Herman Jørgensen og Anna Tollefsdotter - vigde i Krosskyrkja i Bergen i 1746 - kven var dei?

[Lars E. Øyane]

18.12.1746 vart dette paret vigd i Krosskyrkja i Bergen:

Herman Jørgensen, enkjemann og Anna Tollefsdotter, pige: https://media.digitalarkivet.no/view/8681/11

 

Dei får, so vidt eg kan sjå, berre ein son:

 

* Tollev, døypt KK, Bergen 3.4.1749: http://gda.arkivverket.no/cgi-win/webcens.exe?slag=visbase&sidenr=1&filnamn=dp12011686&gardpostnr=8451&personpostnr=68308&merk=68308#ovre

 

men Herman har òg eit par born med ei første kona Kirsti Pedersdotter:

 

* Jørgen, døypt KK, Bergen 25.8.1734: http://gda.arkivverket.no/cgi-win/webcens.exe?slag=visbase&sidenr=1&filnamn=dp12011686&gardpostnr=6520&personpostnr=52703&merk=52703#ovre

 

* Peder, døypt KK, Bergen 21.5.1738: http://gda.arkivverket.no/cgi-win/webcens.exe?slag=visbase&sidenr=1&filnamn=dp12011686&gardpostnr=7034&personpostnr=57004&merk=57004#ovre

 

Herman Jørgensen vart gravlagd i Bergen 14.6.1762, 60 år gamal: http://gda.arkivverket.no/cgi-win/webcens.exe?slag=visbase&sidenr=1&filnamn=bedo1668&gardpostnr=28577&merk=28577#ovre

 

men eg ser ikkje noko til dødsfallet hennar Anna Tollefsdotter!?

 

Eg mistenker Anna Tollefsdotter for å vera fødd i Luster kring 1710 som dotter av Tollef Asbjørnson Heltne (1664-1745), men er ikkje i stand til å prova dette!!

 

Eg takkar so mykje på førehand for alle gode tips i denne saki!

[Egil Johannessen]

? Anna - https://digitalarkivet.arkivverket.no/gen/vis/267/pg00000000135445

[Lars E. Øyane]

Hjarteleg takk til Egil for nytt innlegg!

 

Dette er nok ei vanskeleg sak å løysa...  Eg ser at denne Anna var «pige», og ho er vel kanskje òg litt i yngste laget...?

 

Kanskje det ville hjelpa å freista finna son henner, Tollef Hermansen?

 

Eg takkar på ny for framifrå bistand i denne saki!

[Lars E. Øyane]

Eg vil i dag gjerne få henta fram att dette emnet som har lege «i dvale» sidan mars i fjor.

 

Eg ser at skiftet frå 1746 etter Kirsti Pedersdotter, første kona til Herman Jørgensen, no er komme opp i Digitalarkivet, og dette syner at berre sonen Peder då levde: https://www.digitalarkivet.no/view/27/pa00000000828372

 

Eg kan leggja til om Anna Tollefsdotter frå Heltne i Luster, at ho i oktober 1733 fekk eit «uekte» barn med Henrik Johannesson (1712-1776), seinare husmann på Lægene under Fortun i Luster.  Barnet, som me ikkje kjenner namnet til, døydde kort etter fødsli, og etter den tid er det ikkje noko meir å sjå til Anna i Luster.

 

Når det gjeld far hennar, Tollef Asbjørnson, so var han fødd i Luster kring 1664, og han dreiv eit bruk på garden Heltne til sist på 1730-talet, men me finn ikkje noko dødsfall for mannen i Luster.  Kanskje flytte han herifrå med ei av døtrene sine?  For Anna hadde òg ei søster, den yngste i søskenflokken på i alt sju, som likeins forsvinn frå Luster:

 

** Rannei Tollefsdotter, fødd kring 1718, vart konfirmert i Luster i 1738: https://www.digitalarkivet.no/view/279/pk00000000456201

 

Namnekombinasjonen er svært uvanleg, men det dukkar opp ei Randi Tollefsdotter i Bergen nokre år etter:

 

Østen Olson, ungkar og matros, og Randie Tollevsdotter, pige, gifte seg i Nykyrkja i Bergen 10.3.1743: https://www.digitalarkivet.no/view/327/pv00000000198065

https://media.digitalarkivet.no/view/8723/92

 

Dette parfolket fekk i alle fall ein son i lag:

 

* Ole, døypt i Nykyrkja (frå Strangehagen) 6.7.1746, men faren vert då brått kalla Torsten Olson: https://www.digitalarkivet.no/view/255/pd00000006043960

https://media.digitalarkivet.no/view/8717/225

 

So ser eg at ein matros Torsten Olsen frå Strangehagen vart gravlagd i Nykyrkja 16.4.1749: http://gda.arkivverket.no/cgi-win/webcens.exe?slag=visbase&sidenr=1&filnamn=bedo1668&gardpostnr=45080&merk=45080#ovre

 

Det er vel store sjansar for at dette var mann hennar Randi Tollefsdotter.

 

Randi Tollefsdotter opptrer elles som fadder fleire gongar i Nykyrkja, men ikkje etter 1748!

 

Eg er interessert i fleire opplysningar om dei to søstrene Anna og Rannei Tollefsdøttrer og borni deira, men det ville sjølvsagt vera ein stor fordel å vita om eg har finne dei «rette» Anna og Rannei/Randi i Bergen...!?

 

Ein ny kjempetakk for framifrå bistand til oppsporing av ein utfordrande huslyd!