LØYST: Johannes Johannesson Hillestad, fødd Hafslo 1796, furér i Bergen 1823 - kvar vart det av han etter den tid? - Nordland?

[Lars E. Øyane]

Johannes Johannesson Hillestad, yngste son av gardbrukar Johannes Nilsson Hillestad i Hafslo (1751-1803) og kona Gjertrud Gjestsdotter f. Gurvin i Sogndal (1756-1813), vart døypt i Hafslo 12.6.1796 og vart konfirmert i Hafslo i 1811. So forsvinn han frå bygdi!

 

Eg er ganske so sikker på at eg har funne mannen att i Bergen, for han er nok den furéren Johannes Johannsson Hillestad som her er barnefar i Krosskyrkja i 1823 (http://www.arkivverket.no/URN:kb_read?idx_kildeid=8684&idx_id=8684&uid=ny&idx_side=-152):

 

Johanne Marie, fødd 8.2.1823, døypt 9.3.1823 av ungkar og furér Johannes Johannesson Hillestad i 16-64 og "pige" Ane Sophie Torstensdotter i 22-61.

 

Dette er nok barnemori, Anne Sophie Torstensdotter, døypt i Domkyrkja i Bergen 3.7.1803 av foreldri Torsten Torstenson og Borni Olsdotter: http://digitalarkivet.no/cgi-win/webcens.exe?slag=visbase&sidenr=157&filnamn=dp12011668&gardpostnr=31391&personpostnr=92417&merk=92417#ovre

 

Og her er ho gift i Domkyrkja 2.5.1830 med smedsvein Erik Christian Hoff, 28, frå Tysnes: http://digitalarkivet.no/cgi-win/webcens.exe?slag=visbase&sidenr=169&filnamn=vigd1816&gardpostnr=783&merk=783#ovre

 

Men kan nokon fortelja meg kvar det vart av Johannes Johannesson Hillestad?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Lars E. Øyane]

Eg er redd for at dette problemet skal gå i "gløymeboki", so eg tillet meg i dag å henta det fram att. Eller er denne Johannes heilt umogeleg å finna att?

 

Den gamle bygdeboki for Hafslo av Jon Laberg (1926) meiner denne Johannes døydde ugift, men eg trur forfattaren der har blanda med ein brorson som var nesten jamngamal med Johannes Johannesson, ein Johannes Nilsson Hillestad. Han døydde ugift i vaksen alder i Hafslo.

 

Eg held fingeri krossa med von om at nokon greier løysa denne floken...

 

Med venleg helsing,

 

Lars E. Øyane

[Berit Knudsen]

Ser ut som om JOhannes kalte seg Johannes Hillestad.

Datteren døde allerede samme år som hun ble født. http://digitalarkivet.no/cgi-win/webcens.exe?slag=visbase&sidenr=27&filnamn=1301begr&gardpostnr=11077&merk=11077#ovre

[Lars E. Øyane]

Hjartekeg takk til Berit for interessant og nyttig svar!

 

Då har Johannes med andre ord ingen kjende etterkomarar, men kanskje det burde vera mogeleg å finna ut noko meir frå militære rullar? Eg vil freista eit spørsmål i Arkivforum!

 

Eg vonar framleis på at Johannes til sist vert funnen...!

 

Med venleg helsing,

 

Lars E. Øyane

[Lars E. Øyane]

So er det kome svar frå Statsarkivet i Bergen, og diverre fekk eg det svaret eg forsovidt hadde venta, og frykta...; det finst ikkje militære kjelder der som kan hjelpa oss vidare, so då vert det å leita etter "nåli i høystakken". Johannes er jo tydeleg ikkje avliden i Bergen, og ikkje kom han attende til Hafslo, so då...? Kan han ha hamna i NORDLAND?

 

Alle gode tips er framleis hjarteleg velkomne!

 

Med venleg helsing,

 

Lars E. Øyane

[Sven Hjortland]

http://digitalarkivet.no/cgi-win/webcens.exe?slag=visbase&filnamn=f61421&personpostnr=1486&merk=1486

 

Er denne sjekket ut?

[Lars E. Øyane]

Hjarteleg takk til Sven for eit skikkeleg spennande innlegg!

 

Nei, denne Johannes Hillestad som i 1865 var privat skulelærar og busett på Ytre Lid i Aurland er IKKJE sjekka ut. Fødstaden hans er rett nok oppgjeven som Aurland, men det finst ikkje noko gard Hillestad i Aurland, og alderen ligg ikje so langt unna "vår" Johannes, so dette er ein person som so absolutt bør sjekkast nærare!

 

Dødsfalli for Aurland hovudsokn for perioden frå 1865 til 1880 er ikkje innlagde i basen for avlidne i Sogn og Fjordane, og nett no har eg vanskar med å komma inn på kyrkjebøkene hjå Digitalarkivet, so vidare leiting lyt venta...

 

Men nok ein gong ein stor takk for tipset, Sven!

 

Med venleg helsing,

 

Lars E. Øyane

[Lars E. Øyane]

So har meddebattant Sven Hjortland løyst dette problemet! Johannes Hillestad flytte frå Bergen til Aurland og døydde der ugift 18.1.1878. Hjarteleg takk, Sven!

 

Med venleg helsing,

 

Lars E. Øyane