Søk i nettsamfunnet

Det har lokalt i Luster vore hevda at den gamle ætti på Yttri, etterkomarar etter Endre Yttri (1600-1649), skulle vera av same slekti som Bratt-ætti på Sandbu i Vågå og líkeins ha tilknytting til den gamle stormannsætti på Sundre på Ål. Debatten kring desse påstandane vil eg i denne omgongen lata liggja, men ein son av Endre Yttri var: Lars Endreson (1648-1725), gardbrukar på Optun i Luster. Denne Lars var visstnok gift to gongar og hadde med siste kona si (Anna?) ein son: ** Endre Larsson, fødd kring 1685, som i 1701 var dreng på Maristova i Borgund, Lærdal: https://www.digitalarkivet.no/view/206/pc00000000630458 Eg har i over 40 år speklulert på kvar denne Endre Larsson kan ha vorte av, men er det i det heile tatt mogeleg å finna han att? Eg takkar so mykje på førehand for alle gode tips!

Dette er ein huslyd som eg freista finna i Amerika på 1980-talet, og ifølgje slekt i Noreg, skulle dei ha butt i Tacoma, WA der dei fekk to søner. Eg leitte høgt og lågt, men først no har eg greidd å «avsløra» sanningi: Det syner seg nemlig at Lena og mann hennar faktisk budde ei tid i Tacoma, WA, men i 1918 flytte dei til Minneapolis, MN. Ikkje lenge etter vart Lena sjuk, og ho kom på ein sjukheim. Dette hadde tydeleg slekti i Noreg aldri fått greie på! Eg har no greidd å finna ein del detaljar, men manglar framleis noko. Slik ser no det oppdaterte manuskriptet mitt ut: ~~~~~~~~~~~~~~ Anna Lena, kjend som Lena Olsdotter Drevdal, f. {i Luster} 9.3.1875, Lena Drevdal utvandra til Amerika i 1907 og fór då til broren Johannes som den gongen budde i Starbuck, Pope Co., Minn., men flytte snart vidare til Seattle, Wash der ho 1.10.1910 gifte seg med Anders Theodor Torkelson Skjerve frå Vossevangen på Voss, i Amerika kjend som Theodore Shervey. Han var son av typograf Torkel Torkildson Skjerve på Vossevangen, opphavleg frå garden Skjerve på Voss, og kona Torbjørg Andersdotter frå Æen og f. på Voss 14.1.1883, men utvandra til Amerika i 1902. Theodore Shervey var murarbeidar («brick layer»), og han og Lena budde dels i Tacoma, Pierce Co., Wash. og dels i Seattle, King Co., Wash. til dei i 1918 flytte til Minneapolis, Hennepin Co., Minn. Ein gong på 1920-talet vart Lena sjuk og flytte inn på ein sjukeheim i Willmar, Kandiyohi Co., Minn., men ho d. i Minneapolis, Minn. 9.1.1968. Theodore tok etter kvart til å skriva seg for Andrew Shervey; han vart skild frå Lena og gifte seg att ##### (date and place of his 2nd marriage? - ?married Olmsted Co., MN Mar. 11 or 20, 1943 to Laura M. Brady!?) med Laura Marie Hansen, ##### (where on Norway did she come from?) ##### (parents?) Ho var f. ##### (exact place of her birth?) 10.11.1883. Andrew og Laura vart buande i Minneapolis, Hennepin Co., Minn., men Laura d. i Los Angees, Cal. 11.5.1944. Andrew Shervey d. i Minneapolis, Minn. 7.7.1965. Andrew Shervey fekk i alt tre born, som alle var frå første ekteskapet med Lena: ##### (to be verified there were no additional children!?) ##### (NB: Andrew T. Shervey appears to have married a 3rd time in Minneapolis, MN Jan. 13, 1949 to Arla May Fliegel, born May 10, 1888 or 1889, died Minneapolis, MN June 12, 1975!? – info?) a. Theodore Oliver Shervey, f. i Pierce Co., Wash. 19.8.1913, ##### (death record shows birth date Aug. 8, 1913! – NB: WA birth index shows another Theodore Oliver Shervey born in Pierce Co., WA June 9, 1918!! – must be an error!?) d. i Minneapolis, Minn. 31.12.1970. Theodore gifte seg i Minneapolis, Minn. 2.5.1942 med Ethel Eleanor, kjend som Eleanor Larsen, ##### (info on her?) ##### (occupation and place of residence? – 1940 single salesman res. with father and stepmother in Minneapolis, MN!) ##### (number of sons and daughters?) b. Margaret S. ##### (middle name?) Shervey, f. i ##### (date and place of her birth? – WA 1915!) ##### (listed 1920 – later biography!? – perhaps Margery Shervey married Minneapolis, MN June 18, 1934 to Mickey Mickelson?) c. Alfred Woodrow Shervey, f. i Hennepin Co., Minn. 6.9.1918, d. i Minneapolis, MN 11.6.1922. ~~~~~~~~~~~~~~ Her er huslyden i FT1920 for Minneapolis, MN: https://www.familysearch.org/ark:/61903/3:1:33S7-9R6L-23R Og her er mannen med nytt namn og ny kone i Minneapolis, MN i 1940: https://www.familysearch.org/ark:/61903/3:1:3QS7-89MT-446K Her har me WW2 draftet hans: https://www.familysearch.org/ark:/61903/3:1:3Q9M-C91R-Y7ZL-Y Og her var han i 1948 på Noregsvitjing: https://www.familysearch.org/ark:/61903/3:1:3QS7-994V-46YX Eg ville setja stor pris på lite vetta hjelp til å finna fleire opplysningar og takkar so mykje på førehand for alle gode tips! Kanskje nokre obituaries vil dukka opp?

