Gå til innhold
Arkivverket

Ingeborg Nilsdotter Tveit - fødd kring 1775 - gift som enkje i Bergen i 1802 - kven var ho?


Lars E. Øyane
 Del

Recommended Posts

Enkjemannen Jørgen Larsson (Winjum), døypt i Hafslo 19.3.1761, vart enkjemann i Bergen 4.4.1801 (då første kona Bertha Gundersdotter vart gravlagd) og gifte seg att i Nykyrkja i Bergen 7.11.1802 (etter lysing av 12.10.1802 (http://www.arkivverket.no/URN:kb_read?idx_kildeid=8724&idx_id=8724&idx_listetype=vi&idx_kjonn=&uid=ny&idx_side=-133) med:

 

enkja Ingeborg Nilsdotter (Tveit). Skifteattesten etter første mann hennar er dagsett 7.10.1802, men diverre seier ikkje kjelda kva han heitte. Skifteattesten etter første kona hans var dagsett 10.11.1801.

 

Eg har ikkje funne noki Ingeborg Nilsdotter i FT1801 for Bergen som høver. Eg vil tru ho må vera fødd kring 1775, for i ekteskapet med Jørgen hadde ho seks born, fødde mellom 1803 og 1818, alle i Domkyrkja:

 

* Bertha Marie, fødd 25.9.1803, døydde i Bergen 6.6.1809.

 

* Ingeborg Gjertine, fødd 29.6.1807, døydde i Bergen 17.8.1809.

 

* Ingeborg Gjertine, fødd 27.11.1810, ukjend lagnad - truleg d. i Bergen før 1815(?).

 

* Rolf Jørgen, fødd 22.8.1813, døydde i Bergen 8.8.1888.

 

* Hans Henrik, tvilling, fødd 11.1.1818, døydde i Bergen 17.3.1818.

 

* Jørgen, likeins tvilling, fødd 11.1.1818, døydde i Bergen 30.3.1818.

 

Ved eit par av desse barnefødslene er mori kalla Ingeborg Nilsdotter TVEIT, mellom anna då tvillingane vart døypte i 1818: http://www.arkivverket.no/URN:kb_read?idx_kildeid=8641&uid=ny&idx_side=-55&ls=1&idx_listetype=dp&idx_kjonn=b Eg vil tru ho kanskje var fødd på ein eller annan Tveit-gard, mest truleg i Hordaland, der namnet er ganske so vanleg...

 

Elles er det òg eit mysterium kvar det vart av:

 

* Dotteri Ingeborg Gjertine, fødd 1810. Ho er ikkje nemnd i FT1815, so eg trur ho døydde før, men dato og stad??

 

* Ingeborg Nilsdotter finn eg heller ikkje avlidi. Jørgen Larsson Winjum døydde som gateleggjar i Bergen 14.2.1827, då busett i 10. rode nr. 96, men me veit ikkje om han var enkjemann eller gift...

 

Eg takkar so mykje på førehand for alle gode tips om opphavet til Ingeborg Nilsdotter Tveit og likeins om lagnaden hennar!

 

Med venleg helsing,

 

Lars E. Øyane

Lenke til kommentar
Del på andre sider

Tanken slo meg at kanskje førenamnet ROLF til eldste sonen som Ingeborg og Jørgen fekk i lag, kunne peika på namnet til første mann hennar, og no ser eg følgjande vigsle i OS:

 

Rolf Pederson Lunde og Ingeborg Nilsdotter Tvedt - vigde i Os 18.1.1801 (http://www.arkivverket.no/URN:kb_read?idx_kildeid=11622&idx_id=11622&uid=ny&idx_side=-94).

 

So er spørsmålet: Her me nokon med lokal kunnskap i Os som kan identifisera dette paret og gje oss opplysningar om dei? Er dette "vår" Ingeborg?

 

Her er Rolf Pederson på Lunde i Os i 1801, utan kone: http://digitalarkivet.uib.no/cgi-win/webcens.exe?slag=visbase&sidenr=22&filnamn=f18011243&gardpostnr=118&personpostnr=2021&merk=2021#ovre

 

Ingeborg Nilsdotter ser eg ikkje noko til i Os i 1801...

 

Med venleg helsing,

 

Lars E. Øyane

Lenke til kommentar
Del på andre sider

En Ingeborg Gjertine Jørgensdtr. i "rett" alder (20 år) blir gift i Os 19.april 1829, med Hans Olsen Schaathun Kildeinformasjon: Hordaland fylke, Os, Ministerialbok nr. A 14 (1826-1839), Ekteviede 1829, side 225.

