[#37221] Herr Andres Plytt (ca 1230 -- 1284) og etterslekta hans.

[Gjest Bjørn Jonson Dale]

Dette er einaste kjente dokumentet der 'Edøy' er nemnt som setegard, derfor har eg visse problem med å godta transkripsjonen før eg har sett dokumentet. Korfor står det 'Æd/oe/yu'? Kven er det som har sett inn '/oe/'? Rimeligvis utgivarane. Eg ser derfor ikkje vekk fra at det bare står 'Ædyu' i dokumentet. Då er vi temmelig nær Eid eller Eide.

[Gjest Finn Oldervik]

Det kan vera freistande å konstruera lettvinte løysingar nokre gonger, men dette vert vel å konstruera problem som ikkje finst? Eg skjønar elles ikkje kvifor det ikkje skulle vera Edøy? Noko seinare er jo også Edøy omtala som eige len. På den tida det her er snakk om vart det bygd ei steinkyrkje på øya, noko som og er med å indikera at dette har vore eit hovdingesete. Elles meiner eg at den tråden eg viser til sist i førre innleget mitt langt på veg stadfestar at Herr Peter i Edøy er identisk med Herr Peter Andresson. Den sistnemnde eig mykje gods på Nordmøre i nærleiken av Edøya som han gjev til dotter si, Isabella då ho giftar seg med Sigurd Jodgeirsson Lande.Elles kunne det jo ha vore greitt å veta kvar den garden Eid/Eide ligg som du tenkjer på? Eg har også store vanskar med å forstå at Ædy eller Ædyu skulle verta til Eid/Eide.

[Gjest Bjørn Jonson Dale]

Det er tydeligvis utgivarane av DN som har sett inn '/oe/' der dei har meint ein 'ø' mangla.Edøy var ikkje nemnt som len før kring 1530, så vidt eg huskar.Det mest nærliggande 'Eid' er 'Øig' eller 'Æig' i Nordfjord, som på denne tida var i ferd med å bli til 'Æid'.Etter mitt skjønn er likninga Peter i 'Edøy' = Peter Andresson langt fra sannsynliggjort. Jf at Isabella ikkje er nemnt i lag med Peter i 'Edøy' sine døtre.

[Gjest Tore H Vigerust]

Nei, originalen har nok anvendt œ og så har Dokumentasjonsprosjektet valgt å gjengi tegnet med /oe/.

[Gjest Bjørn Jonson Dale]

Korfor det? Eg sjekka bruken av /oe/ i DN, og der er det brukt for manglande 'ø'. Sjekk sjølv! Det er ikkje mange diplom dette gjeld.

[Gjest Finn Oldervik]

Edøy som len vart i det minste nemnd slik i samband med skifte etter junker Hans Sigurdsson i 1490. Sjå m.a. innlegg 58 i debatten om Herr Peter i Edøy.Det kunne jo vera interessant å veta kva rolle du tolkar at Trond Eriksson har i dette biletet. Han som er gift med Ingeborg Petersdotter på Husstad og vil påtala at Sigurd Jodgeirsson vil gje bort godset kona hans fekk av far sin, Herr Peter Andresson. Vidare undrast eg kvifor Isabella Petersdotter skulle vera nemnd i samband med forliket mellom Margrete Peterdotter ( g.m. Tidemann frå Lybech) og søstra Åse som framleis var ugift. Ingeborg Petersdotter vert nemnd i ei bisetning, medan Isabelle truleg var daud for lenge sidan då.

[Gjest Tore H Vigerust]

Bjørn(80), jeg mener bestemt at du tar feil. DN anvender œ, som altså ER en 'ø', men fordi Digitaliseringsprosjektet ved Univ i Oslo ikke ville anvende dette grafemet, œ, valgte de å erstatte œ med /oe/. Det står altså IKKE '/oe/' i DN, men i den digitale utgaven som Digitaliseringsprosjektet produserte.

[Gjest Bjørn Jonson Dale]

Trond Erikson er gift med ei Ingebjørg/Ingeborg, som før hadde vore gift med ein Svein. Hustad ser eg ikkje.No er det sjølve tydinga av dokumentet eg er ute etter. Kva i all verda står det?Tor Weidling eller Tore Vigerust kan vel sjekke på RA (dersom RA har fotografi av diplomet), slik at vi får dette spørsmålet ut av verda.