Hans Knutson, son av Knut Findson (1685-1749) og Martha Hansdotter (1699-1785), husmannsfolk på Vinjane under garden Hauge i Luster, var fødd i Luster kring 1728 og reiste i ung alder som skulemeistar til Kyrkjebø i dåverande Vik prestegjeld. Han gifte seg med ei jente derifrå, og dei flytte til Foss i Hyllestad, men so er det at denne huslyden tilsynelatande gjer «alt» for å gøyma seg for ettertidi. Her kjem eit oppdatert manuskript: ~~~~~~~~~~~~~ Hans Knutson {Vinjene}, f. {i Luster} kring 1728, Hans Knutson flytte liksom fleire av søskeni også til ytre Sogn og gifte seg i Kyrkjebø, Vik 27.6.1762 med Guri Olsdotter frå Sande i Kyrkjebø. Ho var dotter av gardbrukar Ole Gunderson på Sande og kona Gjørond Østensdotter frå Hjetland og vart døypt i Kyrkjebø, Vik 2.8.1732. Hans var skulemeistar, men han og Guri vart sidan gardbrukarar på Foss i Hyllestad der Guri d. ##### (truleg gravlagd Bø sokn, Gulen – finn ikkje? – skifte halde 9.5.1776! https://media.digitalarkivet.no/view/24167/370?indexing= 1776. Hans Knutson flytte til ##### (budde 1794 på Sulelandet – gravl. frå Kjellevoll 25.4.1799, 70½ år – ell. frå Risen 22.2.1800, 78¾ år?) Hans og Guri fekk fem born i lag: a. Britha Hansdotter, døypt i Kyrkjebø, Vik 8.8.1762, ##### (d. barnlaus før 1816!?) b. Martha Hansdotter, døypt i Kyrkjebø, Vik 8.7.1764, d. ##### (dato og stad for dødsfallet hennar? – e. 1825!) Martha gifte seg i Kyrkjebø, Vik 20.9.1807 med Elling Gregoriusson frå Merket under Kyrkjebø i Kyrkjebø, f. i Kyrkjebø 1.6.1771. Han d. som kårmann i Kalvebotten 12.5.1849. Elling var ei tid skulehaldar i Vik, men han og Martha budde elles som husmannsfolk på ein plass ##### (kva plass? – bygdeboki for Hyllestad seier under husmannsplassen Gulen: «ein Elling Gregoriusson og sonen brukte truleg plassen ei tid») under Kalvebotten (Skorpen indre) i Hyllestad. Dei var truleg barnlause. ##### (sjekka dette?) c. Ole Hansson, døypt i Hyllestad, Gulen 19.10.1766, ##### (dato og stad for dødsfallet/gravferdi hans? – før 1776!) d. Knut Hansson, døypt i Hyllestad, Gulen 8.12.1769, ##### (d. barnlaus før 1816!?) e. Gjørond Hansdotter, døypt i Hyllestad, Gulen 10.11.1774, ##### (d. barnlaus før 1816!?) ~~~~~~~~~~~~~ Opplysningane som eg har, er alle «innfletta» i dette manuskriptet. Særleg er eg oppteken av: ** Finst dødsfallet/gravferdi til Guri Olsdotter og/eller sonen Ole Hansson innført i Gulen? Eg har ikkje greidd å finna nokon av dei...! ** Hans budde i 1794 på «Sulelandet» (kjem fram av skiftet etter søsteri Maria Knuitsdotter Kjøtnes, som døydde barnlaus i Luster dette året!). Han er vel ein av dei to «kandidatane» eg har finne gravlagde i Gulen 1799/1800? ** Men so var det borni deira, då. Fire av dei fem borni levde då mori døydde i 1776, men er sidan borte som «dogg for soli». Eit skifte frå 1816, som eg i farten ikkje kan finna att, nemner berre dotteri Martha gift med Elling Gregoriusson, og sjølv om dette parfolket er bygdeboki for Hyllestad ekstrem sparsam med opplysningar...! No vonar eg at nokon kanskje dreg kjensel på denne huslyden og kan hjelpa meg med fleire detaljar. Eg takkar so mykje på førehand for alle gode tips!

Denne huslyden arbeidde eg sist med for om lag 30 år sidan, og eg fann det som eg kunne finna utifrå kjeldene som då var tilgjengelege. No har eg sett litt meir på denne huslyden, og eitt og anna har eg greidd å føya til. Her følgjer eit oppdatert manuskript: ~~~~~~~~~~~~ Elling Johannesson {Drevdal}, f. {i Luster} 8.1.1819, Elling Drevdal flytte òg til Bergen i ung alder og gifte seg der i Domkyrkja 19.3.1843 med Johanne Jacobine Johannesdotter Erichsen ffrå Sorø på Sjælland, Danmark. Ho var dotter av jordbrukar Johannes Erichsen i Sorø, opphavleg frå ##### (opphavet hans?) og kona Marie f. Egeroth frå ##### (opphavet hennar?) og f. i Sorø, Danmark 25.7.1817. Elling Drevdal var ei tid politibetjent i Bergen, men fekk 4.4.1843 borgarskap i Bergen som vertshushaldar. Han og Johanne busette seg snart etter i Hollændergaten i Bergen. Hausten 1848 kjøpte Elling garden Foss nedre i Hyllestad hjå Johannes Torgerson frå Sandviki (1804-1879), men det ser ikkje ut til at han og Johanne nokon gong flytte dit. Derimot ser det ut til at det gjekk noko på tverke for Elling; i 1850 gjekk nemleg eigedomen i Bergen på tvangsauksjon, og året etter vart også Foss nedre i Hyllestad seld på auksjon. Og om ikkje det var nok, reiste kona frå han om lag på same tidi, ##### (lagnaden hennar? – kan henda attende til Danmark?) Elling kom på same tid i konflikt med lovi, og ##### (hadde meir eller mindre «abonnement» på tukthusplass i Bergen!?) og d. som almisselem (legdelem) på arbeidsanstalten i Bergen 7.1.1872. Me kjenner til fire born etter Elling og Johanne Drevdal: ##### (kan det ha vore fleire?) a. Anna Elline Ellingsdotter Drevdal, f. i Bergen 10.1.1842, ##### (lagnaden hennar?) b. Udøypt son, f. i Bergen 30.11.1845, d. i Bergen 7.12.1845. c. Johanne Gunhilde Ellingsdotter Drevdal, f. i Bergen 27.4.1847, ##### (lagnaden hennar?) d. Peder Frithjof Ellingson Drevdal, f. i Bergen 18.9.1849, ##### (lagnaden hans? – industriarbeidar – d. i Paris 26.1.1916) ~~~~~~~~~~~~ Eg ser at Elling frå 1851 var «stamgjest» på tukthuset i Bergen, men kva han hadde gjort seg skyldig i, kan eg ikkje sjå er skrive nokon stad(?) Eller kanskje kjem det fram i heimstavnsforhøyret, som eg ikkje finn: https://www.digitalarkivet.no/view/237/pc00000000029171 Elles finn eg denne innførsli, som eg tykte var heller underleg, at sonen Peder døydde i Paris: https://www.digitalarkivet.no/view/267/pg00000001119173 https://media.digitalarkivet.no/view/43665/115 Eg har ein mistanke om at Johanne Drevdal flytte attende til Danmark, og at ho tok med seg borni dit, men er dette mogeleg å prova? Eg takkar so mykje på førehand for alle gode tips om denne huslyden!