Permanent sidelenke: http://www.arkivverket.no/URN:kb_read?idx_kildeid=11625&idx_id=11625&uid=ny&idx_side=-203

Permanent bildelenke: http://www.arkivverket.no/URN:NBN:no-a1450-kb20070514680300.jpg

 

Ingeborg Gjertine Jørgensdtr. Skaathun døde i 1884. Hun er oppgitt født 1809 i Bergen http://digitalarkivet.no/cgi-win/webcens.exe?slag=visbase&filnamn=gr12411880&personpostnr=124&merk=124

Lenke til kommentar
Del på andre sider

Tanken slo meg at kanskje førenamnet ROLF til eldste sonen som Ingeborg og Jørgen fekk i lag, kunne peika på namnet til første mann hennar, og no ser eg følgjande vigsle i OS:

 

Rolf Pederson Lunde og Ingeborg Nilsdotter Tvedt - vigde i Os 18.1.1801 (http://www.arkivverk...ny&idx_side=-94).

 

So er spørsmålet: Her me nokon med lokal kunnskap i Os som kan identifisera dette paret og gje oss opplysningar om dei? Er dette "vår" Ingeborg?

 

Her er Rolf Pederson på Lunde i Os i 1801, utan kone: http://digitalarkive...&merk=2021#ovre

 

Ingeborg Nilsdotter ser eg ikkje noko til i Os i 1801...

 

Med venleg helsing,

 

Lars E. Øyane

 

 

I bygdesoga for Os finn me dette om den etterspurte Rolf Pederson Lunde (s. 222 i Ossoga band II, Gnr. 45 Lunde, bruk 1):

 

"Peder Rolfson Lunde, f.1744, bygsla bruket etter faren i 1763, men dreiv det saman med han til 1775. G.I 1762 Valborg Nilsdtr. Hjelle, f.1734, d.1786; g.II 1788 Brita Arnesdtr. ytre Haugland, f.1760.

Av 12 born vaks berre 6 upp:

 

Rolf d.e., f.1764, g. 1801 Ingeborg Nilsdtr. Tveit frå Fusa, b. Bergen.

 

Nils, f.1767, g. 1808 Anna Sørstrønen, s. Sørstrønen 3.

 

Peder, f.1777, bygsla halve farsbruket i 1811, s. n. (g. 1810 Anna Størksdtr. ytre Haugland).

 

Arne, f.1795, bygsla halve farsbruket i 1818, s. br. 6.

 

Mons, f. 1800, g. 1822 Agata Olsdtr. Halhjem, s. br. 6.

 

Rolf d.y., f.1803, g. 1837 Helga Olsdtr. Bjørnen, s. Bjørnen 3.

 

Eldste sonen Rolf var sjømann og vart teken med i sjøvernet då ufreden byrja i 1808. Han fall i krigen i 1814, og kona Ingeborg vart buande i Bergen. (Mi utheving).

Peder dreiv med sjøen likeins som fyremennene og sat noko betre i det enn dei. Han var ein vyrd mann i grendi, var jamt lagrettemann og stemnevitne, og svara for heile ålmugen på tinget. Peder døydde i 1818 og kona nokre år seinare."

 

Dette fortel oss då to -2- vesentlege ting, nemleg at:

 

A) Ingeborg Nilsdotter eigentleg kjem frå Tveit i Fusa, opphavet hennar må då søkjast der.

 

B ) I motsetnad til kva Lars trudde, så var altså den same Ingeborg _ikkje_ enkje då ho gifte seg med Jørgen Larsson i 1802, for Rolf Pederson Lunde d.e. døydde ikkje før tolv år seinare (!) då han fall i krigen; jfr. her bygdebøkene for Os. I så fall gjeld ikkje skifteattesten frå 1802 eit dødsfall, men heller eit skilsmål.

 

Slik eg då forstår det må difor Rolf Pederson og Ingeborg Nilsdtr. ha blitt skilde, kan hende skilde ved dom. Kvifor veit eg ikkje - berre utruskap aleine var vel vanlegvis ikkje god nok grunn til skilsmål på den tida, men eg tek kanskje feil?

Det kan sjølvsagt òg vera at bygdebokforfattaren rotar med årstala her, og at Rolf Pederson Lunde faktisk fall _før_ 1814.