[Gjest Finn Oldervik]

13. sept. 1332 vert det utstedt eit diplom som m.a. seier:'af einni halfw ek fyrnefndr Petr ok Sunnifwa Bryniulfs dotter kona min. en af annære halfw Þrondr Eiriks son ok fru Jngibiorgh Petrs dotter kona hans. hia verande…..'Her er det snakk om ein Trond Eriksson og ”fru Ingibiorgh Petrs dotter kona hans”.Kor mange fru Ingebjørg Petersdotter gift med ein Trond Eriksson trur du det kan vera på den tida, (som attpåtil har ein status som gjer at det vert laga diplom om dei)?Året etter, den 10. august 1333 vert det utstedt eit brev i Nidaros som fortel at ” Þronder Eiriks son vill aa *kræia ok ræia jarðr þær sæm gaf herra Siugurðr Joðgæirs son j testamentum sit vndir hæilagha Nidaros kirkiu. þi hafwm ver feinghit sira Einare a Þingwelli vart fult ok loghlect vmboð vnðan at kalla hwærium þæim ðomara sæm sik vill her j sæitia, saker þess at ver vittum at eingi ma ifuir testa- menta d/oe/ma vtan hæilagrar kirkiu domare, ok till sanz vitnisburðr settom ver vart insigli firir þetta bref er gort var i Niðarose a Laf- rans m/oe/sso ðagh þa er lidnir varo fra burð vars herra Jesu Christi m. vettra ccc vettra xxx ok iij vettr.”Dette brevet fortel altså at ein Trond Eriksson vil påkjæra ei gåve som Sigurd Jodgeirsson har gjeve Nidaros kyrkje osv. Det er presten Hr. Einar på Tingvoll på Nordmøre som skal sjå til at Trond ikkje når fram med kravet sitt.Bjørn, meiner du at det er utenkjeleg at dette kan vera den same Trond Eriksson som er gift med Ingebjørg Peterdotter og at Ingebjørg er søster til Isabella Peterdotter? Du har jo sett at Isabella har fått gods på Nordmøre av far sin, Herr Peter Andresson, medan Ingebjørg er dotter til ein ”Peter i Edøy” (om ho er søster til Margrete og Åsa Petersdøtre, -- og det er ho vel)? Synes du at det er svært lite sannsynleg at Isabella og Ingebjørg er systrer, og begge dotrer av Peter i Edøy Andresson?I det diplomet eg viste til tidlegare, nr. 172 i b II s. 148, datert 2. aug. 1329 i Bergen, kan vi lesa;vill ok iungfru Asa æighi kaupa, þa sæli þau huærium sem þæim likar; vmfram þetta skall iungfru Asa ok henner vmboðsmadr luka þæim Tidæmanne ok Margretto fioratighi marka forngildra j kaupmana varningi ok skulu tughtugu mærkr vpp lukazst a Hustodum att joolom nest er k/oe/mær, en adrær tughtugu mærkr at Halwardz messo at vare nest þar eftir.Her ser du altså at Hustad er nemnd i samband med desse systrene og kven annan enn Ingebjørg skulle bu der?Vidare står det; En allær adrær iærder gull ok brænt sylfr. ok alt annat lausa godz sem herra Petr atti þa er han fell j fra. ok fru Margretta stod till æ medan mall hennar var ospilt. skall jung- (f)ru Asa frialsligha æigha æfuenlega. ok henner eftirkomande, at allu þui lokno sem j kaupmalæ þæira kom, ok at ospiltum allum rette fru Jngibiorghu systur jungfru Aso.Ut frå dette kan du vel sjå at Trond Eriksson var gift med ei Fru Ingebjørg Petersdotter som budde på Hustad, noko som fleire seinare diplom vitnar om.

[Gjest Bjørn Jonson Dale]

Eg trong vel å få det inn med teskeier. No har eg ete og no er eg mett. Det er sannsynlig at du har rett når det gjeld slektskapstilhøva, men når det gjeld lokaliseringa, 'Edøy' og Hustad, har eg enno store vanskar.Hustad kan vere både Hustad ved Hustadvika i dagens Romsdal og Hustad i Hjørundfjord på Sunnmøre. Om garden Hustad i Hjørundfjord veit vi at han var i stormannseige i 1350-åra. Om Hustad i Romsdal veit vi inkje. Garden ligg tvillaust strategisk til, men det er vanskelig å sjå denne Hustad som noken setegard.'Edøy' er verre. Steinkirka på Edøya kan vel vere eit indisum på eitkvart, men ho treng ikkje vise til noke riddarsete der. Jf Jetmundskirka på Åheim i Vanylven. Dersom Edøya hadde noke sammenhengande tilvære som setegard burde vel staden ha vore nemnt meir enn éin gang i mellomalderen?Kanskje er det heller ikkje Edøya på Nordmøre som er nemnt i diplomet fra 1329. Eg vil gjerne sjå diplomet med eigne auge før eg går med på at 'Edøy' er rette lesemåten.Ellers ser eg ikkje vekk fra at eg er på villspor her; det har eg vore før, og eg blir ikkje forundra om det skjer med meg endå ein gang...

