Mildrid Thomasdtr. Høgheim

[Anne Marie Bøtun Øyri]

Mildrid var fødd i Fresvik i Sogn 10 mars 1878 og budde iallfall fram til og med folketeljinga i 1910 hos foreldra på Høgheim. Ho var ugift og truleg og det ein kalla tilbakeståande då det rundt 1890 var snakk om å sende ho vekk frå bygda då dei ikkje kunne hjelpe ho på skulen. Men ho blei verande iallfagg tom 1910.

Finn ikkje dødsfallet i kyrkjebøkene for Fresvik/Leikanger og lurer på om det går an å spore opp kvar det vart av henne.

 

Mvh

Anne Marie B Øyri

[Ann-Mary Engum]

https://www.digitalarkivet.no/census/person/pf01036718002018

[Anne Marie Bøtun Øyri]

Ja ho budde fortsatt hos foreldra i 1910, men finn ho ikkje att etter den tid. Kan ha blitt plassert på ein eller annan heim då foreldra blei gamle/døydde. Ikkje gravlagd i Fresvik.

 

[Grethe Flood]

Når døde foreldrene?

[Anne Marie Bøtun Øyri]

Faren Thomas Anderson Høgheim i 1913 og mora Mari Johannesdtr. Tretteteig Høgheim i 1925. Systera Sigrid 1874-1962 gifte seg i 1897 med Peder Arneson Kvammen og dei overtok farsgarden til Sigrid. Dei fekk 10 barn mellom 1897 og 1919, så ikkje usannsynleg at Mildri måtte reisa vekk viss ho ikkje kunne klara seg sjøl/bidra, men det veit vi altså ikkje. 

[Torbjørn Igelkjøn]

Slektstre på Geni: https://www.geni.com/people/Mildrid-Høgheim/6000000057457184821

[Torbjørn Igelkjøn]

Same familien i 1900: https://www.digitalarkivet.no/census/person/pf01037344001698

 

Skrivemåten av gardsnamnet ser ut til å variere mellom Høium, Høyum og Høgheim.

[Grethe Flood]

10 timer siden, Anne Marie Bøtun Øyri skrev:

Faren Thomas Anderson Høgheim i 1913 og mora Mari Johannesdtr. Tretteteig Høgheim i 1925. Systera Sigrid 1874-1962 gifte seg i 1897 med Peder Arneson Kvammen og dei overtok farsgarden til Sigrid. Dei fekk 10 barn mellom 1897 og 1919, så ikkje usannsynleg at Mildri måtte reisa vekk viss ho ikkje kunne klara seg sjøl/bidra, men det veit vi altså ikkje. 

 

Vet du om det finnes dødsmeldinger/dødsfallsprotokoller som sier noe om barn/arvinger etter foreldrene?

[Anne Marie Bøtun Øyri]

Nei eg veit ikkje om noko slikt. Kvar kan det i tilfelle finnast?

[Torbjørn Igelkjøn]

Dødsmeldingar er ikkje skanna for Sogn og Fjordane, men dersom Thomas, Mari eller barnlause sysken døydde andre stader kan det hende at dødsmeldingane er skanna. Du finn dette under "Skiftemateriale" på https://media.digitalarkivet.no Dødsmeldingane kan gje svar på kva for nokre av arvingane som levde, og kvar dei evt. budde.

 

Om materialet ikkje er skanna kan ein be Arkivverket om å gjere oppslag ved å sende epost til post@arkivverket.no

[Anne Marie Bøtun Øyri]

Takkar! Då har vi kontakta arkivverket ang dødsmelding.

[Torbjørn Igelkjøn]

Det er viktig at du gjev opp så nøyaktig som råd kvar og kor tid vedkommande døydde, sidan Arkivverket berre gjer enkle oppslag i lett identifiserbare kjelder.

Om/når saka blir løyst håpar eg at du oppdaterer tråden. :-)

[Anne Marie Bøtun Øyri]

 I dødsfallsmeldinga står til far til Mildrid i 1913 er ikkje Mildrid med under myndige arvingar, så det betyr vel at Mldrid døydde mellom 1910 og 1913? Ho finst ikkje i kyrkjebøkene for Fresvik så det må bety at ho er død ein annan stad. Kan ha blitt send til ein heim for evneveike eller på hospital pga sjukdom.

[Torbjørn Igelkjøn]

Dersom ho var tilbakeståande var ho vel kanskje ikkje myndig. Men ho skulle jo uansett vere nemnd som arving dersom ho var i live.

[Torbjørn Igelkjøn]

Det ser ikkje ut til å vere lagt ut skanna kyrkjebøker for Fresvik lenger enn til 1908. Har du sjekka kyrkjebøker etter det?

[Anne Marie Bøtun Øyri]

Ja eg har tilgang tilgang til kyrkjegardsprotokollane, så ho er ikkje gravlagd i Fresvik. Eg og trudde ho burde stå som arving sjølv om ho ikkje var myndig.