Mikkel Nilsson Spissøy (1838-189?) - tidi hans i Haugesund og i Christiania (1870-1880) - born?

[Lars E. Øyane]

Dette emnet er ei kortfatta oppsummering av tema #20924 frå det gamle brukarforum (http://forum.arkivverket.no/topic/106647-20924-mikkel-nilsen-spissoey-f-boemlo-1838-floroe-haugesund-christiania-og-so/?hl=%2Bmikkel+%2Bnilsson#entry875204) der eg berre har teke med dei opplysningane som er relevante for spørsmåli som framleis står uløyste:

 

Mikkel Nilsson, fødd på Spissøy i Finnås (Bømlo) 9.8.1838, gifte seg i Florø (Kinn) 3.5.1863 med Margretha Nilsdotter, fødd i Solvorn i Hafslo 21.11.1837.

 

Mikkel var utlært bakar, og han og Margretha budde i Florø til dei kring 1869 flytte til HAUGESUND.  Derifrå skal dei kring 1871 (eller kanskje noko seinare?) vera flytte vidare til CHRISTIANIA der Mikkel arbeidde som dampskipsformann til parfolket i 1880 utvandra til Albert Lea, MN

 

Problemet mitt gjeld i første rekke borni dei fekk i Noreg:

 

* Bertina Anna Cathrine, fødd i Florø 17.8.1863, utvandra med foreldri i 1880.

 

* Nicolai Emanuel, fødd i Florø 29.5.1867, utvandra òg med foreldri i 1880.

 

* Marcilius Johan, tvilling, fødd i Skåre, Haugesund 27.12.1870, må vera avliden før 1875 - Haugesund eller Christiania!?

 

* Matildus Anthonus, tvilling, fødd i Skåre, Haugesund 27.12.1870, må òg vera avliden før 1875 - Haugesund eller Christania!?

 

* Matildus Alexander Johan, fødd i Christiania 22.7.1876, utvandra med foreldri i 1880.

 

I denne barneflokken burde det vera rom for fleire søsken, både mellom Bertina og Nicolai, mellom Nicolai og tvillingane og ikkje minst mellom tvillingane og den yngste Matildus samt mellom Matildus og utvandringi i 1880!

 

Men kanskje viktigare er det å finna dødsfalli til tvillingane frå 1870....

 

Men er dette i det heile mogeleg?

 

Eg takkar so mykje på førehand for alle gode tips!

 

PS: Her er huslyden i Christiania 1875 (Bakkegata 21): http://www.rhd.uit.no/folketellinger/ftliste.aspx?ft=1875&knr=0301&kenr=032&bnr=1774&lnr=00

Endret Juni 21, 2014 av Lars E. Øyane - Wackersberg - Bayern

[Lars E. Øyane]

Etter ganske so lang tid med blaing i kyrkjebøker, først i Haugesund og sidan i Christiania, har eg endeleg funne dødsfalli til tvillingane frå 1870.  Dei døydde same dagen, 29.5.1872 og vart gravlagde frå Vår Frelsar i Christiania (http://www.arkivverket.no/URN:kb_read?idx_kildeid=5438&idx_id=5438&idx_listetype=bg&idx_kjonn=b&uid=ny&idx_side=-239).  Det står ikkje noko om dødsorsaki.

 

Eg forstår det slik at Bakkegata låg under Johannes kyrkjelyd, som i 1874 vart oppretta som ein del av Vår Frelsar, so neste utfordring er no å sjå om Mikkel og Margrethe fehh fleire  born, medan dei budde i Christiania på 1870-talet...

Endret Juni 22, 2014 av Lars E. Øyane - Wackersberg - Bayern

[Grethe Flood]

Her er dødsfallsregistreringen for tvillingene til Mikkel Nilsen. Her står det at han var jernbanearbeider! Se høyre side, løpenummer 606 og 607:

 

Kildeinformasjon: Oslo fylke, Oslo skifterett, Dødsfallsprotokoll A 8 , 1870-1874, oppb: Statsarkivet i Oslo.

Permanent sidelenke: http://arkivverket.no/URN:sk_read/25423/125/

Permanent bildelenke: http://www.arkivverket.no/URN:NBN:no-a1450-sk20081219320125.jpg

[Lars E. Øyane]

Hjarteleg takk til Grethe for interessant tilleggsopplysning!  Mikkel Nilsson livnærte seg tydeleg på fleire vis, medan han budde i Christiania.  Han var jo opphavleg bakar, og dette yrket praktiserte han på ny etter at han i 1880 utvandra til Amerika.

 

Nett no leiter eg etter dødsfallet hans, som truleg skjedde i Lake Mills, Winnebago Co., IA mellom 1895 og 1900...