 

Her er i alle høve Rolf i FT 1801 for Ous:

 

http://digitalarkive...&merk=2021#ovre

Lenke til kommentar
Del på andre sider

Det ser ut til at Ingeborg Gjertine ble sendt/flyttet til Fusa, her er nok hennes død i 1884: http://digitalarkivet.no/cgi-win/webcens.exe?slag=visbase&filnamn=gr12411880&personpostnr=124&merk=124

 

Ser sånn ut ja, det er kanskje hun som blir konfirmert i 1824, 14 år gammel på Skåtun? Kildeinformasjon: Hordaland fylke, Os, Ministerialbok nr. A 12 (1816-1825), Konfirmerte 1824, side 254.

Permanent sidelenke: http://www.arkivverket.no/URN:kb_read?idx_kildeid=11623&idx_id=11623&uid=ny&idx_side=-159

Permanent bildelenke: http://www.arkivverket.no/URN:NBN:no-a1450-kb20070514680043.jpg

Lenke til kommentar
Del på andre sider

Eg er totalt overvelda - og begeistra! Hjarteleg takk til Lars J., Terje og Siw for mange flotte og nyttige ionnlegg! Ikkje berre er problemet kring opphavet hennar Ingeborg Nilsdotter Tveit løyst, men òg er Ingeborg Gjertine komi til rette! Dette var skikkeleg moro!

 

Ingeborg Gjertine vart tydeleg oppfostra hjå den barnlause mosteri på Skåtun, og med hjelp av Lars J. og Siw (og eit par kyrkjebokoppslag) har eg no dei opplysningane eg treng om dette paret.

 

Det EINASTE eg no saknar er:

 

* Dato og stad for dødsfallet til Ingeborg Nilsdotter f. Tvedt? Kan det tenkjast ho òg er flytt attende til Fusa etter at Jørgen døydde i Bergen?

 

* Og so var det dette med Rolf Pederson Lunde og dødsfallet hans. Eg er overtydd om at Rolf må vera avliden i 1801 eller 1802, og difor fekk yngste halvbroren same førenamnet då han var fødd i 1803. Det var eller ei svært so møysommeleg sak å få skilsmål i dei tider. Det gjekk i beste fall eit par år, so eg trur ikkje på at Rolf var ute i krigen mot svenskane... Dødsfallet hans Rolf er IKKJE registrert i Bergen og truleg heller ikkje på Os, sidan bygdebokskrivaren ikkje har fått det med... Kanskje kom han bort på sjøen?

 

Nok ein gong ein stor takk for hjelpi so langt! Me er nesten i mål!

 

Med venleg helsing,

 

Lars E. Øyane

Lenke til kommentar
Del på andre sider

Ser at Lars Skotten står som far/pårørende. Det var samme karen som "fall frå årane i båten på kyrkjereis til Fusa".

 

Om han står det: Lars Larsson Schaatun (Ruus)

 

1773-1827 (han fall d. frå årane i båten på kyrkjereis til Fusa) Gift 1799 Marta Nilsdtr.Tveit i Strandvik 1763-1832.

Lars skøytte 9/10 1797 og i 1798. Han brukte 1p og 21 mrk.sm. Marta fekk kårbrev 5/5 1828 - born ikkje nemde.

 

 

Kanskje derfor Ingeborg Gjertine ble sendt til tanten og onkelen sin?

 

 

Ja, det var ikkje uvanleg at eitt eller fleire barn vart sendt til oppfostring hos bornlause slektningar. Det vart vel - for å bruka eit moderne uttrykk - ofte sett på som ein 'win-win' situasjon for alle partar.

 

Og elles vil eg leggja til at Siw har funne fram til rett familie og den rette garden Tveit - i Strandvik i Fusa. Det er nemleg ikkje mindre enn åtte ulike matrikulerte Tveitgardar i det gamle Ous prestegjeld, og det kan vera ei utfordring:

- Tveit i Os, Tveit og Tveitarås i Samnanger, Tveit i Fusa, Tveit (med Skomtveit) i Strandvik, og i Hålandsdalen finn du både Tveita og Tveitnes. I tillegg fanst i si tid også husmannsplassen Tveitane under Lyse Kloster hovudgard i Os.

Lenke til kommentar
Del på andre sider

Prøvde det nye søkeverktøyet (beta) og fant denne Rolf Pedersen Lunde: http://beta.digitala...g00000000352602

Hvem kan dette være?

