Søk i nettsamfunnet

Utgongspunktet for dette emnet er følgjande tema oppstarta i 2011: https://forum.arkivverket.no/topic/171724-rasmus-andersson-berdal-feios-fødd-1760-kvar-vart-det-av-han35-1815/?tab=comments#comment-1727154 Dette følgjer her i ein «oppdatert» versjon med følgjande manuskriptutsnitt: ~~~~~~~~~~~~~~ Anders Rasmusson (Berdal), døypt i Hafslo 11.4.1735, Anders Rasmusson var tambur og gifte seg i Leikanger 3.1.1757 med Gjøa Andersdotter frå Helland i Feios, Leikanger. Ho var dotter av gardbrukar Anders Olson på Helland og kona Magdeli Nilsdotter frå Husabø og vart døypt i Leikanger 11.2.1720. Anders og Gjøa budde visstnok ei tid i Bergen, ¤¤¤¤¤ (sjekka om dei var i Leikanger ved ekstraskatten i 1762??) men var elles husmannsfolk på Stenegjerde under Berdal i Feios, Leikanger der dei budde levetidi ut. Gjøa vart gravlagd frå Berdal 7.6.1812, medan Anders vart gravlagd same staden 5.3.1815. Dei fekk tre søner i lag: a. Anders Andersson, døypt i Leikanger 28.1.1757, d. som husmann under Berdal 5.11.1831. Han gifte seg i Leikanger 9.6.1783 med Kari Johnsdotter frå Åfet i Leikanger, døypt i Leikanger 28.3.1754. Ho d. truleg under Berdal kring 1825. ¤¤¤¤¤ (nøyaktig dødsdato?) Anders og Kari tok over som husmannsfolk på heimeplassen hans på Stenegjerde under Berdal i Feios, Leikanger og fekk fem born i lag. b. Rasmus Andersson, døypt i Leikanger 13.12.1760, d. ¤¤¤¤¤ (dato og stad for dødsfallet/gravferdi hans? – kort etter fødsli!) c. Rasmus Andersson, døypt i Bergen 11.7.1762, ¤¤¤¤¤ (konf. Leikanger 1779 – lagnaden hans??) ~~~~~~~~~~~~~~ Her ligg det fleire utfordringar som ventar på handsaming: ** Kvar budde Anders og Gjøa ved ekstraskatten 1762/1763? - Eg finn ei Gjøa Andersdotter rekna som husmann på Stenegjerde, men ho er åleine. Kanskje Anders framleis var i Bergen på den tidi? https://media.digitalarkivet.no/view/47516/237 ** Kvar er dødsfallet til svigerdotteri Kari Johnsdotter? ** Kvar er dødsfallet til den eldste sonen Rasmus Andersson - kan henda i Nykyrkja i Bergen? ** Og endeleg er det spørsmål om lagnaden til yngste sonen Rasmus Andersson, fødd i Bergen i 1762? Kan det vera han som i 1801 var vertshushaldar i Bergen? https://www.digitalarkivet.no/census/person/pf01058390014707 Om nokon kan hjelpa meg løysa desse kjempeutfordringane ville det vera beste julegåva eg kunne tenkja meg! Eg takkar so mykje på førehand og ønskjer God Jul!