[#52315] Theodora ''Thea'' Brekke frå Hafslo i Sogn til Stord og Etne på 1900-talet?

[Gjest Lars E. Øyane]

Theodora Karoline ''Thea'' Brekke, fødd i Hafslo 1.5.1872, dreiv først pensjonat i Bergen i lag med søsteri Gerhardine Eline Brekke, men dei flytte sidan til Stord og skal ha drive pensjonat på Døsen på Stord der Gerhardine døydde 11.1.1924.Eg veit ikkje kor lenge Thea heldt fram med pensjonatet, men i 1946 kjem det fram at ho var hushaldar hjå tannlækjar J. E. Kristensen på Solvoll, Haugen i Etne, so kanskje døydde ho der?Er det nokon som er lokalkjende på Stord eller i Etne som kan kaste meir ljos over lagnaden til desse søstrene og særleg Thea?Eg takkar so mykje på førehand for alle gode tips!Med venleg helsing,Lars E. Øyane

[Gjest Mariann Stokken]

Eg har sett ein 'kjentmann' på saka. Dette gjeld opplysningar frå Stord.Venleg helsing Mariann (frå Dåfjordeid som er på Stord :-)

[Gjest Mariann Stokken]

Eg har via kjende fått eit oppslag i bygdeboka for Etne, men kanskje du allereide har desse opplysningane?Iallfall: tannlækjaren som ho(Thea) styrte huset for flytta til Oslo i 1947, men Thea var ikkje nemnd i boka.Har ikkje høyrt noko meir frå 'kjentmannen', men kanskje han ikkje fann noko likevel.Venleg helsing Mariann.

[Gjest Lars E. Øyane]

Ein sein, men like hjarteleg takk til Mariann for innspel om denne saki i 2007. Eg er no komen so langt at denne delen av manuskriptet mitt skal publiserast, og eg veit framleis like lite om lagnaden til Thea, bortsett ifrå at ho skal vera avlidi i HARDANGER (eller kanskje det skal vera Sunnhordland)!Med venleg helsing,Lars E. Øyane

[Gjest Lars E. Øyane]

Eg har i dag fått greie på at ein søsterson av Thea Brekke, som i 1947 busette seg på Årdalstangen i Årdal, ei tid etter at han kom dit, vart kontakta av tannlækjaren i Etne. Då var Thea avlidi, og søstersonen fór til gravferdi hennar i Etne.Dette tyder at Thea må vera avlidi i Etne ein eller annan gong etter 1947, truleg ein gong på 1950-talet?Eg vil leggja inn eit spørsmål i Arkivforum om dette og vonar på svar der...Med venleg helsing,Lars E. Øyane