[Gjest Finn Oldervik]

Kvifor trur du at Herr Peter Andresson gjev bort jordegods på Nordmøre til dotter si, Isabella, gods som ligg nær Edøya? Kvifor trur du at arvegodset til Ingeborg Petersdotter (truleg) ligg i Surnadalstraktane? (Sjå skiftet etter junker Hans 1490). Kvifor ligg noko av arvegodset til Margrete Petersdotter i Sunndal?Sjølvsagt må det vera fordi Herr Peter Andresson åtte ein del av det som ein i ettertid kan kalla Edøy-godset, eit enormt jordegods som helst stamma frå baronen Herr Andres Pålson Plytt. Godset vart etter kvart oppdelt i det ein kan kalla det eldre Aspagodset, Kanegodset, Teistegodset m.m.Om du ser på førre innlegget mitt, .. kor mange gonger finn du samanstillinga /oe/ i sitata frå DN som eg gjengjev der?

[Gjest Bjørn Jonson Dale]

Mørejarlane og, seinare, Arnungane sitt 'Møregods' kan ha blitt delt i eit Sunnmørsgods og eit Nordmørsgods på 1200-tallet. Ulikt Sunnmørsgodset (med Romsdalsgodset) kan Nordmørsgodset ha gått i oppløysing i seinmellomalderen, slik du skriv, Finn.Leiv Magne sitt innspel er ellers heilt i tråd med det eg har tenkt: Møre må ha blitt delt ein gang, og mest sannsynlig mellom to arnungar. Fra Erling Vidkunson si tid hadde Giskegodset (Sunnmørsgodset) snautt eigedommar på den tids Nordmøre.Her er enno mange spennande spørsmål å bryne seg på.

[Gjest Finn Oldervik]

Eg vil gjerne takka Leiv for at han tok tak i dette emnet igjen og Bjørn for at han stilte kritiske spursmål. Det er berre når det kjem slike spørsmål at ein får høve til (og vert nøydd) til å tenkja gjennom tidlegare standpunkt og konklusjonar på nytt, samstundes som ein får høve til å utdjupa kva ein meinar.Eg kunne godt tenkja meg at fleire stilte spørjeteikn ved det eg har hevda i denne tråden, slik at eg vert tvinga til å underbyggja enda betre standpunkta mine.Når det gjeld setegardar på noverande Nordmøre, så kan ein jo også nemna Bremsnes som ein god kandidat, utan at eg kan sjå at garden har vore nemnd som bustad for høgadelen nokon gong. Strøm eller Kanestraum har jo også vore setegard, men kanskje ikkje før ved midten på 1400-talet.Når det gjeld Andres på Sjømæling som Leiv nemner, så kan ein også nemna ein Serk på Rød (nabogard til Sjømæling) som gav kong Sverre eit sår i foten i slaget under 'Hatthammaren ved Trondheim'. Birkebeinarane drog til Rød og drap Serk m.fl. etterpå (ca år 1178). Seinare ser vi at fleire gardar i dette området ser ut til å tilhøyra 'Edøy-godset'.

[Gjest Finn Oldervik]

Andres på Sjømæling er ikkje mykje omtala i dei norske kongesogene. I B 4 av Noregs kongesoger (1979) er han nemnd ved to høve. Det er fortald at han, truleg litt før 1220, var på handelsferd til Bjarmeland (landet omkring botnen av Kvitesjøen i Russland). Av andre som var med på denne ferda er nemnd, Svein Sigridsson og Ogmund av Spånheim.Seinare vert det nemnd at då vårbelgane herja og brente på Nordmøre ca 1239, var dei også hos Andres på Sjømæling, utan at det uttrykkjeleg står at Andres vart drepen.Dette er siste gongen Andres vert nemnd i soga om Håkon Håkonsson.Ein kan då rekna med at Andres var født så tidleg som kring 1170 – 1180, eller kanskje enda tidlegare? Ut frå dette kan han godt vera farfar til Andres Pålsson Plytt, utan at vi har noko som helst prov eller indikasjon på at så er tilfelle.

