[#47559] Giske og Bjarkøy: Miniseminar i Busevika i Ålesund

[Gjest Bjørn Jonson Dale]

Kan det høve med eit miniseminar om Giske- og Bjarkøyættene i samband med påska/påskeferien?Eg kan hyse 11 personar, men kan ikkje love alle einerom.

[Gjest Knut Hansen]

Hei.Hvorfor ikke, selv har jeg ikke anledning, men det blir interessant å se hva som kommer ut av seminaret. Det går trått med kartleggingen av personer, så det kommer muligens noe nytt med ett seminar.MvhKnut

[Gjest Leiv Magne Apelseth]

Det skulle gå greit for min del, men einerom Bjørn ? Skal vi sove også ;o) Men alt ettersom antall so har vi no hotella i bakhand. Når er du på heimtraktene att Bjørn ?

[Gjest Lars Løberg]

Jeg hadde så smått innstilt meg på ei helg i mai. Må i hvert fall forhøre meg på hjemmeplan når det gjelder påsken + tid til å tromme sammen andre innledere også.

[Gjest Bjørn Jonson Dale]

Alt tyder på at eg vil vere i Ålesund fra sist i mars til midten av april, og for min del kunne det høve å avvikle eit miniseminar då. Derfor spør eg om det også kunne høve for andre.Kanskje skulle vi heller kalle det eit symposium enn eit seminar? Dersom rette folka dukkar opp skulle det vel ikkje vere nødvendig med ein formell struktur, med innleiiarar osv?

[Gjest Bjørn Jonson Dale]

Interessa for denne tilstellinga er tydeligvis ikkje stor. Derfor kan ho avlysast her og no. Eg blir i alle fall i Ålesund fra først i april og nokre uker utetter. Dei som bur nærast kan komme til Busevika og vi kan då halde eit mikrosymposium med Giske som emne.Dersom det enno er interesse for eit miniseminar eller symposium med dette emnet er det råd å avvikle det i løpet av sommaren, då eg også vil vere i Ålesund ei tid.

[Gjest Lars Løberg]

Jeg kan ikke i påsken. Hvilke muligheter har du mai/juni eller evt. over sommerferien?

[Gjest Leiv Magne Apelseth]

Eg er einig med Bjørn, skuffande lite innspel og interesse å spore i denne tråden, og for eit Giske/Bjarkøy symposium !! Kanskje det er lettare og meine noko so lenge ein sit gjømd bak ein datamaskin? Ikkje veit eg.Skal eg delta på eit slikt symposium, so må eit slikt leggast tidleg i månaden. Dei to første vekene i kvar månad er eg i Stavanger på jobb, året rundt.

[Gjest Leiv Magne Apelseth]

Eg er sjølvsagt i Stavanger dei 2 siste vekene i månaden og ikkje dei 2 første.

[Gjest Stein Arne Fauske]

Eg er gjerne med på symposium i Busevika i påska, eller veka etter.

[Gjest Stein Arne Fauske]

Det hadde i allehøve vore trivlege med eit mikrosymposium i Busevika, som ein forsmak til eit større symposium om Giske/Bjarkøy seinare i år. Kanskje kan eit slikt mikrosymposium ta mål av seg å gjere ei ny-lesing av kjeldene til DN XV nr 15 - testamentet åt Bjarne Erlingsson? Eg har sendt forespurnad til RA i København og Kongeleg Bibliotek om kopi av dei avskriftene dei har av testamentet.

[Gjest Knut Hansen]

Hei.Stein Arne (11), var det DN XV 1 [url="http://www.dokpro.uio.no/perl/middelalder/diplom_vise_tekst.prl?b=12744&s=n&str=>Lenke - du mente? Eller har du satt DN XV 15

[Gjest Bjørn Jonson Dale]

Eit mikrosymposium kan bli kjekt. Når vi finn ein høvelig dag kan han annonserast her. Det skal bli artig å sjå avskriftene av testamentet.

[Gjest Jo Rune Ugulen]

Først til avskriftene av testamentet. Det er ikkje nok med berre å få kopiar av avskriftene av sjølve testamentet som finnest ved KB og RA i København. Ein er også nøydd til å ta omsyn til dei (på mange måtar betre) mange samandraga av dette testamentet hjå Absalon Pedersson i Om Norgis Rige. Absalon har hatt tilgang til testamentet personleg og han brukte det i boka si, og han las norrønt -- noko eg har mine tvil om at t.d. Peder Galskjøtt gjorde.Elles er det neppe mangel på interesse som gjer responsen såpass laber her på bruket. Sjølv er eg absolutt interessert i eit slikt seminar, men det må planleggjast litt betre og med litt betre tid enn kva som kjem fram her, dersom eg skal ha von om å vera med. Det same vil eg tru gjeld mange andre, ikkje minst dersom ein skal få med institusjonsbundne historikarar. Eit seminar i påska er vanskeleg å få til når det først dukkar opp forslag om det nokre veker før.