Dette er ein huslyd som eg har hatt liggjande sidan tidleg på 1980-talet, men som eg aldri riktig er komen «til bonns» i. No har Ivar finne referansar til to av sønene: «Herman Hermandsen 1759 i Sogn hidkom da han var 4 aar gml. Bergen Nyek. uundersætsig 1782 d. 13 Mar tii Fahret 1 Reise paa Ostende Død og udgaaer 1787 efter Cont. Adm. Schultz skrivelse af 4/12-86 Ole Hermansen 1761 Lyster Sogn (kom til byn 2 aar gl.) Bergen Nye Kirk. uMaadl. 1784 d. 23 Junii 1 Reise paa Petterborg Drognet 1789» Desse opplysningane synest noko «kryptiske», men kanskje er det mogeleg å få tak i litt fleire detaljar? Elles vonar eg òg at fleire detaljar kan komma på plass når det gjeld dei to døttrene som voks opp, samt for ektemakane deira!? Etter opplysningane frå Ivar ser manuskriptet mitt i dag slik ut: ~~~~~~~~~~~~~~~ NB: Etter mange spennande innlegg er dette manuskriptet no erstatta av eit nytt i innlegg #7 under! Eg takkar so mykje på førehand for alle gode tips til komplettering av denne biografien!

Då eg første gongen på 1980-talet leitte etter lagnaden til denne jenta frå Luster, hadde slektningane hennar sørpå ingen opplysningar om Johanna i det heile, bortsett ifrå at ho «skal ha vore gift i Vesterålen eller Lofoten, men at ho ikkje fekk born!» Med «moderne» kjeldbruk har eg no finne ut at ho bsette seg i Flakstad. Ho var gift to gongar, men fekk ingen born (berre fleire fosterborn...) Men eg finn ikkje dødsfalli korkje til Johanna eller til nokon av ektemakane hennar. Er det augi mine som sviktar på ny? Slik ser manuskriptet mitt ut pr. i dag: ~~~~~~~~~~~~~ Johanna Hermundsdotter Sandvik, f. {i Luster} 26.4.1860, Johanna Hermundsdotter flytte i ung alder til Nordland og gifte seg i Flakstad 19.9.1889 med Anders Mattias Arneson frå Pilleberg i Selje, kjend som Anders Pilleberg. Han var son av gardbrukar Arne Martinus Jensson på Pilleberg, opphavleg frå Lisæter, og kona Marthe Anna Monsdotter frå Pilleberg og f. i Selje 28.9.1858. Anders var fiskar, og han og Johanna busette seg som plassfolk på Knubben under Andopsnes i Flakstad der Anders Pilleberg d. 9.12.1900. Johanna gifte seg so 17.10.1905 att i Flakstad med enkjemannen Martinus Andreassen, opphavleg frå Sund i Flakstad. Han var son av husmann Andreas Martinus Andreasson på Fjøsdalen under Sund, opphavleg frå ##### (opphavet hans? – f. Buksnes 1827 – sjå vigsli 20.9.1860: https://media.digitalarkivet.no/view/10001/154 og kona Fredrikke Christiane Schønning Jensdotter frå Haukland i Buksnes og f. i Flakstad 25.7.1857. Martinus Andreassen var skomakar, og han og Johanna budde som plassfolk på Blomsterø under Sund i Flakstad der ##### (dato og stad for dødsfallet hennar? – e. 1910/før 1937!) Martinus Andreassen d. som enkjemann same staden 14.2.1937. Johanna fekk ikkje born i nokon av ekteskapi sine, men tok til seg fleire fosterborn. ~~~~~~~~~~~~~ Eg takkar so mykje på førehand for alle gode tips om dei manglande detaljane!

Alf Paulson (1716-1783) og andre kona Esther Pedersdotter (1735-1793) budde som husmannsflk på plassen Slottet under garden Tandle i Luster. Dei fekk to born i lag, ei dotter som døydde ung og denne sonen: * Paul Alfson, fødd i Luster kring 1778 (men ikkje innført i kyrkjeboki!), vart konfirmert i 1795: https://www.digitalarkivet.no/view/279/pk00000000458389 Paul er ogso nemnd i ei anna kjelde frå 1798 (som eg i farti ikkje kan finna att!), men so vert han «borte vekk»! FT1801 syner at Paul har ein namnebror i Norderhov, men han er sjekka ut som ein annan person, so me står heilt utan spor etter «vår» Paul! Eg takkar so mykje på førehand for alle gode tips!

Dette er ein huslyd som eg arbeidde mykje med på 1980-talet. Eg hadde den gongen òg kontakt med minst ein etterkomar, so det meste kom «på plass», men nokre detaljar greidde eg ikkje å finna ut av, og no vonar eg at kanskje nokon i Brukarforum kan hjelpa meg leita dei fram? Her følgjer eit oppdatert manuskript: ~~~~~~~~~~~~~ NB: Etter mange nye innlegg er dette manuskriptet no erstatta av eit nytt i innlegg #10 under! Eg takkar so mykje på førehand for alle gode tips!

Denne utfordringi kjempa eg med alt på 1980-talet, men eg greidde aldri å komma i mål. No vonar eg at ein presentasjon i Brukarforum kan bidra til å løysa gåta... Anders Nilsson (1804-1855) og Britha Pedersdotter (1804-1857), plassfolk på Hagale under garden Drevdal i Luster, fekk seks born i lag, to eller tre av dei forlet aldri Noreg, medan sonen Anders (= Andrew A. Drevdahl) (1837-1896) utvandra i 1866 til Dane Co., WI der han har stor etterslekt. Han nytta Drevdahl som slektsnamn. So har me desse to brørne, eldste og yngst i søskenflokken: ~~~~~ Nils Andersson (Drevdahl). fødd i Luster 1.2.1832, gifte seg i Luster 30.6.1862 med Rønnaug Hansdotter frå Bolstad i Skjolden, men fødd i Skjåk 8.6.1834. Nils og Rønnaug utvandra til Amerika med S/S Fido i 1866: http://gda.arkivverket.no/cgi-win/webcens.exe?slag=visbase&sidenr=1&filnamn=Quebec65&gardpostnr=3387&merk=3387#ovre og bør vel i prinsipet òg ha «landa» i Dane Co., WI liksom broren Anders, men eg har tross intens leiting enno ikkje greidd finna spor etter Nils og Rønnaug. Dei hadde ingen born fødde før dei reiste frå Luster! ~~~~~ Ole Andersson (Drevdahl), fødd i Luster 27.7.1847, skal etter kva dei seier ha utvandra til Amerika kring 1870, og nokre slektningar TRUR han busette seg i Chicago, heller ikkje han har det til nore mogeleg å finna att der borte. Eg har heller ikkje greidd å finna utvandringsåret!? MEN eg har finne ein ganske so god «kandidat» for Ole i Amerika gjennom denne farmaren busett i Alba township, Jackson Co., MN, presentert gjennom eit ancestry «family tree»: https://www.ancestry.com/family-tree/person/tree/72106412/person/34270538123/facts?_phsrc=Nzx10633&_phstart=successSource Om denne Ole Anderson står det rett nok at han var fødd i Telemark i juni 1847, men han utvandra til Amerika i 1869, og ikkje minst dette: Foreldri hans er namngjevne som Anders og Bessie! Kanskje er det mogeleg å finna ein OBITUARY som fortel oss litt meir om opphavet og slekti hans? ~~~~~ Eg ville vorte svært so takknemlig om nokon greier løysa i alle fall noko av denne utfordringi og takkar so mykje på førehand for alle gode tips!