[Gjest Leiv Magne Apelseth]

Finn, ang. Serk, Rød og Sjømæling, sjå mine innlegg 36 og 37 her Lenke .

[Gjest Finn Oldervik]

Leiv Magne (90)Jau, eg har sett namnelikskapen (Serk), men det er jo eit langt tidsrom mellom han som er nemnd i 1178 og den du dreg fram som nemnd i Aslak Bolts jordebok. Skjønt slektskap kan det jo vera?Som eit apropos til omgrepet 'Edøygodset' som eg har nytta her nokre gonger, så ser eg at Sigrunn Kvamme nyttar same omgrepet i kapitlet om 'Herrane til Giske' (I balansepunktet. Sunnmørs eldste historie. 1994). Ho fortel at Bjarne Erlingsson d.y. ei tid var sysselmann i Jämtland. 'Frå ei islandsk Annal vert det fortald at han vann ei riddarturnering og gjorde det så godt at kong Magnus ga han Rikitsa, ein av sine kvinneleg slektningar, til kone. Bjarne skulle samstundes ha fått Edøygodset på Nordmøre i medgift.'Eg er sterkt i tvil om det siste kan vera rett. Kanskje kan det vera snakk om at Bjarne får Edøy i len i staden? Den einaste Rikitsa frå sogelitteraturen eg veit om, er forresten Rikitsa Birgersdotter g.m. kong Håkon unge (g. i 1250-åra).Kva gjeld Giske og Giske-mennene sitt jordegods på Nordmøre, så hadde jo Erling Vidkunnson (1313 - 1335) framleis jordegods på Nordmøre. Frå ein annan debatt (Lenke) veit vi at Erling let dette godset gå over til ein Erlend Serksson som i staden gav Erling gods i Valdres, Sogn og andre stadar i byte. Så kan ein jo spørja kvar Erling hadde dette godset frå? Hadde han gjennom ymse 'omvegar' arva dette godset frå onkelen Bjarne Erlingsson, til liks med resten av Giskegodset, -- eller kunne det ha ha vore heimegåva til Margrethe, kona til Bjarne. Sjølv om Bjarne aldri åtte dette godset (ein høyrer då heller ikkje noko om Nordmørsgods i testamentet hans), så kunne truleg likevel Erling eiga det?Spørsmålet mitt vert då; Om Margrethe (same kven ho var) førte gods inn i buet (heimanfylgje) saman med Bjarne Erlingsson d.e., ville sjølvsagt sonen Andres Bjarneson (d. før 1309) arva mora om han døyr etter henne. Dotter til Andres, Kristine vil i sin tur arva far sin. Om både Kristine og Andres er eineborn, kven vil då arva Kristine?Her kan det sjå ut som om det er brorsonen til farfar til Kristina, Erling Vidkunnsson som er rett arving.Om det er slik som det vert hevda i andre debattar her, at Margrethe er dotter til Giskemannen Nikolas Peterson, så må det også vera slik at det faktisk er Kristine som får råderett over Giske i 1309 då Bjarne set opp testamentet sitt, same kva Bjarne skriv om dette.Ut frå dette vil eg tru at Margrethe ikkje er dotter til Nikolas, men heller til Andres Plytt.Det var truleg på den måten at det kom Nordmørsgods i hendene på Bjarkøy-ætta ved Erling Vidkunnsson, som han så seinare bytte frå seg til Erlend Serksson. Dei nære relasjonane som det tydeleg var mellom Bjarne Erlingsson og Andres Plytt er og eit indisium på at dette kan vera rett.

