Kari Johnsdotter - fødd Hafslo 1770 - tente 1801 i øvre Amla i Sogndal - kvar vart det av ho?

[Lars E. Øyane]

Kari Johnsdotter vart fødd på garden Mo i Hafslo og døypt der 16.4.1770 (http://www.arkivverket.no/URN:kb_read?idx_kildeid=1992&idx_id=1992&uid=ny&idx_side=-59). Foreldri John Knutson og Gjertrud Johannesdotter vart sidan strandsitjarar i Sogndalsfjøra i Sogndal!

 

FT1801 for Sogndal syner at Kari Johnsdotter, då 31 år gamal, var ugift tenestejente hjå proprietær Michael Falch på øvre Amla, Kaupanger sokn (http://digitalarkivet.no/cgi-win/WebCens.exe?slag=visbase&sidenr=26&filnamn=f1801&gardpostnr=41181&personpostnr=597054#nedre).

 

Etter dette vert Kari borte frå Sogndal. Eg finn ho korkje gift eller avlidi i Sogndal!

 

Kari hadde berre ei søster som voks opp:

 

Siri (Sigrid) Johnsdotter, døypt i Sogndal 25.9.1774. Denne Siri er heller ikkje gift eller avlidi i Sogndal!

 

Kvar kan dei to søstrene ha vortne av?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

 

 

[Lars E. Øyane]

No har eg funne att Siri (Sigrid) Johnsdotter! Ho gifte seg i Sogndal 2.7.1795 med ein Jacob Jacobson frå Hagen under Kaupanger, og dei busette seg i Hagen der Jacob døydde i 1826. Siri ølevde framleis i 1833, men dødsfallet hennar er ikkje å sjå i Sogndal!

 

Kari Johnsdotter er framleis som "sokki i jordi"...

 

Med venleg helsing,

 

Lars E. Øyane

[Lars E. Øyane]

Eg har oppdaga at Kari Johnsdotter hadde ein "uekte" son:

 

Johannes Larsson, døypt i Sogndal 23.3.1795 (http://www.arkivverket.no/URN:kb_read?idx_kildeid=11657&idx_id=11657&uid=ny&idx_side=-181).

 

Denne Johannes Larsson budde 1801 hjå bestemori Gjertrud Johannesdotter i Sogndalsfjøra i Sogndal, men liksom mori forsvinn, ser me heller ikkje noko meir til sonen i Sogndal.

 

Kanskje sonen flytte bort (i ung vaksen alder) og tok mori med seg?

 

Med venleg helsing,

 

Lars E. Øyane