Dette er ei utfordreing som eg jobba med alt på 1980-talet, men som med dåverande ressursar ikkje var mogeleg å finna ut av. Kanskje er det lettare i dag? Synneva Nilsdotter var fødd på garden Drevdal i Gaupne sokn i Luster kring 1681 som dotter av gardbrukar Nils Nilsson (1621-1692) og andre kona Judith Pedersdotter (1650-1710). Ho hadde fleire fullsøsken og ogso halvsøsken, men dei budde alle i Luster. Berre om Synneva får me greie på frå eit skifte at ho i 1716 var busett i Gudbrandsdalen. Det står ikkje nokiom om ho var gift eller ikkje, men den gongen var dei ikkje alltid so nøye med å få med slike opplysningar, so i utgongspunktet vil eg tru ho var gift, og truleg hadde ho òg familie. Kanskje, om ho kalla opp mor si, Judith, kunne det vera ein leietråd for å finna att ho Synneva? Eg takkar so mykje på førehand for alle gode tips!

Dette er ein huslyd som Odd Tømmerås har gjort meg merksam på, og når eg ser etter i mine manuskript frå 1980-talet, oppådagar eg at eg her manglar ein god detaljar. Mykje av opplysningane mine kom den gongen frå ein eller annan etterkomar, men grunna dårleg kjeldetilfang elles var det ikkje mogeleg for meg den gongen å kontrollera dei... Og sjølv i dag ser eg at det ikkje alltid er so enkelt å finna svari... Slik ser manuskriptet mitt ut pr. i dag: ~~~~~~~~~~~~~~ NB: Etter nye opplysningar er dette manuskriptet no erstatta av eit nytt i innlegg #3 under! Eg takkar so mykje på førehand for alle gode tips til utfyllling av manglande detaljar!

Dette er ei nyoppdaga utfordring frå Wisconsin som eg vonar kanskje ein eller annan kan ta ein kikk på: Christi Johannesdotter Kalhagen, dotter av Johannes Einerson (1795-1872) og Kari Thomasdotter (1794-1858), husmannsfolk på Kalhagebakken under garden Kalhagen i Hafslo, var fødd i Luster 7.2.1823, medan foreldri einkort tid budde der. Eg har aldri greidd å finna utvandringi til Christi, men ho dukkar opp som barnemor for ein «uekte» son fødd i Dane Co., WI 20.1.1859. Far er oppgjeven vera islendingen(!) Mikkel Thomasson: https://www.ancestry.com/interactive/60722/41742_314946-00041?pid=1461812&backurl=https://search.ancestry.com/cgi-bin/sse.dll?_phsrc%3DNzx10364%26_phstart%3DsuccessSource%26usePUBJs%3Dtrue%26indiv%3D1%26dbid%3D60722%26msfng%3DKnut%26msfns%3DHlvorson%26msmng%3DBritha%26msbdy%3D1858%26msbpn__ftp%3Dwisconsin,%20usa%26msbpn%3D52%26msbpn__ftp_x%3D1%26msbpn_x%3D1%26new%3D1%26rank%3D1%26redir%3Dfalse%26gss%3Dangs-d%26pcat%3D34%26fh%3D16%26h%3D1461812%26recoff%3D%26ml_rpos%3D17&treeid=&personid=&hintid=&usePUB=true&_phsrc=Nzx10364&_phstart=successSource&usePUBJs=true#?imageId=41742_314946-00042 Christi og sonen Thomas finn eg att i FT1860 i Bristol township, Dane Co., WI busette hjå ein Larson-familie: Christian Larson 20 Nor farmer Betsey (Larson) 60 Nor Lewis (Larson) 7 Nor Christie Thompson 30 Nor Thomas (Thompson) 1 WI So er spørsmålet kvar det vart av dei etter 1860? Om ein søker FT1900 etter «Thomas», fødd i Wisconsin januar 1859 med norsk mor, får me opp berre eitt einaste alternativ, og det er på ein farm i Nez Perce Co., ID: https://www.familysearch.org/ark:/61903/3:1:S3HT-DYL6-2N I 1880 budde dette parfolket i Bloom township, Deuel Co., SD: https://www.familysearch.org/ark:/61903/3:1:33S7-9YY8-SVMD I 1910 var dei komne til Spokane, WA: https://www.familysearch.org/ark:/61903/3:1:33SQ-GYBW-CPL I 1920 var dei i Rapid City, Pennington Co., SD: https://www.familysearch.org/ark:/61903/3:1:33S7-9RF4-C55 og i 1930 var dei framleis i Rapid City, Pennington Co.,SD: https://www.familysearch.org/ark:/61903/3:1:33SQ-GRCH-CZY Thomas H. Thompson døydde i Rapid City, Pennington Co., SD 10.6.1933. Obituary June 10, 1933 Rapid City Journal: «Thomas H. Thompson, 74, died this morning at the home of relatives at 518 New York street, after an illness of several years. Funeral services have been set for Monday, it was announced this morning, at two o’clock at St. John’s Lutheran church. Mr. Thompson, who formerly operated a store at Creston for several years, moved here a few years ago in failing health. He is survived by his wife and several children. Mr. Thompson was born in Wisconsin.» Obituary March 30, 1948 Rapid City Journal for kona Elizabeth: «Elizabeth Thompson Funeral Thursday. Funeral services for Mrs. Elizabeth Thompson, former resident of Rapid City who died at Denver, Colo., Friday, will be held at 2 p.m. Thursday at the Behrens mortuary. Mrs. Thompson was formerly a member of the Trinity Lutheran church of Rapid City. She and her husband, who died in Rapid City in June, 1933, formerly operated the postoffice and a store at Custer some years ago. She moved to Denver 12 years ago. She is survived by one daughter, two sons, three brothers, including Charles M. Thompson, Rapid City; and one niece, Mrs. Leonard Ohlson of Canyon Lake drive. Burial will be in the Mountain View cemetery.» MEN, har eg finne «rett» Thomas?? Kanskje nokon ser noko her som gjer Thomas H. Thompson «uegna» som «kandidat»!? Det hadde vore kjempefint om me kunne finna Thomas og mori ogso i FT1870, men det har eg so langt ikkje greidd... Og eg har heller ikkje greidd å finna utvandringi til mori... Eg takkar so mykje på førehand for alle gode tips om lagnaden til Thomas og mori etter 1860!