[Gjest Bjørn Jonson Dale]

Seint på natt i Norge, men enno bare sein kveld her.Margete Nikolasdatter til Giske var det fagraste og rikaste giftet i Norge: Ho fanst. Det er ellers temmelig sannsynlig at denne Margrete, som faktisk var giskearvingen, og ikkje ei heilt anna Margrete, var kona til baronen Bjarne Erlingson.Den arvegangen du, Finn, skildrar er, etter mitt syn, den mest sannsynlige. Det Giske som Margrete Nikolasdatter arva må, likeeins etter mitt syn, ha innehalde mykje gods på den tids Nordmøre. Etter Erling Vidkunson sitt 'makeskifte' med Erlend Serkson blei Giske sitt nordmørsgods sterkt redusert, men i vissa over 100 spann (1600-talls) blei verande igjen.Det er vel eit spørsmål om ikkje riddarenka Ragna, mora til Erlend Serkson, kan ha vore ei datter av baronen Bjarne Erlingson og fru Margrete Nikolasdatter...Når gjeld Bjarne Erlingson den yngre og 'Edøy': Det må vere Edö i Sverige det er tale om, for korleis kunne svenskekongen gi eller forlene vekk gods i Norge?

[Gjest Finn Oldervik]

Eg skulle gjerne visst kvar sitatet om at Margrete Nikolasdotter i Giske var 'fagraste og rikaste giftet i Noreg' kjem frå. Kva er originalkjelda her?Dessutan; det er jo ingenting i vegen for at Bjarne kan ha vore gift to gonger, først med Margrete Nikolasdotter (Giske) og andre gongen med Margrete Andresdotter (Plytt). Sonen Andres må i tilfelle vera frå ekteskapet med dotra til Andres Plytt. Dette må då vera grunnen til at Bjarne testamenterer Giske til Kristin(a), dotter til Andres (Bjarne må jo ha råderett over Giske sidan han kan testamentere garden bort, og det har han ikkje så lenge Kristin lever og Kristin er sonedotter til Margrete Nikolasdotter).Kva gjeld Bjarne Erlingsson d.y. og Edøy, så treng eg visst å sova på det før eg eventuelt kan seia noko fornuftig om saka.

[Gjest Bjørn Jonson Dale]

Utsegna om Margrete Nikolasdatter er henta fra soga om Magnus Lagabøte, dvs det litje som finst igjen av denne soga. (Dette er etter minnet.)For det som gjeld baron Bjarne si testamentgave til sonedatra Kristin, dvs hovedgarden Giske, trur eg at grunnlaget kan ha vore at Bjarne hadde fått dette då han ekta Margrete Nikolasdatter. Verre treng det ikkje å ha vore.God natt.

[Gjest Leiv Magne Apelseth]

Det er klart at det må vera ein samanheng mellom Serk på Rød i 1178, Andres på Sjømæling (1230/40)og ekteparet Serk og Sigrid på Rød som gjev bort heile Sjømæling (30 spannleiger) på 1400 talet.Det er og sjølvsagt at i allefall noko av det aristokratiske miljøet på Nordmøre i seinmellomalderen (Kane, Teiste, Aspa mm..) må ha hatt sitt opphav (enten på mann eller kvinnesida) frå eit fra før etablert aristokratisk miljø der. Ein bør også ta med Serk på Austråt i dette bilete. I frå dette miljøet kan også (den ellers ukjente) Gjertrud på Austråt hatt sitt opphav. Dette viser vel kun at det framleis, også for Nordmøre sin del, gjenstår ein heil del mellomaldergenealogisk arbeid.

[Gjest Finn Oldervik]

Til Bjørn (92 og 94)Ja, eg ser at du har rett i at opplysninga om det gjeve giftet på Giske (Margrete Nikolasdotter) er henta frå soga om Magnus Lagabøte. Det står i denne soga at Nikolas etterlet seg ei dotter som vert namngjeve til Margrete. Kven skulle då vera mor til Øigerd, systerdotra til Margrethe? (Eg er klar over det finnes ymse avskrifter med ulike tolkingar av testamentet til Bjarne).Vidare, korleis var det med arven etter Kristin ? ( om vi går ut frå at ho var dotter til Andres Bjarneson og ikkje kona hans). Om vi tenkjer oss at du har rett i at Bjarne hadde fått sjølve Giskagard m.m. som gåve av Margrete, så var jo likevel det meste av Giskegodset intakt i Margrete sitt eige. Sonen Andres ville då sjølvsagt arva mor si og Kristin far sin. Dette måtte då vera stoda då Bjarne sette opp testamentet sitt. Ved det høvet får Kristin attende hovudbølet (Giskagard) frå farfar sin, slik at ho då måtte vera eigar av det meste av Giskegodset, inkl. hovudbølet.Det som eg har litt problem med her er kvifor det blir søskenbarnet til Andres på farsida, Herr Erling Vidkunnsson som vert arvingen etter Kristin, ikkje søskenbarnet på morsida, Øigerd, som vel skulle vera nærare til Giskegodset enn Erling? Her er det truleg noko frå arverettsreglane den gongen eg ikkje har fått med meg. Eit anna alternativ kan naturleg vis vera at både Øigerd og all anna nær slekt på Margrete Nikolasdotter si side er daude før Kristin.Vidare hevdar du i innlegg 92 at det skulle vera minst 100 sp. jord i eiga til Giskefolket etter makeskiftet med Erlend Serksson. Skulle ha vore moro å visst kvar dette godset låg. Eg ser i alle fall ikkje spor etter det på noverande Nordmøre.