 

Ah, det var Peder Rolfsens sønn: Kildeinformasjon: Hordaland fylke, Os, Ministerialbok nr. A 11 (1789-1815), Kronologisk liste 1804, side 109.

Permanent sidelenke: http://www.arkivverk...y&idx_side=-112

Permanent bildelenke: http://www.arkivverk...70514670794.jpg

 

Jepp, dette er Rolf Pedersen d.y. på Lunde, døypt i Os kyrkje 1. juledag 1803 (25. desember). Merk elles at den eldre halvbroren Niels Pedersen er éin av fadrane ved dåpen. Eg skal elles sjå nøye gjennom KB for Os for 1801/1802 énno ein gong, og sjå om eg finn gravferda til Rolf Pederson Lunde d.e.. Men kanskje Rolf d.e. og kona Ingeborg flytta ut av bygda (til Bergen?) umiddelbart etter bryllupet i januar 1801? Og i så fall vart han nok ikkje gravlagt i Os. Problemet er, som allereie nemnt av Lars, at han ikkje er nemnt i databasen for gravlagte i Bergen. Kan hende han kom vekk på havet og fann ei våt grav??

 

Den 14.de januarii 1801 blei 'uk: Rolf Pedersen Lunde Copul:' med 'p: Ingeborg Nielsdr. Tvedt' i Fusa kyrkje, - og ikkje i Os:

 

http://www.arkivverket.no/URN:kb_read?show=94&uid=74383&urnread_imagesize=full&hode=nei&ls=1&lc=x%259CK%25B42%25B2%25AA.%25B62%25B4R%25CAT%25B2.%25B62%25B5R24432%2502%25B1%2581b%25C5J%25D6%2599V%2596%2526%25D6%25B5%2500%25C8J%2509%25EC

Lenke til kommentar
Del på andre sider

Finner denne Ingeborg Nilsdtr. Storelie (gård i Fusa) død i Os 1836: http://www.arkivverk...&uid=73854&js=j

 

Klarer ikke helt å tyde hva som står foran navnet, men noe med ___enke?

 

Det var bom. Ser ut til at dette er Ingeborg Nilsdtr. Gjerdevik, datter av Nils Hage:Kildeinformasjon: Hordaland fylke, Os, Ministerialbok nr. A 12 (1816-1825), Ekteviede 1825, side 208.

Permanent sidelenke: http://www.arkivverk...y&idx_side=-137

Permanent bildelenke: http://www.arkivverk...70514680021.jpg

 

 

Nei, begravelsen til Ingeborg er ikke lett å finne, og mest sannsynlig døde hun i Bergen?

 

Lars: Hvor fant du begravelsen til Jørgen i 1827?

 

 

Ingeborg Nielsdr. Store Lie var "grbr. Enke" - det er dét det står framom namnet hennar.

Lenke til kommentar
Del på andre sider

Hjarteleg takk til Terje og Siw for nye spennande innlegg om denne huslyden.

 

Dødsfallet hennar Ingeborg Nilsdotter står altso framleis som ei gåte. Eg har kikka litt på barnedåpane til dotteri i Fusa, men ingen stader ser eg bestemori nemnd som faddar. Merknaden til Siw om at ho skal vera avlidi i Bergen i 1820, høyrest jo spennande ut, men kvar er ho? Ho gøymer seg i so fall godt...

 

Med venleg helsing,

 

Lars E. Øyane

Lenke til kommentar
Del på andre sider

Nå har jeg funnet frem den aktuelle siden igjen, og det som står er:

 

f) Ingeborg f.1775, g. I 1800 Rolf Pedersen Lunde i Os, g.II Jørgen Larsen (Bergen 1820).

 

Det betyr kanskje at hun dør i Bergen i 1820?