Johannes Pederson, son av Peder Pederson (1809-1885) og Christenca Torbjørnsdotter (1813-1883), husmannsfolk på Teigen i Dversdalen under garden Sandvik i Luster, var fødd i Luster 8.8.1846 og fekk 4.9.1865 presteattest i Hafslo for utflytting til «Qvædfjord i Finnmarken» «hvorhen han reiste for omtrent 1 Aar siden» https://media.digitalarkivet.no/view/6870/52 Johannes hadde tre morbrør som før var flytte til Lenvik og som alle busette seg på Strømmen i Lenvik * Johannes Torbjørnson (1820-1905) * Ole Torbjørnson (1823-1910) * Torkild Torbjørnson (1830-1919) Dei var alle gifte og hadde store huslydar, men eg kan ikkje sjå noko til søstersonen Johannes Pederson i Lenvik! Det hadde vore svært so kjekt om Johannes Pederson kunne attfinnast, og eg takkar so mykje på førehand for alle gode tips!

Stundom kjem ein borti einskildlagnadar som det berre synest heilt uråd å hanskas med, og følgjande sak er eit godt døme på nettopp det: Mari Nilsdotter frå Bøen under Berge i Luster (1789-1821) busette seg på husmannsplassen Sage under garden Fuhr i Luster. Ho fekk tre born: ** Nils Aamundson, døypt i Luster 21.8.1814 - barnefaren Aamund Einerson (1790-1836) flytte sidan til Bergen og vart gift der, men Nils voks opp i Luster og levde framleis her i 1832. Då forsvinn alle spor!! ** Anders Thomasson, fødd i Luster 31.3.1818 - barnefaren Thomas Findson (1792-1829) hadde gift seg med Mari i 1817, so Anders var «ektefødd». Anders levde framleis i Luster i 1843, for då laut han stå til rette som far i ei farskapssak! Men deretter forsvinn alle spor ogso etter han! ** Ingeborg Thomasdotter, fødd i Luster 10.12.1820, fullsøster av Anders, gifte seg i Luster i 1841 med Østen Ellefson, døypt i Luster 13.11.1814, og dei var husmannsfolk i Langeteigen under Dalsøyri i Luster til dei i 1854 utvandra til Amerika. Dei budde første åri i Dane Co., WI men flytte 1861 til Fillmore Co., MN der dei framleis levde i 1900. Dei hadde då vore gifte i 59 år, og seks av dei sju borni deira var avlidne. Kvar dei då hamna til sist, er førebels uklart... Men utfordringi i dette emnet gjeld i første rekke dei to halvbrørne Nils Aamundson og Anders Thomasson. Kvar i all verdi kan dei ha gjort av seg? Dei KAN sjølvsagt ha hamna i Amerika, men eg trur meir på at dei er flytte tilo ein annan landsdel, kan henda til Nord-Noreg? Eg takkar so mykje på førehand for alle gode tips om lagnadane deira!

Eg har i mange år vore på leiting etter lagnaden til Ingeborg Andersdotter Raaum frå Jostedalen/Luster, fødd 1848, som i 1901 utvandra frå Sogndal til Amerika. I kveld har eg endeleg oppdaga kvar ho fór, og eg kan følgja ho fram til 1920, men mannen hennar, svensken Nils Peter Nordvall, døydde i 1924, og deretter forsvinn Ingeborg heilt sporlaust! Ingeborg hadde ein son før ho gifte seg, som òg utvandra til Amerika, men han er òg «borte vekk»... Eg attgjev frå manuskriptet mitt: ~~~~~~~~~~~~~~~ NB: Etter mange nye innlegg er dette manuskriptet no erstatta av eit nytt i innlegg #10 nedanfor! Her er Nils og første kona Cristena i FT1900: https://www.familysearch.org/ark:/61903/3:1:S3HY-674W-DVP Her er Nils og Ingeborg i FT1910: https://www.familysearch.org/ark:/61903/3:1:33SQ-GRJP-DQR Her er Nils og Ingeborg i FT1920: https://www.familysearch.org/ark:/61903/3:1:33SQ-GRXY-D6Z Her er dei to sønene hans i FT1930: https://www.familysearch.org/ark:/61903/3:1:33S7-9RHV-VZS Dei to sønene var: * Charley Nordvall, fødd 20.4.1879 (jmf. WW1 draft) * Oscar Nordvall, fødd 11.12.1887 i Sundvale, Sweden: https://www.familysearch.org/ark:/61903/3:1:33SQ-G1Z1-JC2?i=2459&cc=1968530 Her er gravi til Nils Peter Nordvall: https://www.findagrave.com/memorial/72972432 Det vert synt til ein obituary, men denne ser eg ikkje... Når det gjeld sonen Anders, so utvandra han med bestemori i 1883. Bestemori busette seg i Buffalo Co., WI, men der ser eg ikkje noko meir til Anders. Derimot finn eg ein Andrew Raaum som bur i lag med andre indresogningar i Lac qui parle Co., MN i 1885: https://www.familysearch.org/ark:/61903/3:1:S3HY-DBB7-692 Og då han søkjer om medborgarskap, har han til og med mellombokstaven A: http://www.ironrangeresearchcenter.org/details/7/313239/ Eg takkar so mykje på førehand for alle gode tips om denne huslyden, og om nokon kan hjelpa meg finna det svenske opphavet til Nils Peter Nordvall, ville det òg vore kjempeflott!

Andreas Christianson Væmhuus, fødd kring 1821, fekk 2.6.1846 festesetel på plassen Sandvikøyri under gardern Bollingberg i Luster og var husmann der til han 23.1.1851 sette livet til då han i lag med eit par andre karar drukna i Gaupnefjorden (siste innførsle på denne sida): https://media.digitalarkivet.no/view/8401/178 Eg har ikkje greidd å identifisera denne Andreas eller kvar han kom ifrå. Kvar er Væmhuus? Kanskje nokon veit? Eg takkar so mykje på førehand for alle gode tips!

