Søk i nettsamfunnet

Johanna Pedersdotter Høyum var fødd i Luster 11.3.1859 som dotter av Peder Ellefson (1810-1882) og kona Martha Torgersdotter, husmannsfolk på plassen Sva under garden Høyeim i Luster. Johanna utvandra til Amerika i 1882, og einaste gongen me finn ho nemnd i våre kjelder, er i 1924 då eldste søsteri Andrea Pedersdotter (1840-1924) døydde barnlaus på garden Bjørk i Jostedalen. Det vert då sagt at ingen visste noko som helst om lagnaden hennar i Amerika! Ei anna søster Anna Pedersdotter (1841-1900), utvandra til Amerika i 1867 og gifte seg året etter med Gjert Olson frå Målsnes i Vik (1828-1897). Dei farma i Freeman township, Crawford Co., WI og fekk ni born, men då eg hadde kontakt med den huslyden kring 1980, var det ingen av dei heller som visste noko om lagnaden til Johanna! Om ein søkjer FT1900 hjå ancestry.com for Johanna/Hannah fødd i Noreg i mars 1859 pluss/minus 2 år og utvandra 1882 pluss/minus 2 år, får me om lag 10 treff, men ingen av dei «jump out at me»... So no er Brukarforum siste voni mi! Er det nokon som kan greia å løysa denne kjempeutfordringi, ville eg verta svært so glad! Eg takkar so mykje på førehand for alle gode tips!

Dagens påskenøtt tek oss til byen Clarkfield, Yellow Medicine Co., MN der denne jenta «forsvinn»: Metta Marie, kjend som Maria Andersdotter Høyum var fødd i Luster 18.11.1867 som dotter av Anders Christopherson og kona Cathrina Dorthea Ellingsdotter, husmannsfolk på plassen Kvasshiller under garden Høyeim i Luster. Maria utvandra første gongen i 1893 og budde 1895 i Clarkfield, Yellow Medicine Co., MN: https://www.familysearch.org/ark:/61903/3:1:S3HY-6XTF-LW?i=5&cc=1503031 Her er ho i 1900 som tenestejente hjå Christian Orwall i Clarkfield, MN: https://www.familysearch.org/ark:/61903/3:1:S3HT-6LKC-DX9?i=1&cc=1325221 So kom ho attende til Bergen der ho ei tid arbeidde som syerske til ho i 1904 på ny utvandra til Clarkfield, Yellow Medicine Co., MN. Reisemålet var «friend C. J. Orvall i Clarkfield, MN»: https://www.ancestry.com/interactive/8745/MAT843_71-0105?pid=1821432&treeid=&personid=&usePUB=true&_phsrc=Nzx6279&_phstart=successSource Dette er det siste me ser til denne jenta, og no er det store spørsmålet: ** Er det mogeleg å finna ut kva som sidan skjedde med Maria Høyum? Eg takkar so mykje på førehand for alle gode tips og ønskjer dykk alle ein riktig God Påske!

Dette er ei utfordrande nøtt som eg har hatt liggjande sidan 1980-talet og som eg ikkje veit mi arne råd korleis eg skal «takla». Kanskje nokon har eit forslag? John Endreson (1706-1778) var husmann på Høyeimsviki i Luster. Han var gift to gongar, og med første kona Astrid Endresdotter (1690-1750) fekk han mellom anna denne dotteri: * Siri Johnsdotter, døypt i Luster 23.8.1732. I 1762 (ekstraskatten) tente ho på garden Høyeim i Luster, og i 1765 vart ho konfirmert som busett på nabogarden Uri i Luster, 33 år gamal: https://www.digitalarkivet.no/view/279/pk00000000457037 Alle søskeni hennar vart buande i Luster og døydde her; berre Siri «forsvinn»! No er rett nok gravferdslistene frå Luster ikkje 100% komplette for siste del av 1700-talet, so ho KAN sjølvsagt vera avlidi her, men ho KAN òg ha flytt frå bygdi, kan henda til ytre Sogn eller til Bergen? Det hadde vore kjekt om me kunne finna att ho Siri, og eg takkar so mykje på førehand for alle gode tips!

