand) der dei vart gardbrukarar på garden Engum. Trond d. som gardbrukar på Engum 7.12.1887, medan Sophia d. som kårenkje same staden 8.11.1906. Dei fekk sju born i lag: a. Cathrina Dorthea Trondsdotter, f. i Luster 16.5.1855, flytte frå bygdi med foreldri i 1857 og d. som kårkone på Livden i Kvamsøy 8.7.1924. Ho gifte seg i Kvamsøy 2.5.1876 med Nils Gjertson, f. på Hanevik i Kvamsøy 11.3.1853. Han d. på eit sjukehus i Bergen 16.8.1932. Nils og Cathrina vart gardbrukarar på Livden, Engum i Kvamsøy og fekk åtte born i lag. b. Anna Marie, kjend som Maria Trondsdotter, f. i Leikanger 10.7.1857, d. som gardbrukarkone på Linde i Kvamsøy 25.2.1926. Maria gifte seg i Kvamsøy 6.7.1888 med Ole Hermundson frå Linde i Kvamsøy. Han var f. i Kvamsøy 29.12.1857 og d. som enkjemann på Linde 16.6.1930. Ole og Maria tok over heimebruket hans på Linde i Kvamsøy og fekk fem born i lag. c. Metta Gunhilde, kjend som Gunnhild Trondsdotter, f. i Leikanger 21.4.1860, d. som gardbrukarkone på Vollevik i Vik 9.4.1912. Gunnhild gifte seg i Kvamsøy 25.6.1884 med Andreas Simonson, f. på Vollevik i Vik 22.6.1855. Han d. som kårmann på Vollevik 25.12.1941. Gunnhild og Andreas tok over heimebruket hans på Vollevik i Vik og budde der levetidi ut. Dei fekk ti born i lag. d. Melchior Falch Heiberg Trondson, f. i Leikanger 21.11.1862, d. som gardbrukar på Engum i Kvamsøy 26.9.1920. Han gifte seg i Kvamsøy 10.5.1887 med Olina Gjertsdotter frå Hanevik i Kvamsøy. Ho var f. i Kvamsøy 4.7.1864 og d. på Engum 8.1.1954. Melchior og Olina tok over heimebruket hans på Engum i Kvamsøy og vart buande der levetidi ut. Dei fekk fem born i lag. e. Johanna Henrikke Trondsdotter, f. i Kvamsøy 20.4.1868, d. i Kvamsøy 27.1.1869. f. Johanna Henrikke Trondsdotter, f. i Kvamsøy 22.1.1871, d. i Kvamsøy 19.6.1875. g. Sophia Gerhardine Trondsdotter, f. i Kvamsøy 30.4.1873, d. i Kvamsøy 12.5.1873. 13. Bertha Henriksdotter, f. 3.6.1827, vart konfirmert i Luster i 1841. Bertha Henriksdotter flytte i 1850-åri med broren Trond til Grinde på Leikanger og sidan vidare til Engum i Kvamsøy der ho sidan livnærte seg som tenestejente. Ho d. ugift på Engum 5.5.1902. 14. Gjertrud Henriksdotter (1831-1918), vart gift med gardbrukar og smed Peder Pederson på Loi, Kroken i Hafslo (bnr. 14) (1833-1915). 15. Anna Henriksdotter, 19.10.1833, ##### (lagnaden hennar? - ikkje konfirmert i Luster!) ~~~~~~~~~~~~~~ Eg takkar so mykje på førehand for alle gode tips!