Henrik Andersson Walaker, fødd og avliden i New York City mellom 1914 og 1920 - er det mogeleg å finna lagnaden hans?

[Lars E. Øyane]

Manuskriptet mitt inneheld mellom anna denne huslyden:

 

~~~~~~~~~~~~~~~~

 

Anders Jensson Walaker, f. i Luster 22.2.1869.

Anders Walaker flytte i ung alder til Ålesund der han skal ha livnært seg som tømmermeister til han i 1906 utvandra til Amerika.  Under namnet Anders Walaker busette han seg i New York City, N.Y., og han gifte seg på Manhattan, N.Y. 9.7.1914 med Valborg Karlsdotter Jacobsen frå Larvik, i Amerika kjend som Walborg Jakobsen.  Ho var dotter av skreddarsvein Karl Johan Jacobsen i Larvik, opphavleg frå Christiania, og kona Anna Gurine Christophersdotter frå Sandefjord og f. i Larvik 8.8.1878.  Ho arbeidde ei tid i Larvik som strykerske, men utvandra til Amerika i 1909.  Andrew var bygningsarbeidar (“construction worker”), og han og Walborg vart buande i New York City, N.Y. til dei kring 1919 kom attende til Noreg og busette seg på Nanset i Hedrum.  Anders tok til som byggmeister, og han og Anna vart buande på Nanset levetidi ut.  Anders d. i Larvik 30.5.1953, medan Walborg Walaker d. same staden 27.7.1958.  Dei fekk to born i lag:

a. Anna Sigrid Andersdotter Walaker, f. i New York City, N.Y. 1.8.1916, d. på sjukehuset i Larvik 7.8.1992.  Ho gifte seg i Larvik 15.12.1945 med Fritz Magnar Olson Holst frå Larvik, f. i Larvik 1.12.1911.  Han d. på sjukehuset i Larvik 24.3.2005.  Fritz var bygningsarbeidar, medan Anna var sjukepleiar.  Dei budde i Larvik og fekk ei dotter i lag.

b. Henrik Andersson Walaker, f. i New York City, N.Y.

 

                   ##### (døydde kort etter fødsli i New York City - dato for fødsel og dato for dødsfall??)

 

~~~~~~~~~~~~~~~~

 

Eg er ikkje i stand til å finna korkje fødsli eller dødsfallet til denne ghuten som må vera fødd anten hausten 1914/våren 1915 eller hausten 1917-1918?

 

Eg har snakka med einaste dotteri til Anna Sigrid, men ho veit ikkje svaret!

 

Eg takkar so mykje på førehand for alle gode tips!

[Ann-Mary Engum]

Henry Berthel Walaker

New York, New York City Municipal Deaths, 1795-1949

birth:

22 March 1919

New York City

death:

27 April 1920

Bronx, New York, New York, United States

burial:

29 April 1920

New York

residence:

Bronx, New York, New York

father:

Andres Jansen

mother:

Valbary Jacobsen

 

[Lars E. Øyane]

Hjarteleg takk til Ann-Mary for kjemperaskt og perfekt svar på dette problemet!  Eg er imponert!

 

Er det forresten mogeleg å finna ut kva tid, nøyaktig, denne huslyden flytte attende til Noreg?  Truleg var det alt i 1920, men eg veit ikkje...

 

Nok ein gong: Kjempetakk!