Peder (1777) og Knut (1779) Larssøner frå Kjelda i Solvorn, Hafslo, vart foreldrelause i 1785 - kvar vart det av dei? - Årdal? - Gulen? - Bergen?

[Lars E. Øyane]

Lars Knutson (1746-1784) og kona Anna Paulsdotter (1748-1785) var leiglendingsfolk på garden Kjelda i Solvorn, Hafslo i Sogn.  Då dei båe døydde i 1784/1785, let det etter seg to søner:

 

* Peder Larsson, døypt i Hafslo 12.7.1777, vart visstnok konfirmert i Hafslo i 1794 (16 år gamal) og budde då på Urnes.

 

* Knut Larsson, døypt i Hafslo 25.8.1779, finst ikkje som konfirmant i Hafslo, men er truleg identisk med den Knut Larsson (23 år gamal) som i 1801 tente på Hovland i Årdal.

 

Det var fjorden som batt desse bustadane isaman den gongen; Urnes ligg rett over fjorden frå Solvorn, medan Hovland i Årdal ligg rundt neset noko lenger ute.  Urnes var den gongen ein del av Årdal skipreide.

 

Men kvar er det so vorte av desse gutane?

 

Eg ser ikkje nokon gode "kandidatar" for Peder Larsson i 1801, men eg finn ein Knut Larsson som 10.11.1809 gifte seg i Gulen med ei Anna Ottesdotter.  Desse busette seg visstnok på Øvre Oppedal i Gulen,  Det var ikkje nokon Knut Larsson i Gulen i 1801, so kanskje er han komen innante?

 

Eller kan dei ha hamna i Bergen?

 

Eg takkar so mykje på førehand for alle gode tips om desse brørne!

 

Med venleg helsing,

 

Lars E. Øyane

[Lars E. Øyane]

Eg har no greidd å løysa dette problemet.

 

Det var fleire personar med namnet Peder Larsson fødde innanfor eit kort tidsrom i Hafslo, men ein var til overs, og det må ha vore den Peder Larsson det her var spørsmål etter!  Han vart konfirmert frå Urnes i Hafslo i 1794 og døydde same staden i 1796!

 

Knut Larsson på Hovland i Årdal syner seg vera avliden i Årdal i 1803, ugift.

 

Med venleg helsing,

 

Lars E. Øyane