Dette er ei utfordring som eg har hatt liggjande i ganske mange år: Sigrid Larsdotter Høyum, fødd i Luster 4.2.1904, reiste ifølgje slekti i ung alder til Vestfold for å tena, og ho gifte seg der med ein Sigurd Hansen, men ifølgje slekti døydde ho i Holmestrand alt 7.11.1928. Dei skal ha hatt ei dotter i lag. Eg kan ikkje sjå at kyrkjebøkene for Holmestrand er skanna for den perioden, men kanskje nokon likevel greier å finna ut av denne huslyden? Kven var Sigurd Hansen? Eg takkar so mykje på førehand for alle gode tips!

Dagens påskenøtt tek oss til Amerika - og attende - for so på ny å «forsvinna»! Det er mange år sidan eg jobba med denne saki, og eg greidde aldri å komma «til botn». Kanskje tidi no er komi? Eg saksar frå manuskriptet mitt, husmannsplassen Skogane under garden Høyeim i Luster: ~~~~~~~~~~~~~~~~ Ole Olson Svangstu, opphavleg frå Øyane under Svangstu, var f. i Luster 1.10.1832 og gifte seg ##### (date and place of their marriage? – in the United States!! – about 1862-1865?) med Christenca Olsdotter frå Yttreland under Hæri, f. i Luster 12.11.1831. Ole og Christenca Olson ##### (name used in America?) utvandra båe til Amerika i 1862, og ##### (occupation and place of their residence?) Kring 1880 flytte Ole og Christenca Svangstu attende til Luster, og det ser ut til at det var dei som på same tidi rydda plassen i Skogane under Høyeim. Christenca Svangstu d. her som husmannskone 16.11.1889, men Ole dreiv plassen vidare til kring 1892. Ole Olson Svangstu flytte kring 1892 på ny frå Luster, ##### (den seinare lagnaden hans?) ##### (dato og stad for dødsfallet hans?) Me kjenner ikkje til born etter Ole og Christenca i Skogane. ##### (sjekka om dette stemmer? – born i Amerika?) ~~~~~~~~~~~~~~~~ Lat meg leggja til at foreldri til Ole Olson heitte Ole Andersson og Mari Ingebrigtsdotter, medan foreldri til Christenca heitte Ole Olson og Ragnhild Torkildsdotter. Ingen av dei hadde søsken som utvandra til Amerika og som kan tipsa oss om kvar i Amerika Ole og Christenca budde, men eg har finne ei vigsle som ser litt mistenkjeleg ut: ~~~~~~~~~~~ Name Ole Olson Event Type Marriage Event Date 27 Sep 1862 Event Place Cross Plains, Dane, Wisconsin, United States Gender Male Race White Birthplace Norway Father's Name Andrew Olson Mother's Name Mary Olson Spouse's Name Christiana Oleson Spouse's Gender Female Spouse's Race White Spouse's Father's Name Ole Oleson Spouse's Mother's Name Christiana Oleson ~~~~~~~~~~~ Det høver godt at dei kan ha gift seg straks dei kom fram til Amerika, men namni på foreldri passar liksom ikkje heilt... Eg står fullstendig «bom fast» med denne utfdordringi og takkar so mykje på førehand for alle gode tips! God Påske!