Påskeaftens siste påskenøtt er ei oppfølgjing av nøtt #8 og handlar om bestemor til Josefine Holm Høyum, fødd i Luster i 1793 og gift to gongar i Bergen. Dødsmeldingi hennar frå 1873 seier at ho let etter seg seks born, av dei tre i Amerika, og eg har alt skrive til Statsarkivet i Bergen og bede dei sjekka om det finst skifte etter Anna og andre mannen Mons! Dette er ein huslyd som eg samla opplysningar om tidleg på 1980-talet, men det er først no at eg har greidd å komma eit litestykke på veg... Eine dotteri Larsine Christine har eg finne att i Chicago, IL i 1880: https://www.familysearch.org/ark:/61903/3:1:33SQ-GYB7-9CZY?i=49&cc=1417683 Kanskje har fleire av dei utvandra dit...? Utfordringi er todelt, først Anna med borni hennar og so yngste dotteri med mann hennar og deira born... Her følgjer eit oppdatert manuskript for denne utfordrande huslyden: ~~~~~~~~~~~~~~ Anna Haaversdotter {Forthun}, vart døypt {i Luster} 24.3.1793. Anna Haaversdotter flytte i ung alder til Bergen der ho gifte seg første gongen i Domkyrkja 1.8.1819 med Holger Johannesson Holm frå ##### (opphavet hans? – kan det vera han som i 1804 gjekk i reipslagarlære i Bergen? – 26 år gamal og fødd på Stord? – i so fall Holger Christian Johannesson, døypt Stord 31.5.1778 – far: Johannes Spillemansnæset!?) Han var son av ##### (foreldri hans?) og f. ##### (dato og stad for fødsli/dåpen hans? – kring 1777!) Holger var bakarsvein i Bergen, og han og Anna budde i Kjellersmuget der Holger d. 2.6.1828. Anna gifte seg 16.5.1830 att i Krosskyrkja i Bergen med Mons Larsson frå Guldbrå på Voss, i Bergen kjend som Mons Espeland. Han var son av gardbrukar Lars Ingebrigtson på Guldbrå, opphavleg frå ##### (opphavet hans? – f. 1768?) og kona Torborg Andersdotter frå ##### (oppyhavet hennar? – 1774?) og vart døypt på Voss 14.10.1798. Mons var sk0makar, pg han og Anna budde på Engen i Bergen der Anna d. 3.3.1873. Mons Espeland d. same staden 2.2.1880. Me kjenner til seks born etter Anna, tre frå første ekteskapet og to frå det andre. Dessutan hadde ho ein son frå før: ##### (NB: 1873: ho etterlet seks born, tre av dei i Amerika!) a. Annanias Nilsson, son av Anna og ein «bortreist matros» Nils Wang, var f. i Bergen 23.2.1817. ##### (vart dels oppalen hjå bestemori i Luster, men flytte i 1847 til Nordland – lagnaden hans?) b. Johannes Holgerson Holm, f. i Bergen 15.10.1819, d. som skreddarsvein i Bergen 20.11.1882. Han gifte seg i Krosskyrkja i Bergen 19.6.1842 med Martine Malene Monsdotter (Bjørvigen) frå Bergen, f. i Bergen 18.5.1821. Ho d. aom enkje i Bergen 16.1.1892. Johannes Holm var skreddarsvein, og han og Martine budde i Bergen. Dei fekk to døtrer i lag. ##### (borni: * Holgine Matilde, f. KK, Bergen 7.3.1840 – d. 23.4.1910 Bergen – gift Methlie * Dina gift med cigarfabrikant Hagen i København – dotter Laura Hagen, f. Christiania 1861) c. Endre Olai, kjend som Olai Holgerson Holm, f. i Bergen 18.8.1822, d. som skreddarsvein og enkjemann i Bergen 28.6.1899. Olai gifte seg i Domkyrkja i Bergen 16.7.1843 med Marie Pauline Nilsdotter (Østreim) frå Bergen, f. i Bergen 3.12.1816. Ho d. i Bergen 1.9.1885. Olai Holm var skreddarsvein, og han og Marie budde i Bergen levetidi ut. Dei fekk ni born i lag, mellom anna denne dotteri: - Josefine Olaisdotter Holm (1858-1911), vart gift med slaktar Anders Pederson frå Sva under Høyeim i Luster (1853-1924) (s.d.). d. Berthe Tobine Holgersdotter Johannessen, f. i Bergen 29.1.1829, d. ##### (dato og stad for dødsfallet hennar?) Berthe gifte seg i Domkyrkja i Bergen 29.12.1850 med enkjemannen Christian Larsson frå ##### (opphav? – f. Sverige 1815 – far Lars Dunder!) ##### (dato og stad for dødsfallet hans?) Christian var skreddarsvein, og han og Berthe budde i Bergen ##### (lagnad? – Amerika?) ##### (talet på søner og døtrer? – inkl.: * Christian Petrus, f. DK, Bergen 22.9.1851 – d. før dåpen * Berte Tobine, f. DK, Bergen 23.10.1853) e. Larsine Christine Monsdotter Espeland, f. i Bergen 12.5.1834, gifte seg i Domkyrkja i Bergen 13.8.1854 med Bertel Andreassen frå Bergen, f. i Bergen 5.5.1830. Bertel var skomakarsvein, og han og Larsine budde i Bergen til dei i ##### (year of emigration? – about 1862!?) utcvandra til Amerika. Me finn dei att under namni Berthold og Christine Andersen i Chicago, Cook Co., Ill. der Berthold heldt fram som skomakar («shoemaker»). ##### (date and place of his death? – after 1880! – maybe Jan. 1, 1884 Bartel Anderson?) Christine Anderson d. i Chicago, Ill. 3.10.1911. ##### (talet på søner og døtrer? – inkl.: * Mons Andreassen, f. DK, Bergen 29.9.1854 * Bertine Christine, f. DK, Bergen 28.2.1857 * Elofine Jandine, f. NK, Bergen 6.7.1860 * Anthony, f. Illinois 1864 – n. 1880) f. Monsine Andrine Monsdotter Espeland (1836- ), vart gift med snikkararbeidar Hermund Johannesson frå Joranger nedre i Hafslo (1829- ) (s.d.). ~~~~~~~~~~~~~~~~~~~~~~~~ 3. Hermund Johannesson {Jordanger}, f. {i Hafslo} 15.4.1829, Herman Johannessen Jordanger flytte i 1851 til Bergen og gifte seg der 24.9.1854 med Monsina Andrine Monsdotter Espeland, ei dotter av husmannsdotteri Anna Haaversdotter frå Lovolden under Fortun i Luster (1793-1873). Monsina var f. i Bergen 18.5.1836. Herman var nokre år yrkessoldat og sidan snikkararbeidar, men utvandra visstnok til Amerika i 1861. ##### (destiny in America? – home on visit in 1887 – then called Herman Johnson!) Monsina vart derimot buande i Bergen der ho d. ##### (dato og stad for dødsfallet hennar? – eller reiste ho òg over??) Herman og Monsina fekk fire born i lag: a. Gurine Johanne Monsine, kjend som Johanne Hermansen, f. i Bergen 14.6.1855, voks opp som fosterdotter hjå besteforeldri sine, men utvandra til Amerika i 1871, ##### (destiny in America? – called Johanna Gurine in 1865!) b. Mons Julius Hermansen, f. i Bergen 4.6.1857, voks opp som fosterbarn hjå ein gardbrukar på Dyngeland i Fana, men d. som fattiglem på sjukehuset i Bergen 20.10.1873. c. Andrine Marie, kjend som Marie Randine Joranger, f. i Bergen 1.8.1859, voks opp som fosterdotter hjå Lars Einerson frå Motræ under Mo (1830-1915), utvandra frå Bergen til Amerika i 1883, ##### (destiny in America?) d. Herman Johannes Hermansen, f. i Bergen 22.11.1861, voks liksom eldste søsteri opp som fosterson hjå besteforeldri i Bergen. Han var i 1875 kalla seilmakerdreng og vart sidan sjømann. ##### (kalla Johannessen i 1865 – lagnaden hans?) ~~~~~~~~~~~~~~ Eg takkar so mykje på førehand for alle gode tips og ønskjer fortsatt God Påske!!

