Anders Andersson Bagstad frå Romedal (1847-1935) - til Amerika i 1870 - opphavet hans? - kvar budde foreldri hans?

[Lars E. Øyane]

Ifølgje kyrkjeboki for Vallset (Tomter) sokn i Romedal, utvandra Anders Andersson Storhofseiget, fødd 19.6.1847, til Amerika i 1870 (http://www.arkivverket.no/URN:kb_read?idx_kildeid=6028&idx_id=6028&uid=ny&idx_side=-283).

 

Denne Anders var son av husmann Anders Anstenson og kona Anna Pedersdotter i Storhofseiget (http://www.arkivverket.no/URN:kb_read?idx_kildeid=8850&idx_id=8850&uid=ny&idx_side=-9).

 

Anders og Anna gifte seg i Romedal 1.9.1841, og her går det fram at Anders var frå Helgåsen, medan Anna var frå Forberget (http://www.arkivverket.no/URN:kb_read?idx_kildeid=9111&idx_id=9111&uid=ny&idx_side=-208).

 

I 1865 budde denne huslyden på plassen Brænden nedre, som visstnok var plass under Opsal i Romedal (http://www.rhd.uit.no/folketellinger/ftliste.aspx?ft=1865&knr=0416&kenr=008&bnr=0014&lnr=000).

 

So vidt eg kan tolka dette, var Anders Andersson fødd i Storhofseiget, men voks opp i Opsaleiget på plassen Brænden nedre.

 

MEN, i Amerika tok Anders namnet ANDREW A. BAGSTAD! Eg ser det finst òg ein gard Bakstad i Romedal, men eg kan ikkje sjå at denne huslyden hadde noki tilknytting til den garden.

 

Er det nokon med lokal kunnskap om Romedal og ætter derifrå som kan oppklara dette for meg? Finst det ei logisk forklaring på ættenamnet BAGSTAD i Amerika?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Tony A. Ingebrigtsen]

Bakstad, Oppsal og Storhov er nabogårder i Vallset, og de ligger ikke så langt unna Tangen. Forklaringen er antakelig den at Anders har vært i tjeneste på Bakstad rett før han dro til Amerika.

[Lars E. Øyane]

Hjarteleg takk til Tony for interessant innlegg. Forklaringi di høyrest rimeleg ut, men eg har oppdaga at ogso FORELDRI nytta Bagstad-namnet etter at dei utvandra til Amerika. So eg stusser...

 

Med venleg helsing,

 

Lars E. Øyane