 

 

Ja, dersom dette står i bygdebøkene for Fusa, så kan dét tyda på at bygdebokforfattaren Olav B. Skaathun - eller genealogen Johannes Sundvor før han - fann ei opplysning; til dømes i éitt eller anna skifte, som til no er ukjent for oss/ vi har oversett. Men bygdebokforfattar Lars E. Øyane vil helst ha eksakt dato òg, han plar ikkje nøya seg med berre årstalet :)

Lenke til kommentar
Del på andre sider

Ja, dersom dette står i bygdebøkene for Fusa, så kan dét tyda på at bygdebokforfattaren Olav B. Skaathun - eller genealogen Johannes Sundvor før han - fann ei opplysning; til dømes i éitt eller anna skifte, som til no er ukjent for oss/ vi har oversett. Men bygdebokforfattar Lars E. Øyane vil helst ha eksakt dato òg, han plar ikkje nøya seg med berre årstalet :)

 

 

.... Men det er for såvidt like truleg at årstalet '1820' er ein trykkfeil for år 1802 (bygdebøkene for Fusa har mange slike feil), og om dét er rett, så syner årstalet 1802 til året dette paret gifte seg.

Lenke til kommentar
Del på andre sider

.... Men det er for såvidt like truleg at årstalet '1820' er ein trykkfeil for år 1802 (bygdebøkene for Fusa har mange slike feil), og om dét er rett, så syner årstalet 1802 til året dette paret gifte seg.

 

 

Her er skiftet i buet etter tamburen Jørgen Larsen:

- Det vart halde den 24.de Marti 1827 i Bergen by, og er oppgjort av herrane Olsen, Ejlertsen og Thrap. Skiftet syner tydeleg at både enkja Ingeborg Nielsdtr. og borna deira, Ingeborg Giertine og Rolf Jørgen levde då mannen/ faren døydde, og at dei alle tre var arvingane hans:

 

http://arkivverket.n...ize=full&mode=0

 

Nr. 16 - Slutning i skiftet etter Tambour Jørgen Larsen den 24.de Marti 1827. (Folio 12 i Skifteprotokoll C 8a, 1826 - 1845; Bergen by, Bergen fylke).

 

Skiftet syner at summen av utgiftene nesten oversteig summen av midler/ eigendelar i buet:

 

"Summa Boets Udgift - 179 Spd (Spesiedaler) 18 Sk (skilling).

 

Summa fradragis Boets Formue - 206 Spd. 35 Sk.

 

Boets beholdning er: - 27 Spd. 17 Sk., hvoraf først udlægges til Enken Ingeborg Nielsdtr. for Begravelsens Vederlag - 20 Spd.

 

Igien til fordeling 7 Spd. 17 Sk., hvoraf tilfaldes Enken sin halvdeel, 3 Spd. 68 ½ Sk.

 

Den anden halvdeel tilfalder Børnene, saaledes:

 

Sønnen Rolf Jørgen Larsen, 13 Aar, 2 Spd. 45 ⅔ Sk .

 

Dtr. Ingeborg Giertine Larsen, 14 Aar, 1 Spd. 22 ⅚ Sk."

 

I tillegg kjem då ei rekkje kreditorar av ymse slag som skulle ha - og også fekk - sitt. Vi ser her at alderen på dottera Ingeborg Giertine ikkje er heilt rett, ho var vel helst to år eldre då faren døydde. Men mor deira, Ingeborg Nielsdtr.; lever og begge borna bur hjå henne.

 

Ingeborg Giertine (og kanskje også broren Rolf Jørgen?) vart - som vi veit - konfirmert i Fusa, der ho vaks opp hos mora si søster og hennar mann, eit bornlaust par i følgje Fusasoga. Og kanskje er det slik at Ingeborg Nielsdtr. døyr ikkje så lenge etter mannen sin, eller at ho er så fattig at ho sender borna frå seg til oppfostring hjå andre allereie same året?

 

Det var i alle høve ikkje store arven borna fekk etter sin tamburspelande far, Jørgen frå Winjum. Merk elles at i skiftet etter Jørgen Larsen så har borna fått slektsnamnet 'Larsen', dei vert ikkje kalla Jørgensen/ Jørgensdtr., slik ein kanskje kunne ha venta.

Lenke til kommentar
Del på andre sider

Hjarteleg takk til Siw og Terje for nye spennande innlegg! Som alt nemnt i eit anna tema, er skiftet etter Jørgen Larsen svært spennande og fortel oss at Ingeborg Nilsdotter levde att som enkje i 1827.

 

Eg har no blatt igjennom kyrkjebøkene (avlidne) for Os (med Fusa) frå 1827 til 1850 og finn fleire Ingeborg Nilsdøtrer, men berre TO som høver i alder:

 

* Ingeborg Nilsdotter Aadland, kårkone, 75 år, døydde i Fusa (Os) 16.6.1849 (http://www.arkivverket.no/URN:kb_read?idx_kildeid=11626&idx_id=11626&uid=ny&idx_side=-307)

 

* Ingeborg Nilsdotter Skeie, kårkone, 75 år, døydde i Os (Os) 23.3.1850 (http://www.arkivverket.no/URN:kb_read?idx_kildeid=11626&idx_id=11626&uid=ny&idx_side=-309)

 

Kan det vera ei av desse??