Hans Ingebrigtson Øvrebø var fødd i Luster 7.12.1859. Han var «uekte» son av Anna Olsdotter Øvrebø (1840-1889) og Ingebrigt Torbjørnson Rønnei (1833-1916): https://media.digitalarkivet.no/view/8401/100 Mori Anna gifte seg sidan med Nils Sjurson Talle (1833-1914), og dei utvandra til Amerika i 1878. Under namni Nels og Anna Tally (eller Talley) slo dei seg ned som farmarar i Franklin township, Vernon Co., WI. Dei fekk seks born i lag, og heile huslyden, bortsett oifråmto ugifte døtrer, som flytte til Minneapolis, MN, vart dei buande i Vernon Co., WI. Sonen ho hadde frå før, Hans Ingebrigtson Øvrebø, utvandra året etter, i 1879, og me finn han att i FT1880 som farmarbeidar i Sterling township, Vernon Co., WI berre knappe ti kilometer frå mori og stefaren: https://www.familysearch.org/ark:/61903/3:1:33SQ-GYBV-92P5 Men dette er det siste me ser til Hans. Han er tydeleg bortflytt, men utan at nærare opplysningar ligg føre. Etterkomarar etter halvsøskeni som eg har vore i kontakt med, kan heller ikkje hjelpa meg vidare! Ser me på vigselslistene frå Wisconsin og nabostatane, finn eg berre eitt alternativ som eg tykkjer passer so nokolunde: ~~~~~~~~~~ Name Hans Ingebertson Event Type Marriage Event Date 21 Jun 1883 Event Place Dunn, Wisconsin, United States Gender Male Spouse's Name Anette Solberg Spouse's Gender Female ~~~~~~~~~~ Men dette parfolket finn eg ikkje att i folketeljingar eller andre kjelder... Eg ville vorte svært so glad om Hans kunne oppsporast i Amerika, og eg takkar so mykje på førehand for alle gode tips!

Lars Andersson (Høyum) vart døypt i Luster 10.8.1817 som «uekte» son av Martha Larsdotter frå plassen Frydenberg under garden Bruheim i Jostedalen (1786-1861) og seinare husmann Anders Torbjørnson i Bjørkestegen under Hengesteg i Luster (1781-1867). Lars voks opp utan søsken, og i 1833 flytte han til Byrknes i Gulen for å tena: https://media.digitalarkivet.no/view/11451/277 Han vart konfirmert i Gulen same år: https://media.digitalarkivet.no/view/11451/147 Ein Lars Andersson frå Byrknes på nesten same alder gifte seg i Gulen 23.7.1844, men han kan det vel ikkje vera: https://media.digitalarkivet.no/view/11452/221 Kvar vart det so av den unge guten frå Luster? Eg takkar so mykje på førehand for alle gode tips!

Kyrkjeboki for Luster syner at ungkar Lars Olson, 60 år, døydde av «forkjølelse» på Haugen i Gaupne sokn 2.5.1830: https://media.digitalarkivet.no/view/11591/141 Skiftet etter Lars Olson LIEN vart òpna 31.5.1831 https://media.digitalarkivet.no/view/24151/134?indexing= og syner følgjande ervingar: * Ole Olson Klingehaugen - eldste bror - full søskenlodd * Ole Olson Lie - brorson * Mads Olson Lie - brorson * Lars Olson Lie - brorson * Fredrik Olson Lie - brorson * Anna Olsdotter Angel - brordotter * Synneva Lie - brordotter * Dorthe Olsdotter Jacobsen - brordotter - til saman full søskenlodd * Peter Johannesson Lie - brorson * Ole Johannesson Lie - brorson * Johannes Johannesson Lie - brorson * Hans Johannesson Lie - brorson * Synneva Johannesdotter Lie - brordotter * Berthe Marie Johannesdotter Lie - brordotter - til saman full søskenlodd * Ole Johnson Lie - brorson - full søskenlodd Det kjem fram av skiftet at fleire av desse budde i Bergen, og ser me på FT1801 for Bergen, fell denne huslyden i auge: https://www.digitalarkivet.no/census/person/pf01058390018378 Her har me båe brørne Ole Olson (d.y.?) og Johannes. Mor deira heitte Synneva Olsdotter og var då 60 år gamal. Men kvar er søskeni fødde? Kvar er denne KLINGEHAUGEN der eldste broren framleis levde i 1831? Eg takkar so mykje på førehand for alle gode tips!

