Frå Luster til Amerika: Johannes Ellingson Talle i 1854

Januar 10, 2016

Vi er klart komne eit skritt vidare når de har funne Christen Kolstad, som er registrert utflytta frå Luster same dato som Johannes Ellingson. Takk til Kurt og Ann-Mary!

Kanskje vi kan nøste litt frå andre enden? Som nemnd i innlegg #1 og #5 skal det finnast informasjon om familiar frå Luster som slo seg ned i Goodhue County. Frå ei av lenkene i #1 (gravsteinen til Toege Talla) finn vi:

"Toege left Norway; arrived in Goodhue County in 1854 after participating in gold rushes in Australia and California. He came with his brother Henry and sister Christine Fenne (Nels) and Olegard Ottun (Jens); followed by Johannes Talle (Talla/Talle was the farm name) and many other family members. My grandfather Thomas Oscar Talla, son of Nils Toege Talla, son of Toege Nils Talla, was born on their farm south of the Holden Church on the Zumbro River. Toege Talla and brothers are written in the local history. Toege's wife Olina Gulbrandson was buried in the Akron, Cowley Co, KS cemetery, after their only child Nils Toege moved family to Kansas. "

Det ser ut som dette er skrive av ein av etterkommarane, Eric Allen Talla. Eg har sett at han har lagt ut mykje på Ancestry, rapportar, slektstre m.m. Diverre avslutta eg ancestry-abonnementet for eit par år sidan, så eg får ikkje tilgang til alt dette. Kanskje nokon andre kan finne det?

Januar 10, 2016

Eg veit ikkje i kva grad reisemålet til Johannes Ellingson Talle kan «definerast» ut ifrå ein analyse av kvar dei reiste, dei som utvandra på same tid som Johannes. Dei fleste av dei hadde slekt eller gode venar som hadde utvandra før og som vart nytta som «førsteopphaldsstad» i Amerika, men eg har sett litt på dei som fekk attest på same dagen som Johannes Ellingson Talle, 21.4.1854, og lagnadane deira:

#24. Thor Christian Hansson Flattun (1818-1866) og kona hans utvandra til Dane Co., WI, men flytte snart etter til ein farm i Vernon Co., WI.

#25. Nils Jørgenson Flattun (1786-186?) og kona hans, svigerforeldri til føregåande, utvandra med Thor Christian til Dane Co., WI og derifrå til Vernon Co., WI.

#26. Jørgen Nilsson Flattun (1826- ), son av føregåande, var blind og levde 1860 ugift i Vernon Co., WI - seinare lagnad ukjend.

#27. Johannes Johannesson Flattun (Øvrebø) (1816-1903), ogso ein svigerson av Nils Jørgenson, og kona hans ser ut til å ha utvandra med resten av denne «familien» til Dane Co., WI og vidare til Vernon Co., WI.

#28. Anders Andersson Øvrebø (1827-1903) og kona hans reiste IKKJE (kan henda fordi kona var høggravid), men utvandra i 1856 til Dane Co., WI og kring 1871 vidare til Crawford Co., WI.

#29. Guri Andersdotter Øvrebø (1834-1868), søster av føregåande, synest ha utvandra til Dane Co., WI der ho i 1858 gifte seg med ein enkjemann frå Luster som sidan kring 1853 hadde farma i Crawford Co., WI.

#30. Torkild Ludvigson Hotlen (1820-1911) utvandra òg til Dane Co., WI der han i 1857 gifte seg med ei jente frå Valdres. Etter nokre år flytte dei til ein farm i Freeborn Co., MN.

#31. Anders Ludvigson Hotlen (1810-1890), bror av Torkild, utvandra likeins til Dane Co., WI der han i 1860 gifte seg med ei jente frå Luster. Kring 1866 flytte ogso dei til ein farm i Freeborn Co., MN.

#32. Christen Erikson Kolstad (1835-1916) ser ut til å ha utvandra til Goodhue Co., MN der han i 1859 gifte seg med ei jente frå Sogndal. Dei vart buande i Goodhue Co., MN.

#33. Johannes Ellingson Talle (1826- ), vårt «problembarn»...

#34. Christen Larsson Heltne (1820-1897) og kona hans utvandra til Crawford Co., WI, men flytte kring 1866 til Vernon Co., WI.

#35. Skak Arneson Hauge (1795-1875) (attest dagen etter, 22.4.1854) utvandra visstnok til Dane eller Iowa Co., WI, men var ein av dei som i 1856 grunnla det «sognske» settlementet i Buffalo Co., WI.

Eg ser ikkje noko eintydig her som kan seia meir om kvar Johannes Ellingson Talle kan ha teke vegen...

Dei emigrantane frå 1854 som skal vera avlidne i den nemnde koleraepidemien, var #17, 18 og 19, som alle utvandra frå garden Lingjerde i Luster, attest 12.4.1854:

John Asbjørnson Lingjerde (1824- ) med kona Kari Thomasdotter (1835- ), søsteri Gjertrud Asbjørnsdotter Lingjerde (1821- ) og mori Anna Marie Davidsdotter Lingjerde (1793- ). Kanskje nokon av desse kan finnast i ei passasjerliste???

Oktober 18, 2019

Når eg i dag henter fram att dette emnet frå 2016, er det i første rekke for å høyra etter om Leif Erik (eller andre) har greidd å finna ut noko meir om Johannes Ellingson Talle som i 1854 utvandra frå Luster?

Eg har oppdaga at det i Fillmore Co., MN dukker opp tre personar med dette namnet:

* Johannes Ellingson, fødd kring 1824, gift kring 1855 med ei Anna Iversdotter - dei budde på ein farm i York township, Fillmore Co., MN

1880: https://www.familysearch.org/ark:/61903/3:1:33SQ-GYB2-9D5N

1900: https://www.familysearch.org/ark:/61903/3:1:S3HT-6763-WNK

* Johannes Ellingson, fødd kring 1827, gift med ei Ingrid Eriksdotter - på ein farm i Arendahl township, Fillmore Co., MN

1870: https://www.familysearch.org/ark:/61903/3:1:S3HT-6XSQ-P5B

1880: https://www.familysearch.org/ark:/61903/3:1:33S7-9YB2-9ZFD

* Johannes Ellingson, gift med ei Kirsti Bendixdotter - får fleire born i nabolaget Arendahl township, Fillmore Co., MN

1866: https://www.digitalarkivet.no/view/255/pd00000009786576

1868: https://www.digitalarkivet.no/view/255/pd00000009793696

1878: https://www.digitalarkivet.no/view/255/pd00000009795371

Kan «vår» Johannes Ellingson gøyma seg attom ein av desse??