 

Med venleg helsing,

 

Lars E. Øyane

Lenke til kommentar
Del på andre sider

Hjarteleg takk til Siw og Terje for nye spennande innlegg! Som alt nemnt i eit anna tema, er skiftet etter Jørgen Larsen svært spennande og fortel oss at Ingeborg Nilsdotter levde att som enkje i 1827.

 

Eg har no blatt igjennom kyrkjebøkene (avlidne) for Os (med Fusa) frå 1827 til 1850 og finn fleire Ingeborg Nilsdøtrer, men berre TO som høver i alder:

 

* Ingeborg Nilsdotter Aadland, kårkone, 75 år, døydde i Fusa (Os) 16.6.1849 (http://www.arkivverk...y&idx_side=-307)

 

* Ingeborg Nilsdotter Skeie, kårkone, 75 år, døydde i Os (Os) 23.3.1850 (http://www.arkivverk...y&idx_side=-309)

 

Kan det vera ei av desse??

 

Med venleg helsing,

 

Lars E. Øyane

 

- Takk for god tilbakemelding, Lars. Det er alltid hyggeleg å kunna hjelpa :)

 

Eg trur ikkje nokon av dei to Ingeborgene du fann i Os og Fusa er ho du leitar etter. Kårkona Ingeborg Nilsdtr.Skeie i Os var fødd og oppvaksen på ytre Drange i Os i 1772, så ho var helst litt eldre enn den oppførte alderen i kyrkjeboka ved gravferda hennar 1850. Ho vart gift med jamngamle enkjemannen og gardbrukaren Ola Hansson Skeie i 1803, og dei fekk tre born saman. Ola Hansson Skeie døydde i 1842.

 

Når det gjeld Ingeborg Nilsdtr. på Ådland i Fusa, så har eg ikkje Fusasoga for handa, men eg har ein gong notert meg at det var ei Ingeborg på Ådland, gift med Nils Olson. Men - ho var ei Haldorsdtr.; nemleg dotter av Haldor Johannesson Nordvik frå Samnanger, som var fødd og oppvaksen på Lønningdal i Os i 1768. Eg er usikker på kven Ingeborg Nilsdtr. på Ådland i Fusa er, men ho kan i alle høve ikkje vera identisk med Ingeborg Haldorsdotter.

 

Men så er det dét då, at gardsnamnet Ådland finst både i Fusa og i Samnanger, så her må vi ta atterhald om at bygdebokskrivaren i Os har 'sausa saman' to ulike Ingeborg på to ulike gardar til éi dame.

Kanskje Siw kan gjera nokre avklarande oppslag i bygdesoga for Fusa?

Lenke til kommentar
Del på andre sider

Gode tips!

 

Dessverre, den eneste Ingeborg Nilsdatter jeg finner på Aadland er denne:

John Isakson Aadland 1772-1819

 

Skøytte 9/10 1789 og var brukar til 1819, g.1789 Ingeborg Nilsdtr. Matland, 1772-1849 (5 born) (Ho g.II i 1820 med Ole Olson Sandvig, frå plasset Ospevoll (på Aadland)

 

Da kan vi med rette anta at dette er den Ingeborg Aadland som begraves fra Fusa i 1849, og hun kan ikke være identisk med Jørgen Larsens enke.

 

Det har du nok heilt rett i :)

Lenke til kommentar
Del på andre sider

Har gjort meg noen tanker etter å ha lest gjennom tråden på nytt. Ser at ved Jørgens begravelse i domkirken står han oppført med bosted 10.rode husnr.96., senere Nøstegaten 2A. Hele Nøstegaten var Bergens svar på Reperbahn på 1800-tallet. Her lå kneiper og bordeller ganske tett, så det var litt av et strøk!

Var det her han opererte som tambur, eller var det i militæret? Han etterlot seg ikke mye arv, Jørgen, og han døde på St.Jacobs hospital.