[Gjest Bjørn Jonson Dale]

Dette godset er å finne i jordebøkene til Rosenkrantzætta.

[Gjest Knut Hansen]

Hei.Det synes som om persongalleriet som involveres i arvegangen etter Baron Bjarne Erlingsson er i snevreste laget.Hvorfor skulle Erling Vidkunsson arve Giske og Nordmørsgodset etter Baron Bjarne Erlingsson, når det helt tydelig fremgår av kilder at Bjarkøya var disponert både i titulering og geografisk plassering av Helge i Bjarkøy. Denne Helge hadde tituleringen i Bjarkøy før Erling Vidkunsson kunne bruke den, hvorfor var han da arveløs på Giske og på Nordmøre?Tituleringen ”i Bjarkøy” var da brukt kronologisk av 1 Lendmannen Erling Ivarsson, 2 Baron Bjarne Erlingsson, 3 Helge i Bjarkøy, 4 Ridder Erling Vidkunsson. Rekka av personer som brukte tittelen til/i Bjarkøy indikerer at også Helge bør ha innehatt tittelen Ridder, og i tillegg hatt forrang foran Ridderen Erling Vidkunsson til bruken av Bjarkøya. Hvordan kunne da Helge inneha forrang på Bjarkøya men ikke på Giske og Nordmøre?I Tillegg kommer Martin Erlingsson sine arvinger, hvorfor var disse arveløse på Giske og på Nordmøre?Eneste forklaring på dette er at Kristin som fikk Giske i Testamentet til Baron Bjarne Erlingsson er den samme som tituleres fru Kristin i Giske i 1329(?) (etter husken), hun var da en Toresdatter og søster til Elin som var gift med Erling Vidkunsson. Elin eller sønnen Bjarne arver da Kristin, og Erling arvet sønnen Bjarne, Erling Vidkunsson eide dermed ikke Giske før han arvet den av sønnen. Erling Vidkunsson var dermed heller ikke arving til Baron Bjarne Erlingsson, men det må Helge i Bjarkøy ha vært.Nordmørsgodset som innehaes av Erling Vidkunsson kan da ikke ha kommet fra Baron Bjarne Erlingsson, men kan selvsagt ha kommet fra Baronens arvinger, men kan like godt være arvegods fra Erling Vidkunssons far. I så tilfelle har da begge brødrene, Bjarne og Vidkun eid jordegods på Nordmøre.MvhKnut

[Gjest Leiv Magne Apelseth]

Veldig bra innlegg det der Knut.Tar vi så med at Bjarne og Vidkunn sin bror Martin Erlingsson også eigde møregods, så har vi altså 3 Erlingsøner som faktisk _eigde_ jordegods på Møre. det er eit lite tankekors når vi veit at Bjarkøya var utgangspunktet deira.

[Gjest Finn Oldervik]

Vart utan internettsamband for ei stund, men har fått oppretta noko provisorisk.Til Bjørn (97)Det var vel ikkje frå Giskegodset at Nordmørsdelen av Rosenkrantzgodset stamma? Noko av det var kjøpegods frå Sigurd Haftoreson si tid (m.a. gods kjøpt frå arvingane etter Fru Ingeborg Petersdotter på Hustad), medan mykje var gammalt Kanegods. Kva tid er dei jordebøkene du omtalar frå?Til Leif (95)Jau, det er nok ein samanheng mellom desse personane, men det eg meiner er at vil verta svært vanskeleg å knyta trådar mellom hendingane, sidan kjeldene er så sparsame.Til Knut (98)Mykje å tenkja på her, men korleis kunne Kristin (Toresdotter) få hand om Giskegodset? Ho kunne jo ikkje arva mannen sin, om du meiner at det var Andres Bjarneson som var denne mannen.Eg har ein mistanke om at dette 'Giskeproblemet' treng minst eit seminar før siste ordet er sagt.