Knut Halvorson - bondeson frå Yttri i Luster - fødd 1772 - forsvann frå Luster i 1799 - halvsøsteri Kari Halvorsdotter - fødd 1757 - forsvann òg - kvar i all verdi vart det av dei??

[Lars E. Øyane]

Dette er eit «forsvinningsnummer» av dei heller merkelege:

 

Halvor Arneson (1730-1805), gardbrukar på Yttri i Fortun sokn i Luster, hadde i alt elleve born frå to ekteskap.  Det yngste barnet med mor Anna Sølfestsdotter (1739-1775) var sonen:

 

** Knut Halvorson, døypt i Luster 15.3.1772, var i perioden frå 1795 til 1799 eigar av eit bruk på nabogarden Fortun i Fortun sokn i Luster, men selde den garden i 1799 og forsvinn!

 

Knut hadde berre tre søsken som voks opp, to brør Arne og Sølfest, budde i Luster, men døydde etter måten unge, og so var det ei halvsøster:

 

** Kari Halvorsdotter, med mor Kari Knutsdotter (1728-1761), døypt i Luster 20.9.1757.  Ho levde i 1770, men forsvinn òg frå Luster, utan å setja spor etter seg.

 

Kvar i all verdi kan dei to søskeni ha teke vegen?

 

Eg har stått «bom fast» på dette spørsmålet i over 35 år og ville sett kjempestor pris på om nokon greidde å løysa «mysteriet»!

Endret Mars 29, 2017 av Lars E. Øyane

[Jon Sværen]

Kva er årsaka til at Knut, etter 4 år, sel garden sin ?  Dårlig økonomi, eller ...

Kven kom som ny brukar ?  Kom brukaren utaifrå (ikkje frå Lyster), og kan det i så fall væra nærast so eit Gardabyte ?

 

Er utvandringa mot Nord-Norge starta i Lyster år 1800 ?

[Lars E. Øyane]

Hjarteleg takk til Jon for nytt innlegg!

 

Det hadde seg slik at då Gjertrud Christophersdotter Forthun døydde i 1795, vart garden som ho og mannen sat med på Fortun overlete til Knut Halvorson for gjeld.  Og han selde garden att i 1799 til odelsguten Christopher Torbjørnson!

 

Nei, denne Yttris-ætti var ikkje på noko vis fattig, heller tvert om!  Likevel finst det ikkje noko skifte etter faren Halvor Arneson då han døydde i 1805, men grunnen er truleg at borni på den tidi hadde fått hand om det meste...

 

Flytting frå Luster på siste del av 1700-talet gjekk for ein stor del til Bergen, men noko gjekk òg til øvre Gudbrandsdalen, til Romsdalen og til Nordland, for ikkje å gløyma dei ytre fjordbygdene i Sogn og Sunnfjord...  So det er mange plassar ein kan leita...

 

Eg takkar på ny for alle gode tips om denne huslyden!