Søk i nettsamfunnet

Christopher Johannesson, einaste kjende son etter husmann Johannes Christopherso i Mordøla under Ottum i Luster (1659-1725) (mor ukjend), var fødd i Luster kring 1686. I eit skattemanntal frå Luster frå 1711 vert det sagt at Christopher då var i teneste i Kjelstraumen på Lindås - som vel ligg i noverande Austevold. Eg kan ikkje sjå at han nokon gong kom attende til Luster, men er det mogeleg å finna ut noko om lagnaden hans? Eg ser at ein «musketer» Christopher Johannessen gifte seg i Krosskyrkja i Bergen 5.3.1713 med ei Karen Knutsdotter: https://www.digitalarkivet.no/view/327/pv00000001007718 Ei dotter Else vart døypt i Krosskyrkja 18.4.1713: https://www.digitalarkivet.no/view/255/pd00000006090505 Ei dotter Else Johanne vart døypt i Krosskyrkja 29.12.1715: https://www.digitalarkivet.no/view/255/pd00000006090505 Aldersmessig kan han høva, men er det han?? Eg takkar so mykje på førehand for alle gode tips!