Bertina "Berteen" eller "Tena" Peterson Read(d)y - fødd i Columbia Co., WI 1874 - gift og skild - men kven var mann hennar?

[Lars E. Øyane]

Eg slit med ein nøtt frå Wisconsin eller Minnesota som eg ønskjer å dela med andre. Kanskje ein eller anna "ser" ei løysing i det fjerne?

 

Ole Pederson (1829-1903) og Kari Johannesdotter (1831-1915) utvandra i 1862 frå Mo i Hafslo til Columbia Co., WI der dei framleis budde i 1900 (http://search.ancestry.com/iexec?htx=View&r=an&dbid=7602&iid=004120620_00931&fn=Ole&ln=Peterson&st=r&ssrc=&pid=73555616), då hjå dotteri Annie Maynard, som hadde teke over farmen. Ole og Kari fekk mange born, og eg har spora dei alle, men eine dotteri har skapt vanskar for meg:

 

* Bertina, kjend som Berteen eller Tena, Peterson, fødd i Columbia Co., WI 9.3.1874.

 

I 1904, ved arveoppgjøret etter faren Ole, er ho nemnd som Tena Peterson busett i Minneapolis, Hennepin Co., MN

 

Eg finn ho ikkje korkje i FT1905 eller i FT1910

 

Ved FT1920 bur ho hjå broren James i Minneapolis, Hennepin Co., MN og er då nemnd Berteen Ready, machine operator in dry goods store, utan ektestatus, men rimeligvis skild(?) (http://search.ancestry.com/iexec?htx=View&r=an&dbid=6061&iid=4312183-00255&fn=Bertun&ln=Ready&st=r&ssrc=&pid=45111709). Bertina er IKKJE hjå bror sin korkje i 1900, 1905, 1910 eller 1930!

 

Ein referanse frå 1930 (eg finn ho ikkje att i FT1930) seier at Bertha Readdy, widowed, var "operator of a wholesale m...." og busett i Minneapolis, Hennepin Co., MN

 

Ein referanse frå 1937 nemner ho under namnet Berteen Readdy, busett i San Francisco, CA

 

Ved FT1940 bur ho åleine i Lodi, Columbia Co., WI, då som skild under namnet Verteen Readdy (http://interactive.ancestry.com/2442/m-t0627-04466-00370/76108436?backurl=http%3a%2f%2fsearch.ancestry.com%2fcgi-bin%2fsse.dll%3fdb%3d1940usfedcen%26h%3d76108436%26indiv%3dtry%26o_vc%3dRecord%253aOtherRecord%26rhSource%3d6061&ssrc=&backlabel=ReturnRecord) - her står det òg at ho i 1935 var busett i San Francisco, CA

 

Frå 1934 finst ho regelmessig innført som "machine operator" i San Francisco, CA city directories, men eg har gløymt å merka meg skrivemåten av namnet hennar.

 

So skal ho vera avlidi i Sebastopol, Sonoma Co., CA 4.4.1960, men denne dødsfallsinnførsli finn eg i dag heller ikkje att.

 

Eg har følgjande spørsmål som eg vonar å få hjelp til å løysa:

 

* Er det mogeleg å finna Bertina i FT1900, FT1905, FT1910 og FT1930?

 

* Alle opplysningar om ekteskapet hennar - og om mann hennar - vil vera av stor interesse!?

 

* Kan nokon hjelpa meg med å finna att dødsfallet hennar i California?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Lars E. Øyane]

Etter fantastisk innsats av fleire bidragsytarar på NORWAY-lista i USA er dette problemet no nesten heilt løyst! Berteen Peterson gifte seg i San Francisco, CA i 1912 med Richard Readdy frå St. Paul, MN. Dei vart skilde etter få år!

 

Ogso spørsmålet om dødsfallet hennar synest finna ei snarleg løysing.

 

Med venleg helsing,

 

Lars E. Øyane