Edvard Germanus Johannessen alias Edvard Alme i Bergen (1848-1922), norsk målmann, skal ha røter frå Hafslo i Sogn, men på kva vis?

[Lars E. Øyane]

Eg syner til denne artikkelen i Wikipedia: http://no.wikipedia.org/wiki/Edvard_Alme

 

Her går det fram at Edvard Germanus Johannessen, ogso kjend under preudonymet Edvard Alme, skal ha røter frå Hafslo i Sogn. Alme er namnet på ein gard i Hafslo, men eg kan ikkje sjå noki nær tilknytting til Hafslo!

 

Edvard Germanius Johannessen, gift i Nykyrkja i Bergen 26.11.1871 (http://www.arkivverket.no/URN:kb_read?idx_kildeid=7153&idx_id=7153&idx_listetype=vi&idx_kjonn=&uid=ny&idx_side=-87), var fødd i Bergen 28.5.1848 som son av:

 

Dankert Christian Johannessen og kona Elen Gurine Hansen, vigde i Domkyrkja i Bergen 20.4.1845 (http://digitalarkivet.no/cgi-win/webcens.exe?slag=visbase&sidenr=5&filnamn=vigd1816&gardpostnr=1590&merk=1590#ovre) eller (http://www.arkivverket.no/URN:kb_read?idx_kildeid=8332&idx_id=8332&uid=ny&idx_side=-28)

 

Dankert Christian Johannessen, fødd i Nykyrkja i Bergen 6.7.1817 (http://digitalarkivet.no/cgi-win/webcens.exe?slag=visbase&sidenr=5&filnamn=dp12011816&gardpostnr=1084&personpostnr=3246&merk=3246#ovre), var igjen son av:

 

Erik Johannessen og kona Elisabeth Davidsdatter, vigde i Domkyrkja i Bergen 21.2.1808 (http://digitalarkivet.no/cgi-win/webcens.exe?slag=visbase&sidenr=42&filnamn=vigd1663_1&gardpostnr=5834&merk=5834#ovre).

 

Denne Erik Johannessen var ikkje i Bergen i 1804, so han er nok innflyttar, men han kan IKKJE vera fødd i Hafslo.

 

Elen Gurine Hansen synest vera dotter av:

 

Jørgen Fredrik Hansen og kona Anna Gurine Nilsdatter, vigde i Domkyrkja i Bergen 5.11.1815 (http://www.arkivverket.no/URN:kb_read?idx_kildeid=8332&idx_id=8332&uid=ny&idx_side=-28)

 

Om denne ætti nedstammar frå Hafslo, so må det liggja noko attende i tid. Eg ser ikkje noko samband so langt. Det næraste eg kjem Hafslo er at ein av forlovarane til Dankert og Elen i 1845 var Anders (Olson) Selseng frå Sogndal, som eg meiner hadde kona si frå Hafslo!

 

Om nokon har tankar kring Edvard Germanus Johannessen alias Edvard Alme og opphavet hans, høyrer eg gjerne meir om det!

 

Med venleg helsing,

 

Lars E. Øyane

[Arnfrid Dommersnæs Mæland]

Tror jeg ville tatt kontakt med Aasentunet http://www.aasentune...ance&query=alme og høre hva de vet om dette.