Dette er ei utfordring som eg aldri har greidd å løysa, mken som eg har visst om i mange år: Christopher Torbjørnson (1708-1779), gardbrukar på Åberge i Luster frå 1730 til 1757, var først gift med Margretha Thomasdotter Folderup (1701-1762), dotteri til landhandlar Thomas Folderup i Marifjøra. Dei fekk to døtrer som voks opp og som me har fullt oversyn over. Men i 1763, etter han var komen «på kåret», gifte Christopher seg att med Martha Wilkensdotter frå Kyrkjeteigen under Bollingberg (1722-1779). Martha var då alt over 40 år gamal, men dei greidde likevel å få tre born fram til 1770: * Wilken Christopherson, døypt i Luster 27.9.1764 * Margretha Christophersdotter, døypt i Luster 28.6.1767 * Ole Christopherson, døypt i Luster 6.1.1770 Ingen av desse borni vart konfirmerte i Luster, og eg har ikkje greidd å finna ut kvar dei kan ha vokse opp. Derimot ser me at yngste sonen Ole Christopherson i 1801 var komen attende til Luster som tenestedreng hjå eit søskenbarn på Fuhr i Luster, og truleg vart denne Ole sidan husmann på ein plass i Øyane under Svangstu i Luster der han døydde i 1832. Men hine to søskeni vert borte, og då er det eit spørsmål: * Let det seg over hovudet gjera finna spor etter Wilken og/eller Margretha nokon stad? Hadde me finne konfirmasjonen til Ole, kunne det vore ei hjelp, men kvar skal me leita?? Eg takkar so mykje på førehand for alle gode tips!

Johannes Tollefson var fødd i Årdal i Sogn kring 1704 som eldste son av Tollef Henrikson og kona Lucia Aslaksdotter, plassfolk under Seim i Årdal til dei kring 1712 busette seg som plassfolk på Ongelsneset under Nes i Luster. Tollef var opphavleg frå Nes i Luster, men kona Lucia må han ha henta annanstads ifrå. Lucia er uvanleg i indre Sogn, og Aslak finst omtrent ikkje! Johannes Tollefson er nemnd som soldat i ei rulle frå 1727, og han tente truleg på Høyeim i Luster i 1731, men forsvinn deretter frå bygdi! Ein Johannes Tollefson gifte seg på Kongsberg 2.11.1737 med ei Ingeborg Knutsdotter: https://media.digitalarkivet.no/view/8569/242 Dei ser ut til å ha fått i alle fall to søner på Kongsberg: * Mikkel, døypt på Kongsberg 7.9.1738 * Tollef, døypt på Kongsberg 25.2.1741 Kan det vera Johannes Tollefson, fødd og dels oppvaksen i gruvesamfunnet i Årdal, som flytte til Kongsberg? Eg takkar so mykje på førehand for alle gode tips!

Lars Larsson Næss, son av Lars Erikson (1796-1895) og Johanna Ellefsdotter (1796-1850), plassfolk på Vadplassen under garden Nes i Luster, var fødd i Luster 29.7.1839. Lars utvandra i 1857 til Amerika (#37): https://media.digitalarkivet.no/view/8403/9 Let det seg gjera finna lagnaden hans i Amerika? Eg ser berre ein «brukberr» «kandidat» i FT1900, Lewis Larson fødd i Noreg i juli 1839 og utvandra i 1856 - farmar i Mehurin township, Lac qui parle Co., MN: https://www.familysearch.org/ark:/61903/3:1:S3HY-6SS9-K6L?i=3&cc=1325221 Her er huslyden i FT1880 i Otranto townbship, Mitchell Co., IA: https://www.familysearch.org/ark:/61903/3:1:33SQ-GYBW-SQD?cc=1417683 Her er gravstøtta hans med namn Lewis Eric Larsen og fødselsdato 25.7.1839: https://www.findagrave.com/memorial/147832957 Gravi til den engelske kona hans: https://www.findagrave.com/memorial/147832190 Og dei har til og med ei dotter Johanna, oppkalla etter mor hans? https://www.findagrave.com/memorial/147805910 Og eg ser av FT1880 over at dei til og med har ein son Ellef - oppkalling etter morfar i Luster? MEN, og det er eit STORT MEN: Det er fleire family trees på ancestry.com, og dei påstår hårdnakka at Lars «Lewis» skal vera fødd i BERGEN som son av Lars Mikkelson, d. på Spjutøy i Masfjorden i 1855! https://www.ancestry.com/family-tree/person/tree/36008607/person/20378753398/facts EG TRUR at denne Lewis Larson er eit kjempegodt alternativ til «vår» Lars Larson, men korleis kan me prova det?? Kanskje nokon kan finna ein OBITUARY for Lewis i Madison, MN etter 29.8.1906? Eg takkar so mykje på førehand for alle gode tips!

Christian Johannesson Næss, fødd i Luster 8.7.1855 av foreldri, husmann Johannes Johnson på plassen Pikhaug under Nes (1821-1909) og kona Sigrid Larsdotter frå Rønningen på Tynset (1822-1913), fekk flytteattest for å utvandra i 1882, men passasjerlista frå Bergen syner at han ikkje reiste over før i april 1883: http://gda.arkivverket.no/cgi-win/webcens.exe?slag=visbase&sidenr=1&filnamn=EMIBERG&gardpostnr=13957&merk=13957#ovre Eg har so langt ikkje greidd å finna spor etter Christian i Amerika, og no vonar eg at nokon kan hjelpa meg? Eg takkar so mykje på førehand for alle gode tips!

Dagens neste påskenøtt handlar om eit forsvinningsnummer av dei merkelege! Jacob Larsson «Blankesvad» vart døypt i Luster 23.1.1762 - einaste barnet til husmann Lars Jacobson (1723-1785) og første kona Lucris Olsdotter (1730-1763), husmannsfolk på Blankesva under garden Høyeim i Luster. Jacob gifte seg att med enkja Anna Pedersdotter, men fekk ikkje fleire born! Jacob Larsson vart konfirmert i Luster i 1779: https://www.digitalarkivet.no/view/279/pk00000000457683 og me har ei fråsegn frå 1789, kjelda kan eg ikkje finna att i farten, at Jacob då framleis levde og budde i Luster, men kort etter ser han ut til å forsvinna herifrå! Det finst mange Jacob Larsson i FT1801 rundt i Noreg som kan høva, og mellom dei avlidne i Bergen finn me to om lag på same alder: https://www.digitalarkivet.no/view/267/pg00000000453661 https://www.digitalarkivet.no/view/267/pg00000001039205 Men me har òg to Jacob Larsson i Bergen i 1804/1805 (Undersøkjingskommisjonen): http://gda.arkivverket.no/cgi-win/webcens.exe?slag=visbase&sidenr=1&filnamn=berg1804&gardpostnr=1981&merk=1981#ovre http://gda.arkivverket.no/cgi-win/webcens.exe?slag=visbase&sidenr=1&filnamn=berg1804&gardpostnr=2087&merk=2087#ovre Eg står «bom fast» når det gjeld lagnaden til denne karen, men kanskje er det nokon som dreg kjensel på mannen og kan hjelpa meg vidare? Eg takkar so mykje på førehand for alle gode tips og ønskjer fortsatt ein God Påske!