Dagens påskenøtt tek oss på ny til Amerika og ei ætt som eg har jobba mykje med gjennom åri! Anders Christopherson og Martha Ottesdotter utvandra frå Luster i 1862, og medan Martha døydde etter barselseng i 1874, levde ikkje Anders lenger enn til 1878, og då var eldste dotteri berre 23 år - ein «tøff» lagnad for denne huslyden med so mange små born! No vonar eg at nokon kan hjelpa meg leita etter dei detaljane som framleis manglar... Her er manuskriptet mitt pr. i dag: ~~~~~~~~~~~~~~~ NB: Etter mange imponerande innlegg er dette manuskriptet no erstatta av eit nytt i innlegg #8 under! Særleg er eg oppteken av å finna lagnadane til dei to døtrene (Britha) Christine (fødd 1862) og (Ellen) Caroline (fødd 1867). Den første var gift, men vart enkje alt i 1885. Ho skal sidan ha butt i Iowa og i St. Louis, MO, men eg finn ho berre ikkje... Kan henda vart ho attgift?? Eg takkar so mykje på førehand for alle gode tips og ønskjer alle ein God Påske!

Dagens påskenøtt gjeld ein huslyd på garden Lingjerde i Luster som eg vil kalla for «Asbjørnsfolket». Asbjørn Andersson Lindgjerde (1785-1849) var gardbrukar på Lingjerde nedre i Luster. Han gifte seg i Luster 16.7.1812 med Anna Marie Davidsdotter Svabo frå Kroken i Luster, døypt i Luster 25.8.1793. I 1854 utvandra Anna Marie som enkje til Amerika i lag med to av borni sine, John og Gjertrud, samt ei svigerdotter og ein dotterson (sjå #18): https://media.digitalarkivet.no/view/8401/220 Born i denne huslyden var: * Andrea Asbjørnsdotter (1813-1900), utvandra til Amerika i 1849 og gifte seg i Dane Co., WI 1852 med Thomas Torstenson Seim frå Årdal alias Thomas Tosten (1827-1911). Dei farma mange år i Iowa Co., WI, men flytte på 1870-talet til Broadwater Co., MT. Denne ætti har eg so nokolunde oversyn over frå før. * Zakarias Asbjørnson (1815-1841) tok over heimebruket på Lingjerde, men døydde tidleg, og i 1849 utvandra enkja med tre søner til Amerika. Dei budde først i Wisconsin og frå 1860-åri i Fillmore Co., MN og skreiv seg for Zackariason eller Sachariason. Denne ætti har eg òg bra oversyn over, men lagnaden til ein av sønene hans vil eg ta opp som eige emne! * Anders Asbjørnson, fødd i Luster 23.5.1818, fekk i 1850 attest for å flytta til «Nordland», men kom nok attende derifrå, for i 1861 fekk han som ungkar ny attest for å utvandra til Amerika (sjå #258): https://media.digitalarkivet.no/view/8402/220 * Gjertrud Asbjørnsdotter, fødd i Luster 21.11.1821, utvandra med mor si (og rimelegvis ogso sonen) til Amerika i 1854 (sjå #19): https://media.digitalarkivet.no/view/8401/220 ** Andreas Knutson, son av Gjertrud og Knut Olson Lahd, var fødd i Hafslo 27.2.1852 og utvandra truleg òg med mor si i 1854(?). * John Asbjørnson, fødd i Luster 7.8.1824, gifte seg i Luster 10.4.1854 med Kari Thomasdotter, fødd i Luster 28.2.1835. Desse to utvandra òg i lag med mori hans i 1854 (sjå #17): https://media.digitalarkivet.no/view/8401/220 * Maren Asbjørnsdotter (1827-1914) var gift med gardbrukar Gulbrand Olson Bolstad (1818-1886) og budde på Bolstad i Luster. * David Asbjørnson (1830-1909), kan ha utvandra til Amerika i 1853, men busette seg sidan i Tromsø, sjå tema: https://forum.arkivverket.no/topic/203058-david-asbjørnsen-lingjerde-1830-1909-luster-amerika-tromsø-huslyden-hans/ Frå eit skifte i Luster frå 1860 veit me at Kari Thomasdotter, kona til John Asbjørnson, døydde i Amerika før 1860 utan å etterlata seg born, og ein grandnevø av Kari i Amerika er overtydd om at Kari døydde i ein kolera-epidemi som herja det nordlege Wisconsin sommaren eller hausten i 1854, men noko sikkert prov på dette har me ikkje greidd å finna! Dersom so er tilfelle, kan også mann hennar og mori samt svigerinna Gjertrud Asbjørnsdotter og son hennar ha sett livet til på same tid...? MEN, om ein slik epidemi råka denne landsdelen i 1854, vil vel det òg vera nemnd i lokale AVISER frå den tidi?? Uansett, det som er den kjempestore utfordringi her, er å finna: ** Lagnadane i Amerika til Anna Marie Davidsdotter (utv. 1854), Anders Asbjørnson (utv. 1861), Gjertrud Asbjørnsdotter (med son) (utv. 1854) og John Asbjørnson (med kone) (utv. 1854)! Eg takkar so mykje på førehand for alle gode tips og ønskjer framleis God Påske!

