Gå til innhold
Arkivverket
Lars E. Øyane

Ole Ellefson - fødd i Luster kring 1709 - reiste herifrå som enkjemann med sonen Ellef (1733) etter 1734 - men med ukjend bustad i 1754 - kvar kan det ha vorte av far og son?

Recommended Posts

Lars E. Øyane

Bakgrunnen for denne utfordringi er ei utsegn frå skiftet etter Gjertrud Nilsdotter Bolstad starta i 1754.  Ervingane hennar var mange søskenbarn på båe kantar, og Ole Ellefson var eitt av dei.  Om han står det på 9de/10de linje på denne sida: https://media.digitalarkivet.no/view/24138/174?indexing=

«som ike vides hvor hand er».

 

På denne sida (til høgre) står det at Ole Ellefson er utlagd arv i form av kontante penger, men om Ole var komen til rette eller kvar han var, ser eg ikkje noko meir om...  https://media.digitalarkivet.no/view/24138/175?indexing=

 

Er det mogeleg no, meir enn 250 år etter, å finna ut kvar det vart av Ole og sonen Ellef?

 

Om det er til hjelp, foreldri til Ole heitte Ellef Nilsson (1673-1728), opphavleg frå Mørkrid i Luster, men i 1701 tenestedreng på Hovland i Årdal, og kona Martha Larsdotter, som kan ha vore frå Årdal!?

 

Her følgjer eit «magert» utsnitt frå manuskriptet mitt:

 

~~~~~~~~~~~~~~~~

 

Ole Ellefson (Myrene), f. i Luster kring 1709, gifte seg i Luster 12.11.1732 med Juditha Olsdotter, visstnok frå Sandvikøyri under Flattun, f. i Luster kring 1699.   Ho d. i Gaupne kring 1734.

Ole Ellefson flytte som enkjemann til

 

 

##### (kvar kan han vera flytt? – seinare lagnad? – ved eit skifte halde i Luster i 1754 visste dei ikkje kvar Ole oppḧeldt seg!)

 

 

Ole og Judithe fekk ein son i lag:

a. Ellef Olson, døypt i Luster 25.1.1733,

 

 

     ##### (sikkert reiste frå Luster i lag med far sin – lagnaden hans?)

 

~~~~~~~~~~~~~~~~

 

Eg ville setja stor pris på om nokon greidde denne utfordringi, og eg takkar so mykje å førehand for alle gode tips!

Endret av Lars E. Øyane

Del dette innlegget


Lenke til innlegg
Del på andre sider
Lars E. Øyane

Eg har søkt litt rundt ikring og ser berre to aktuelle «kandidatar» i Sogn:

 

* Ole Ellefson Botnen og Ingeborg Rasmusdotter Fallebø vigde i Gulen 10.7.1736 https://media.digitalarkivet.no/view/11442/4

men ifølgje bygdeboki for Gulen er denne Ole frå Brekke, so då fell han bort...

 

** Ole Ellefson og Brynhild Eriksdotter vigde i Aurland 26.6.1745 https://media.digitalarkivet.no/view/8611/191

men utan gardsnamn ved vigsli er det uråd å seia kvar desse høyrde heime...

 

Kring i landet finst det sjølvsagt fleire, men ein «kandidat» som eg «liker» spesielt godt, er denne:

 

** Ole Ellefson Myhr og Guru Olsdotter vigde i Trondheim 3.4.1755 https://media.digitalarkivet.no/view/2329/240

«Vår» Ole kom frå husmannsplassen Myrane under garden Hæri i Luster, men eg ser denne Ole Ellefson Myhr var «landssoldat», og då vert han kanskje litt i eldste laget?

 

Utsegni frå skiftet i 1754 kan jo tyda på at «vår» Ole flytte lenger heimefrå...

 

Eg lever framleis i voni og takkar so mykje på førehand for alle gode tips!

Del dette innlegget


Lenke til innlegg
Del på andre sider
Lars E. Øyane

Eg vil i dag gjerne få henta fram att denne saki som framleis ligg ganske so «urøyrd».

 

Ved eit skifte som vart halde i Luster i 1754, var det ingen av søstrene hans som visste kvar Ole Ellefson hadde teke vegen, men er det mogeleg no over 260 år seinare å finna ut kvar han vart av??  Kanskje finn me Ole om me finn sonen Ellef Olson?

 

Eg takkar på ny for alle gode tips som kan kasta ljos over denne kjempeutfordringi!

Del dette innlegget


Lenke til innlegg
Del på andre sider

Opprett en konto eller logg inn for å kommentere

Du må være et medlem for å kunne skrive en kommentar

Opprett konto

Det er enkelt å melde seg inn for å starte en ny konto!

Start en konto

Logg inn

Har du allerede en konto? Logg inn her.

Logg inn nå

  • Hvem er aktive   0 medlemmer

    Ingen innloggede medlemmer aktive

×

Viktig Informasjon

Arkivverket bruker cookies (informasjonskapsler) på sine nettsider for å levere en bedre tjeneste. De brukes til bl.a. skjemaoppdateringer og innlogging. Bruk siden som normalt, eller lukk informasjonsboksen for å akseptere bruk av cookies.