Christopher Munthe Adamson Reutz, fødd i Hafslo 1766 - budde i Hafslo 1785 - døydde før 1824 - lagnaden hans?

[Lars E. Øyane]

Christopher Munthe Adamson Reutz, fødd på Mo gard i Hafslo og døypt der 18.5.1766, var son av storbonden Adam Hansson Reutz (1720-1792) og kona Karen "Cassie" Munthe Clausdotter Rumohr (1736-1824). Christopher vart konfirmert i 1782 og er nemnd som fadder i 1785, og det er siste gongen eg har funne han nemnd.

 

Då faren døydde i 1792, vart enkja sitjande i uskifte, og born er ikkje nemnde.

 

Eg finn ingen Christopher som høver i FT1801 nokon stad i landet.

 

Eg finn ingen Christopher som høver i dødsfallsbasen for Sogn og Fjordane.

 

Eg finn ingen Christopher som høver i dødsfallsbasen for Bergen til 1815.

 

Då mori døydde i 1824, er Christopher ikkje nemnd i skiftet, so han må vera avliden før mori, utan å etterlata seg born.

 

Ei ættetavle på FamilySearch påstår at Christopher Munthe Adamson Reutz skal vera avliden i 1814, men har ingen nærare kjelder for dette!

 

Kanskje reiste Christopher frå bygdi som ung soldat? Men er det mogeleg å finna ut kva lagnad han fekk?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Grethe Flood]

Er dette en søster av Christopher? http://digitalarkivet.no/cgi-win/webcens.exe?slag=visbase&sidenr=9&filnamn=f18011425&gardpostnr=59&personpostnr=1513&merk=1513#ovre.

 

Hun heter Marie Adamsdatter Reutz og har en sønn Christopher - mulig oppkalling etter onkel?

[Grethe Flood]

Her er giftermålet til Anna Marie Adamsdatter Reutz, datter av Adam Reutz:

http://digitalarkivet.no/cgi-win/webcens.exe?slag=visbase&sidenr=16&filnamn=HAFSVI&gardpostnr=1101&merk=1101#ovre

[Lars E. Øyane]

Hjarteleg takk til Grethe for nye innlegg!

 

Adam Reutz og kona fekk i alt tretten born, og fleire av dei hadde òg store barneflokkar! Christopher var sjølv oppkalla etter oldebesten sin, og eg ser at namnet kjem att i heile søskenflokken, men først etter at dei næraste (besteforeldri) er "oppbrugte" som oppkallingsobjekt...

 

Første gongen Christopher-namnet kjem i oppkalling er forresten i 1798. So kom det nok ein gong i 1799 (sjå innlegget ditt, Grethe) og sidan i 1805, 1808 og 1809. Etter dette kunne ein vera frista til å tru at Christopher døydde kring 1797...?

 

Det var forresten skifte etter ei barnlaus søster, Metta Dorthea Adamsdotter, i 1814 på Talle i Luster (http://arkivverket.no/URN:sk_read/24147/89/), og der er heller ikkje Christopher nemnd!

 

Med venleg helsing,

 

Lars E. Øyane