Britha (1721), Synneva (1724) og Nils (1726) Eriksdøtrer og son - frå Tverberg i Hafslo - utflytte til Gulen eller Solund?

[Lars E. Øyane]

Erik Augundson (1687-1729) og kona Ragnhild Nilsdotter (1691-1750) var husmannsfolk på Tverberg under Hillestad i Hafslo i Sogn. Dei fekk fire born i lag. Yngste sonen Erik Erikson (1729-1762) vart buande i Hafslo, men dei tre eldste berre "forsvinn":

 

* Britha Eriksdotter, døypt i Hafslo 8.11.1721.

 

* Synneva Eriksdotter, døypt i Hafslo 9.3.1724.

 

* Nils Erikson, døypt i Hafslo 15.9.1726.

 

Det var ein del flytting frå indre Sogn til Bergen på 1700-talet, men det var mykje meir flytting tover Sogneforden, særleg til Gulen og Solund, og eg lurer på om ikkje desse søskeni kan ha teke vegen dit?

 

Når eg no skriv dette, er kyrkjebøkene ikkje tilgjengelege på Digitalarkivet, men FamilySearh syner t.d. berre to realistiske alternativ i Sogn for Synneva Eriksdotter, fødd 1724:

 

* Synneva Eriksdotter gift i Lærdal 8.12.1743 med ein Thomas Olson

 

* Synneva Eriksdotter gift i GULEN 20.5.1762 med Villum Hansson

 

Eg takkar so mykje på førehand for alle gode tips når det gjeld å spora opp desse søskeni!

 

Med venleg helsing,

 

Lars E. Øyane

[Lars E. Øyane]

No når kyrkjebøkene på ny er tilgjengelege, ser eg at vigsli til Thomas Olson og Synneva Eriksdotter i Lærdal 8.12.1743 fann stad i Årdal sokn, og Thomas er oppgjeven vera husmann (http://www.arkivverket.no/URN:kb_read?idx_kildeid=11593&idx_id=11593&uid=ny&idx_side=-95).

 

Eg ser dei fekk ei dotter Kari, døypt i Årdsl 14.10.1743, og ho ser ut til å vera einaste barnet dei fekk, i alle fall i Årdal!?

 

Kan denne Synneva Eriksdotter vera frå Tverberg i Hafslo?

 

Med venleg helsing,

 

Lars E. Øyane

[Lars E. Øyane]

Når det gjeld den Synneva Eriksdotter som gifte seg 22.5.1762 i Gulen med Villum Hansson, ser eg at dei var frå Indrevær i Solund (http://www.arkivverket.no/URN:kb_read?idx_kildeid=11443&idx_id=11443&uid=ny&idx_side=-105). Men eg ser ikkje at dei fekk born!

 

Kan dette vera jenta frå Tverberg i Hafslo?

 

Med venleg helsing,

 

Lars E. Øyane

[Lars E. Øyane]

Eg ser at ei Synneva Eriksdotter Midtun vart døypt i Årdal 30.10.1718. Ho er nok den beste "kandidaten" til Synneva Eriksdotter gift 1743 med Thomas Olson, so truleg kan me gløyma ho!

 

Og når det gjeld Villum Hansson og Synneva Eriksdotter i Gulen, vart det i 1804 halde skifte på Indrevær etter Villum Hansson og ANNA Eriksdotter ( http://arkivverket.no/URN:sk_read/24172/331/). Dei hadde ikkje born, so søskeni deira arva. Anna (eller Synneva) Eriksdotter var tydeleg fødd i Aurland. So då lyt me avskriva ogso dette alternativet...

 

Hmmmmm, ikkje so lett dette! Kvar vart det no av desse søskeni frå Tverberg? Fór dei kan henda direkte til Bergen?

 

Very sincerely yours!

 

Lars E. Oyane

[Gisle Hersvik]

Hei Lars,

 

Villum Hansson gifte seg med to søstre, Synneva og Anne, hhv 1762 og 1771. Dei var frå Fretheim etter det eg kan huske.

 

/Gisle