 

Vet og at det var en lepra-epidemi på vestlandet i årene i og rundt 1830...kan de ha blitt smittet og dødd begge to? Eller levde Ingeborg videre i Bergen/Nøstegaten som fattig, og sendte barna til Fusa? St.Jacobs hospital/sykehus er ikke tilgjengelig for søk fra 1827 - så vi finner vel ikke Jørgens dødsårsak.

 

Vet ikke om vi blir så mye klokere av dette, men det er da merkelig at vi ikke finner henne død noe sted.

Kan hun ha kalt seg Ingeborg Larsen, Ingeborg Tveit, eller noe annet?

 

- Hei igjen, han var mest truleg tilsett som tambur i militæret, dvs. underordna kommandanten på Bergenhus. Jørgen Larsen var vel først innrullert som 'musqveter', seinare som 'tambour'. Men - som vi har sett - Jørgen hadde òg yrket 'bordarbeidsmand' i det sivile, og det tyder helst på at Jørgen ikkje vart rik av å berre vera tambur/ militær trommeslagar. (Det kan difor godt henda at han var spelemann på fritida òg).

 

Og som du Siw er inne på så kan det godt henda at den gode Jørgen drakk opp mesteparten av det han tente på ymse vertshus, kneiper og bordell, i alle fall så vart det ikkje så mykje han etterlet seg til borna; jfr. skiftet ovanfor.

 

Ja, Nøstet- og Nøstegaten var definitivt eitt av dei meir berykta strøka i Bergen på den tida. Og etter mi meining har Nøstet framleis eit noko frynsete rykte, - for TV2 har jo kontor der no :)

Lenke til kommentar
Del på andre sider

Hva står nederst på høyre side i denne panteboken fra 1827?

 

Kildeinformasjon: Protokollnummer: II.B.a.28, Sted: Bergen by, Oppbevaringssted: SAB

Merknader:

Permanent bildelenke: http://www.arkivverk...70502190026.jpg

Permanent sidelenke: http://www.arkivverk...ny&idx_side=-25

 

 

Eg tolkar den første linja som "Ingeborg Nielsens huuse, 3 Rode No. 68. (Innførsel #) 269"

 

Neste setning greier eg ikkje tyda, det vert ikkje lettare av at den er overstreka! (Sjølv om eg naturlegvis forstår at innførselen er overstreka fordi merknaden/ pantet er sletta).

 

Merknaden her er frå 1827, javel - men, er det 'rett' Ingeborg? Er ikkje dette 'feil' rode??

Lenke til kommentar
Del på andre sider

Hjarteleg takk til Terje og Siw for nye interessante innlegg og kommentarar. Det skal tydeleg ikkje vera so enkelt å finna ut kvar det vart av Ingeborg. Eg er tom for idéar, men kanskje ein eller annan kjem med ein "glup" tanke...?

 

Om ryktet til Nøstet har eg ikkje stort å seia. Eg veit TV2 held til der nede, men den kanalen har eg vel nesten aldri vore innom; eg har forresten knapt sett norsk TV etter innføringi av dekodar-systemet for nokre år sidan. Og kvaliteten på programmi er vel neppe vorte betre med åri...

 

Med venleg helsing,

 

Lars E. Øyane

Lenke til kommentar
Del på andre sider

Om ryktet til Nøstet har eg ikkje stort å seia. Eg veit TV2 held til der nede, men den kanalen har eg vel nesten aldri vore innom; eg har forresten knapt sett norsk TV etter innføringi av dekodar-systemet for nokre år sidan. Og kvaliteten på programmi er vel neppe vorte betre med åri...

 

Det har du aldeles rett i, Lars :) Miljøet på Nøstet er nok vedvarande lugubert -.

 

Men til ei anna (og meir seriøs) sak: Skiftet etter salig Jørgen Larsen, attgjeve i innlegg # 26 her i denne tråden, viser oss svart på kvitt at begge Jørgen sine søner frå 1. ekteskapet hans, dvs. Hans Henrich og Giert Christian; må vera avlidne før faren, for elles hadde dei vore nemnt i skiftet etter Jørgen - og dét er dei jo ikkje.

Lenke til kommentar
Del på andre sider

.

 

Men til ei anna (og meir seriøs) sak: Skiftet etter salig Jørgen Larsen, attgjeve i innlegg # 26 her i denne tråden, viser oss svart på kvitt at begge Jørgen sine søner frå 1. ekteskapet hans, dvs. Hans Henrich og Giert Christian; må vera avlidne før faren, for elles hadde dei vore nemnt i skiftet etter Jørgen - og dét er dei jo ikkje.

