Asbjørn Aamundson (Bolstad) - fødd i Luster 1755 - tiltalt som barnefar i 1779 - forsvinn so frå bygdi - sporlaust! - kvar kan han ha teke vegen? - faster Gjertrud Asbjørnsdotter og søstrer Martha og Inga forsvinn òg!?

[Lars E. Øyane]

Me har fleire einskildpersonar i Luster som berre «forsvinn» på 1700-talet.  Ein av dei er denne:

 

Asbjørn Aamundson, døypt i Luster 12.3.1755, var eldste barnet og einaste sonen til husmann Aamund Asbjørnson og kona Britha Olsdotter på plassen Teigane under Bolstad.  Faren døydde i hærteneste i 1763, og mori hadde tydeleg vanskar med å greia seg åleine.

 

Me kan ikkje sjå at Asbjørn vart konfirmert i Luster, men hausten 1779 vart han tiltalt som barnefar i Luster.  Etter den tid ser me ikkje noko meir til han her!

 

To av søstrene hans voks opp som fosterborn på Ottum i Luster, og dei finn me att, men to andre søstrer «forsvinn» òg:

 

** Martha Aamundsdotter, døypt i Luster 12.6.1761

 

** Inga Aamundsdotter, døypt i Luster 30.1.1764

 

Likeins forsvinn ei søster til far deira:

 

** Gjertrud Asbjørnsdotter (Bolstad), fødd kring 1718, var ugift og budde hjå bror sin på Teigane under Bolstad, men KAN ha trått til for å hjelpa med oppfostringi av borni etter at broren døydde i 1763....  Ho forsvinn nemlig òg frå Luster ganske so «sporlaust»... - sjå innlegg #2 nedanfor!

 

Denne utfordringi vert sikkert ikkje enkel å løysa, men kanskje kan Asbjørn finnast og leia oss til dei andre?

 

Eg takkar so mykje på førehand for alle gode tips!

Endret Mars 31, 2017 av Lars E. Øyane

[Lars E. Øyane]

Eg har oppdaga at ei ugift Gjertrud Asbjørnsdotter gifte seg i Årdal 14.11.1756 med enkjemannen Peter Sørenson, ein eldre verksarbeidar på verket i Øvre Årdal. 

 

https://media.digitalarkivet.no/view/11594/219

 

Peter døydde i Årdal 23.9.1761 i ein alder av 90 år, og i 1763 er Gjertrud busett som tenar på garden Ve i Årdal.  Den seinare lagnaden hennar er ukjend, men kan kanskje søkjast i samband med «forsvinningi» av dei små borni til broren Aamund?

 

Peter hadde frå eit tidlegare ekteskap ei dotter Jaasche Petersdotter (1723-    ) som kring 1749 gifte seg med Torsten Knutson frå Bolstad i Luster (1721-    ).  Desse flytte kring 1760 til Ølve i Kvinnherad, sjå elles følgjande tema:

 

 

Eg takkar igjen so mykje for alle gode tips om denne huslyden!

Endret Mars 31, 2017 av Lars E. Øyane