[Gjest Jo Rune Ugulen]

Litt oppklaring. Det er vel eigentleg ikkje så mange samandrag av testamentet hjå Absalon Pedersson -- berre eitt (med litt spreidde opplysningar som kan koma frå det nokre andre stader i Om Norgis Rige). Det eg meinte var at Om Norgis Rige finnest i mange forskjellige handskrifter, og ein må ta omsyn til alle variantane og avskriftene av verket, dersom ein skal ha von om å få noko av varig verdi ut av testamentet til Bjarne Erlingsson. Storms utgåve er god, men ein må likevel gå djupare inn i handskriftene enn kva som er mogleg å få til ved hjelp av Storms utgåve.

[Gjest Jo Rune Ugulen]

Og det skal sjølvsagt vera Peder Dyrskjøtt, ikkje Peder Galskjøtt (truleg skuldast dette for lite kaffi).

[Gjest Stein Arne Fauske]

Det var sjølvsagt DN XV nr 1 eg meinte.

[Gjest Bjørn Jonson Dale]

No vel, Jo Rune (gratulerer med doktorgraden!), det er vel tvillaust at Absalon hadde både sett og lest herr Bjarne (eller Bjørn) Erlingson sitt testament i original i dokumentsamlinga til Erik Rosenkrantz på Bergenhus i 1560-åra; Absalon skildrar ellers herr Bjarne (Bjørn) sitt våpenmerke svært livaktig. Spørsmålet no er: Er det sprikande sammenfatningar og/eller avskrifter av Absalon Pederson (Beier) si 'avskrift' av herr Bjarne sitt testament? Så vidt eg forstår er ikkje dette tilfelle, men kva kan ein i grunnen 'vite' om slike, svært framfarne og innnfløkte tilhøve..?

[Gjest Jo Rune Ugulen]

Takk for gratulasjonen, Bjørn. Det er godt å vera ferdig:-)Til saka: Er det ikkje nettopp det som er spørsmålet då Bjørn? Kva kan vi vita om det? Utan at det vert undersøkt? Difor må det også undersøkjast. Vi veit jo at Absalon sine samandrag avvik tildels kraftig einskilde stader frå avskrifta til Peder Dyrskjøtt. Og det er det som er det viktige. Eg stolar meir på Absalon enn på Peder Dyrskjøtt når det kjem til forståinga av norrønt språk. Men samstundes må ein også undersøkja om det er større avvik innanfor dei forskjellige versjonane av Absalons tekst også. Det er ikkje sikkert det er det, men ein kan ikkje lata vera å undersøkja det av den grunn.

[Gjest Bjørn Jonson Dale]

Det springande punktet i Absalon si gjengiving av testamentet er vel lesinga av namnet på Bjarne si 'søster dotter', som i handskriftet A (No.95 i det danske Rigarkiv) fra kring 1570 er kalt Sigrid. Fra side 13 la Storm dette handskriftet til grunn for utgava av Om Norgis Rige.Eg ser no at Storm utan vidare avviser at Kristin var Bjarne si 'sønne dotter', for han skriv i noten 'Sønnedotter) Feil for Sønnehustru'. Dersom Storm har rett i dette må vi lure på om Kristin kan ha blitt gift med Erling Vidkunson.Det ser ellers ut til at Absalon på eiga hand har gjort Talsete (Talgeseter) i Sogn til adelsgard. Grunnen må vere at Bjarne ga 'Jon sin brodersøn' denne garden.

[Gjest Knut Hansen]

Hei.Bjørn (innlegg 20), sønnedatter eller sønnekone er bare ett springende punkt om det blir holdt fast på tidligere ”vedtatte” sannheter. Noe som leder til hvilke rammer det er tenkt på symposiet / seminaret i Busevika. Er det en liten mulighet for at tidligere teorier blir snudd på hodet? For eksempel at Erling Vidkunsson aldri eide Giskegodset før han arvet sønnen Bjarne med klare føringer på hvem som skulle ha Giske etter Erling. Det hender jo at man må snu for å se hva det er det faktisk finnes dekning for.MvhKnut

[Gjest Bjørn Jonson Dale]

Enig. Men nokre få faste punkt bør vi ha, og eitt av disse er at Bjarne Erlingson var gift med Margrete Nikolasdatter i Giske. Enig?

[Gjest Bjørn Jonson Dale]

Vidare kan det godt hende at unge Bjarne Erlingson eigde Giskegodset osv før faren. I så fall kan han ha arva det etter mora, som helst bør ha vore fru Margrete si søsterdatter, Sigrid/Øygerd. Erling Vidkunson kan i teorien ha vore gift med Kristin dersom ho var enke etter søskenbarnet Andres Bjarneson og ikkje datra hans. Men kunne ein gifte seg med enka etter eit søskenbarn? Eg har mine tvil.Takk for snutenking, Knut.

[Gjest Knut Hansen]

Hei.Bjørn (innlegg 23), Bjarne Erlingsson dy arvet Giske via mora, Elin. Og (innlegg 22) Nei, mangler støtte i arvegang.MvhKnut

[Gjest Bjørn Jonson Dale]

Javel? Det er jo denne arvegangen du ikkje vil ut med. At Bjarne Erlingson var gift med Margrete er dokumentarisk belagt, og Margrete Nikolasdatter var vel arving til Giske?