[#79698] Britha And Kolseter/Hillestad/Reppen, f. Hafslo 1831 - Amerika 1891 - sju born?

[Gjest Lars E. Øyane]

Eg har ei skikkeleg utfordring til dei som liker ''amerikanøtter''. Eg har freista mangt, men greier ikkje finna denne huslyden att i Amerika:~~~~~~~~~~~~~~~~~~Britha Andersdotter Kolseter, ogso kjend som Hillestad og som Reppen, var fødd på Holsete på Hafslo 21.9.1831, men flytte i 1854 med foreldri sine til Kolseter i Sogndal. Først fekk ho tre born utan å vera gift; so gifte ho seg i Sogndal 25.6.1866 med enkjemannen Trond Olson (Vassli) Reppen, fødd i Sogndal 20.3.1831. Trond og Britha var først husmannsfolk i Hagen under garden Hillestad i Sogndal, men flytte i 1868 til Reppen i Sogndal og i 1872 til heimen hennar på Kolseter under garden Ormelseng i Sogndal der Trond døydde 9.11.1874. I 1891 utvandra Britha som enkje til Amerika og kalte seg då Reppen, men der forsvinn alle spor!Borni hennar:a. Peder Nilsson Kolseter, son av Britha og Nils Pederson Bjelde, var fødd i Sogndal 28.10.1859, einaste barnet eg ikkje finn i utflyttingslistene, men har nok òg funne vegen til Amerika(?)b. Kirstina Nilsdotter Kolseter, dotter av Britha og Nils Pederson Bjelde, var f. i Sogndal 20.9.1862, utvandra til Amerika i 1893 og hadde med seg ei ''uekte'' dotter Britha Eriksdotter, fødd i Sogndal 1890 (som eg ikkje kan finna!).c. Lars Erikson Kolseter, son av Britha og Erik Olson Hollekve, var fødd i Sogndal 10.5.1865, men utvandra til Amerika i 1886.d. Ingeborg Trondsdotter Hillestad/Reppen, fødd i Sogndal 7.3.1867, utvandra til Amerika i 1893 og skreiv seg då Hillestadhagen.e. Andreas Trondson Reppen, fødd i Sogndal 22.2.1869, utvandra med mori til Amerika i 1891.f. Johannes Trondson Reppen, fødd i Sogndal 18.5.1871, utvandra òg til Amerika med mor si i 1891.g. Maria Trondsdotter Reppen, fødd i Sogndal 14.12.1873, utvandra likeins med mori til Amerika i 1891.Eg har so langt ikkje funne spor etter nokon av desse borni i Amerika!!Om nokon greier å finna ut kva som skjedde med denne søskenflokken og mor deira i Amerika, vil eg verta mektig imponert!På førehand hjarteleg takk for alle gode tips!Med venleg helsing,Lars E. Øyane

[Gjest Grethe Flood]

For ordens skyld - her emigrerer Kirstine og datteren BrithaLenkeGrethe

[Gjest Lars E. Øyane]

Hjarteleg takk til Grethe for innleggingi av utvandringi til Kirstine og dotter hennar. Det er merkeleg at me ikkje kan finna nokon dåp på denne dotteri; det kunne ha hjulpe i leitingi i Amerika...Eg held fingri framleis krossa for at noko skal dukka opp om lagnaden til denne søskenflokken i Amerika...Med venleg helsing,Lars E. Øyane

[Gjest Lars E. Øyane]

Etter at eg tidleg i dag fekk eit tips frå Amerika om lagnaden til dotteri Kirstina i Amerika, har eg nytta ein stor del av dagen til å ''nøsta opp'' det meste av denne huslyden. Dei busette seg i det nordvestlege Minnesota og skreiv seg for ANDERSON!Problemet er soleis på det næraste løyst, bortsett ifrå at eldste sonen Peder skal ha utvandra til Amerika tidleg på 1880-talet! Let det seg gjera å finna utvandringi hans?Med venleg helsing,Lars E. Øyane