Search the Community

Eg freistar finna det agnatiske opphavet til mormor mi, og i von om at ein eller annan har gjort ein DNA-analyse ser det ut til at ein av dei næraste grenene er mannlege etterkomarar etter: Erik Olson Narverud, fødd på Narverud, Lunder sokn, Norderhov 24.5.1823, som eldste son av Ole Erikson og Gunnhild Colbjørnsdotter, gardbrukarar på Narverud. Garden på Narverud vart i si tid delt mellom to brør, Erik og Colbjørn. Colbjørn var oldefar min, men han har ingen kjende agnatiske etterkomarar. Erik finn me att her: * FT1865 som ugift heime på hovudbruket: https://www.digitalarkivet.no/census/person/pf01038084001871 * FT1875 som ugift heime på hovudbruket: https://www.digitalarkivet.no/census/person/pf01052115009326 * FT1891 som gift og busett på eine helfti av garden: https://www.digitalarkivet.no/census/person/pf01052782007817 * FT1900 som enkjemann på same helfti av garden: https://www.digitalarkivet.no/census/person/pf01037110008170 Etter dei føreliggjande opplysningane kan det sjå ut som om Erik ikkje har etterkomarar i det heile, men sikre kan me jo ikkje vera. Kanskje hadde han nokon utanfor ekteskap? Elles lyt me kanskje gå endå ein generasjon attende? Ovannemnde Ole Erikson Narverud var fødd på Bjørke i Norderhov og døypt 1.12.1793 som son av Erik Haagenson og Ingeborg Stenersdotter, som sidan vart gardbrukarar på Narverud. Dei hadde to søner til utanom OIe som tydeleg levde opp: * Haagen Erikson, døypt i Norderhov 26.7.1801 * Stener Erikson, døypt i Norderhov 12.4.1806 - kanskje er det han som døydde på Snersrud i Krødsherad same året (mori var frå Snersrud!): https://www.digitalarkivet.no/view/267/pg00000001879262 Haagen Erikson ser eg derimot ikkje noko meir til, so kvar vart det av han? Eg takkar so mykje på førehand for alle gode tips!