[#45567] Peder Olson Bøtun (1779) og Ingeborg Rasmusdt (1789) - til Bergen og so?

[Gjest Lars E. Øyane (Luster kommune)]

Peder Olson Bøtun, fødd i Leikanger 1779, og kona Ingeborg Rasmusdotter, fødd i Sogndal 1789, var plassfolk på Stegen under Bøtun, Leikanger fram til kring 1820 då dei flytte til Sogndalsfjøra i Sogndal og derifrå vidare til Sandviken i Bergen. Borni i huslyden var:* Ole Pederson, f. Leikanger 1808* Ingeborg Pedersdotter, f. Leikanger 1811* Kari Pedersdotter, f. Leikanger 1814* Gjøri Pedersdotter, f. Leikanger 1817* Rasmus Pederson, f. Leikanger 1819* Martha Pedersdotter, f. Sogndal 1822* Peder Christian Pederson, f. Bergen 1826* Anna Petrikke Pedersdotter, f. Bergen 1828Ein ''dimitteret soldat'' Peder Olson Bøthun, 59 år, døydde i Bergen 7.11.1834. Adressen i Sandviken i Bergen høver bra med dei to siste barnefødslene, so det er nok han.MEN, kvar vart det av kona og borni i denne huslyden? Eg finn ikkje dødsfallet til nokon Ingeborg so høver... Eller er det augi mine...?Eg takkar so mykje på førehand for alle gode tips!Med venleg helsing,Lars E. Øyane

[Gjest Lars E. Øyane (Luster kommune)]

Eg har søkt litt meir etter Ingeborg og har oppdaga at ho gifte seg att i Bergen 9.10.1842 med enkjemannen Michael Iverson, fødd i Hamre kring 1793. Og i 1865 budde Michael og Ingeborg som leigebuarar på Jægersminde i Sandviken, Bergen! Michael døydde på Jægersminde 2.5.1866, og på ny ser Ingeborg ut til å ''forsvinna''...Då var ho ei enkje på 77 år...!Kvar kan ho ha vorti av til sist?Med venleg helsing,Lars E. Øyane

[Gjest Marianne Bakketun]

Kan det vera ho som døyr 10. mai same år som Michael? Altså berre 8 dagar etter... Lenke Ingeborg Rasmusd. Jægersminde, 77 år, ser lovande ut?Marianne Bakketun

[Gjest Lars E. Øyane (Luster kommune)]

Hjarteleg takk til Marianne for interessant innlegg. Jau, dette må vera ho...; eg har nok oversett dette dødsfallet!Soleis er problemet heilt løyst!Med venleg helsing,Lars E. Øyane