Peder Johan Nilsson Kroken - fødd i Aurland 1895 - oppvaksen i Hafslo - sidan attende til Aurland og so Sunndalsøra eller Drammen? - lagnaden hans?

[Lars E. Øyane]

Eg slit med å finna lagnaden til denne personen og vonar at kanskje nokon har tips å komma med?

 

Peder Johan Nilsson Kroken, fødd i Aurland 13.10.1895 som yngst av åtte born fødde av gardbrukar Nils Hansson (Skjerdal) Nyheim (1853-1930) og Anna Knutsdotter (Urnes) (1849-1919), busette på bruket Kroken av Urnes i Hafslo.

 

Peder skal i ung alder vera flytt attende til Aurland og var tenestedreng på garden Nedberge i Aurland, men flytte sidan derifrå att.  Om lagnaden hans stridast «ekspertane», nokon meiner han fór som industriarbeidar til Sunndalsøra, medan andre meiner han flytte til Drammen.  Me veit berre at han var avliden før 1975!

 

Søskeni til Peder skreiv seg dels for Skjerdal og dels for Nyheim, men Peder skal ha skrive seg for Kroken!?

 

* Er det mogeleg å finna lagnaden til Peder Johan?

 

Eg takkar so mykje på førehand for alle gode tips!

Endret Juni 13, 2016 av Lars E. Øyane

[Sven Hjortland]

Bare en liten korrigering: Peder Johan ble født 9. september 1895 og døpt 13. oktober 1895

[Lars E. Øyane]

Hjarteleg takk til Sven for rettingi!  Kanskje det no vert lettare å finna att Peder i seinare kjelder?

[Grethe Flood]

Hjarteleg takk til Sven for rettingi!  Kanskje det no vert lettare å finna att Peder i seinare kjelder?

 

Står det ingenting om ham i en eventuell dødsmelding etter far, d. 1930, og/eller mor, d. 1919?

[Jarleif Nordheim]

Lenka tyder vell på at han brukte Pederr og Kroken som navn..

 

http://www.aurlandsportalen.net/bildr/Gardsbilder/garden-nedbergo/437487898_f4f327b10c_z.jpg.php

 

Med vennlig hilsen

Jarleif

[Lars E. Øyane]

Hjarteleg takk til Grethe og Jarleif for interessante innlegg!

 

Eg har ikkje undersøkt dødsmeldingane etter foreldri til Peder, men ifølgje biletet i innlegget frå Jarleif var Peder framleis busett på Nedberge i Aurland på 1940-talet.  Samstundes får me ei stadfesting av at han nytta Kroken som ættenamn...

 

Eg takkar på ny for fin hjelp med denne utfordringi!

[Grethe Flood]

http://www.aurlandsportalen.net/bildr/Gardsbilder/garden-nedbergo/437489547_e4966cb368_z.jpg.php

 

 

Endret Juni 13, 2016 av Grethe Flood

[Jarleif Nordheim]

En forbindelse har sjekket telefonkatalogen for Drammen 1961-68 - ingen Peder Kroken der (men en Leif K).

Sunndalsøra: Ingen Peder K, (men en Ivar K i 1961). Men "Kroken" har vi jo flere steder i landet.

 

Mvh Jarleif

[Lars E. Øyane]

Hjarteleg takk til Grethe og Jarleif for nye innlegg om Peder Kroken.

 

Det skal tydeleg ikkje vera so lett å finna lagnaden til denne karen.  Men ein eller annan stad må han jo finnast...?  Kanskje skulle eg freista ta kontakt med nokon på Nedberge i Aurland?

 

Eg takkar nok ein gong for hjelpi!

[Kjell Alsén]

Det finnes personer med navnet Kroken i Luster i Sogn.

 

Mvh Kjell Alsén

[Lars E. Øyane]

Hjarteleg takk til Kjell for nytt innlegg!

 

Jau, det er mange personar i Luster som heiter Kroken; me har fleire gardar med dette namnet, men den Peder Johan Kroken som eg her spør etter, budde aldri i Luster etter at han i ung alder flytte attende til Aurland der han var fødd.  Og han var aldri gift og har ingen etter seg...

 

Med denne Peder Johan Kroken synest verkeleg gøyma seg skikkeleg godt!

[Magne N.G Hagen-Pettersen]

Her er adresseliste for Vestfold og Drammen 1956 http://www.disnorge.no/vf/dk/vestfold/adressebok_1956/flyttet han til Drammen så kanskje du finner han her.

[Lars E. Øyane]

Hjarteleg takk til Magne for siste innlegget om denne utfordringi!

 

Til tross for iherdig leiting i ymse adressebøker for Drammensdistriktet, har eg ikkje lukkast i å finna Peder, men eg har i dag fått greie på at han døydde i FROLAND 25.12.1964, kva han no enn hadde der å gjera...?  Det er vel ikkje godt å finna ut noko særleg meir om dei siste leveåri hans Peder, men eg takkar på ny for framifrå hjelp med å finna ut av lagnaden til denne karen!