 

.... Eller meir presist sagt, ingen av dei to gutane frå det første ekteskapet overlevde far sin, men - begge to levde opp og vart konfirmerte i sekstenårsalderen i Domkirken i Bergen, høvesvis då i åra 1806 og i 1810. Og den eldste, Hans Henrich, var - som Lars fann ut i eit ordskifte i ein tråd i det gamle debattforaet ei tid sjømann (matros). Han sat då om lag seksten månader som prisemannskap i England under Napoleonskrigen, dvs. som krigsfange; frå oktober 1809 til mars 1811, då han vart sett fri, og kunne venda heimatt.

Lenke til kommentar
Del på andre sider

En annen ting jeg kom til å tenke på; Når Ingeborg Giertine i 1829 døper sin datter Ingeborg....er det da rimelig å anta at Ingeborg d.e. allerede er død?

 

- Om Ingeborg d.e. var død i 1829?

Kanskje, men slett ikkje nødvendigvis. Det er vel heller slik at ein var nøye med oppattkalling av mormor- og farmor - uansett om ho var i live eller ikkje. Men, dei døde fekk nok høgare 'prioritet' enn dei levande på lista over kjente og kjære som skulle oppattkallast. Eg kan elles fortelja at bror hennar, Rolf Jørgen Jørgensen, ikkje vart konfirmert i Os eller Fusa.

 

- Om Ingeborg d.e. var død i 1829?

Kanskje, men slett ikkje nødvendigvis. Det er vel heller slik at ein var nøye med oppattkalling av mormor- og farmor - uansett om ho var i live eller ikkje. Men, dei døde fekk nok høgare 'prioritet' enn dei levande på lista over kjente og kjære som skulle oppattkallast. Eg kan elles fortelja at bror hennar, Rolf Jørgen Jørgensen, ikkje vart konfirmert i Os eller Fusa.

 

Ei heilt anna sak med omsyn til dåp er at namna på fadrane av og til kan gje oss verdfulle hint og vink, men akkurat det veit vi jo alle.

Lenke til kommentar
Del på andre sider

Her er konfirmasjonen til Rolf Jørgen Jørgensen i Domkirken 26.april 1829:

 

Kildeinformasjon: Bergen fylke, Domkirken, Klokkerbok nr. A 2 (1821-1839), Konfirmerte 1829, side 359.

Permanent sidelenke: http://www.arkivverk...ny&idx_side=-75

Permanent bildelenke: http://www.arkivverk...70307640564.jpg

 

 

Confirmantens fulde navn. - Rolf Jørgen Jørgensen

Alder. 15 1/2

Fødested. - Bergen

Forældre. - Jørgen Larsen og Ingebor Nielsdatter

Christendoms kundskab og Flid m.v. - I begge henseender: Ligelædes (Upaaklagelig)

Lenke til kommentar
Del på andre sider

Klokken er seint (så seint at jeg glemte å poste....), og jeg kanskje er helt ute på jordet....

 

Et barn til?

lenke

lenke

 

Og hvilket er det ægte barnet i teksten?

 

Jeg klarer ikke av å lese anm. her:

lenke

 

Men ser ut til å ha bodd i Lindås:

lenke

lenke

 

Familie Gjerde:

lenke

lenke

lenke (han er gift)

 

lenke

lenke

Lenke til kommentar
Del på andre sider

  • 2 år senere...

Join the conversation

Du kan poste nå og registrere deg senere. If you have an account, sign in now to post with your account.

Gjest
Skriv svar til emnet...

×   Du har limt inn tekst med formatering.   Fjern formatering

  Only 75 emoji are allowed.

×   Lenken din har blitt bygget inn på siden automatisk.   Vis som en ordinær lenke i stedet

×   Ditt forrige innhold har blitt gjenopprettet .   Tøm tekstverktøy

×   You cannot paste images directly. Upload or insert images from URL.

 Del

  • Hvem er aktive   0 medlemmer

    • Ingen innloggede medlemmer aktive
×
×
  • Opprett ny...

Viktig Informasjon

Arkivverket bruker cookies (informasjonskapsler) på sine nettsider for å levere en bedre tjeneste. De brukes til bl.a. skjemaoppdateringer og innlogging. Bruk siden som normalt, eller lukk informasjonsboksen for å akseptere bruk av cookies.