Sølfest Hermundson var fødd på husmannsplassen Kreken under Bolstad i Luster kring 1775 av foreldri Hermund Sølfestson (1730-1785) og kona Anna Jacobsdotter (1741-1814). Han vart konfirmert i 1791: https://www.digitalarkivet.no/view/279/pk00000000458194 Sølfest gifte seg i Luster 8.6.1800 med den mange år eldre Anna Monsdotter Fortun, døypt i Luster 8.1.1758, og i 1801 var dei plassfolk på Haugen under garden Moen i Luster (aldrane er ombytte!): https://www.digitalarkivet.no/census/person/pf01058398001990 Anna vart gravlagd frå Moen 21.2.1802. Dei hadde ingen born i lag, og Sølfest hadde heller ingen søsken som levde. Som enkjemann forsvinn han heilt frå Luster, og den store utfordringi er: ** Kvar kan det ha vorte av Sølfest Hermundson etter 1802? Verva han seg kan henda som soldat mot svenskane? Eg takkar so mykje på førehand for alle gode tips!

Nokre gongar har eg inntrykk av at kjeldene våre held meg «for narr», som i dette tilfellet: Husmannsparet Ole Arneson (1797-1880) og kona Anna Nilsdotter (1796-1873) på plassen Eidsbakken under Eide i Luster fekk fire born i lag. Yngste dotteri Sophia var fødd 23.9.1841 då mor hennar var 45 år gamal: https://media.digitalarkivet.no/view/8400/7 Denne dotteri Sophia ser me ikkje noko meir til: * Ho er ikkje avlidi i Luster (listene er systematisk analyserte for mange år sidan!). * Ho er ikkje vaksinert i Luster 1841-1848. * Ho er ikkje konfirmert i Luster 1855-1863. * Eg finn ho ikkje nokon stad i FT1865! Eg kjenner kyrkjebøkene frå Luster «inn og ut», og i motsetnad til Hafslo, skal dei for Luster vera ganske nær 100% komplette for den perioden me her talar om! Me veit frå våre dagar at risikoen for å få eit funksjonshemma barn stig med alder, og eg kan ikkje anna enn å spekulera på om so kan ha vore tilfelle her, men kva kjelder har me i so fall å halda oss til? Hamna ho kan henda i so fall på ein sjukeheim i Bergen? Eller på eitt av sjukehusi som den gongen fanst i Sogn, anten i Sogndal eller i Lærdal? Det hadde vore kjempekjekt om lagnaden til denne jenta kunne finnast, og eg takkar so mykje på førehand for alle gode tips!

Dette er ei skikkeleg «hard nøtt» som eg har jobba med i mange år, men som eg berre ikkje greier gjera noko med! Kanskje nokon har tanker kring denne personen? Ole Erikson (Bolstad) (1720-1771) og kona Mari Andersdotter (1725-1806), båe av «bondestand», slo seg ned som husmannsfolk «ved Vatnet» under garden Eide i Luster og fekk fire born. Dei tre eldste vart alle gifte og busette i nabolaget, men yngstemann forsvinn: Aamund Olson «ved Vatnet» vart døypt i Luster 31.3.1765: https://media.digitalarkivet.no/view/11589/68, Han vart konfirmert i Luster i 1785: https://digitalarkivet.no/view/279/pk00000000457935 Det var mykje flytting på den tidi til Bergen, men det var òg ein del ungdom som reiste austafjells som soldatar, og eg meiner eg ein gong for mange år sidan var borti ein soldat Aamund Bolstad som ved hundreårsskiftet (1800) budde i Christiania og som eg mistenkte kunne ha røter frå Luster!? Eg er vaken for alle gode tips om lagnaden til denne guten og takkar so mykje på førehand!

Eg har prøvd å finne igjen Anton Antonsson frå Lom i USA. Han var fødd på Graffershaugen i Lom 10. august 1864 som son til Anton Larson og Eli Arnesdotter. Her er dåpen: https://media.digitalarkivet.no/kb10040808201040 Han utvandra til USA i 1881 med Sleepy Eye, Minnesota som reisemål: https://www.digitalarkivet.no/view/8/pe00000000952219. Eg har ikkje funne noko meir sikker informasjon om han etter dette. Familien i Wisconsin fortel at Anton fyrst budde i Wisconsin og vart gift der, angra seg og så flytta til Minnesota. Anton hadde ein bror, Ole Haugen, som budde i Maxville, Buffalo County, Wisconsin. På familysearch har eg funne ein Anton Anton(son) som blir gift i Buffalo County i 1890. Nokre av namna må vere forvanska, men foreldrenamna Anton og Ellen (Eli) kan stemme. Eg har ikkje funne lenke til originalkjelder og det er derfor vanskeleg å vite kva som faktisk står der. Northport of Norway er også litt uklart: Other information in the record of Anton Anton and Tora Lurson Alme from Wisconsin, County Marriages Name Anton Anton Event Type Marriage Event Date 08 Sep 1890 Event Place Maxville, Buffalo, Wisconsin, United States Gender Male Race White Birthplace Northport Of Norway Father's Name Anton Anton Mother's Name Ellen Anton Spouse's Name Tora Lurson Alme Spouse's Gender Female Spouse's Race White Spouse's Birthplace Northport of Norway Spouse's Father's Name Lewis Lurson Alme Spouse's Mother's Name Carrie Lurson Alme Citing this Record "Wisconsin, County Marriages, 1836-1911," database, FamilySearch (https://familysearch.org/ark:/61903/1:1:XR2R-KPP : 3 June 2016), Anton Anton in entry for Anton Anton and Tora Lurson Alme, 08 Sep 1890; citing Maxville, Buffalo, Wisconsin, United States, Wisconsin Historical Society, Madison; FHL microfilm 1,275,781. No image available Wisconsin, County Marriages, 1836-1911 Er det nokon som veit om det finst onlineversjonar av Wisconsin County Marriages? Eg finn ikkje igjen vigsla til Anton i same kykjeboka som broren Ole er registrert gift i tre år før. Eg har heller ikkje funne igjen Tora eller foreldra andre kjelder eller folketeljingar. Nokon som kjenner opphavet eller lagnaden hennar. Kan ho ha opphav frå Alme i Luster? Slektningar i Wisconsin fortel at han arbeidde på eit hotell i Two Harbor og seinare på St James Hotel i Minneapolis. Både blant slektningar i Noreg og USA har det versert historier om at han vart drepen i eit slagsmål på ein bar. Eg har ikkje funne ut når han døydde, men Saint Paul Globe skriv 3. og 5. desember 1895 om ein Anton eller Andrew Antonson som døydde etter vådeskot. Eg veit ikkje om det er Anton frå Lom.