Gå til innhold
Arkivverket

Ole Iverson, fødd i Hafslo 1780 - til Bergen i 1784 - køyrekar i Bergen i 1804 - kvar vart det sidan av denne karen? - Bergen eller Gulen eller?? - kjempeutfordring!


Lars E. Øyane
 Del

Recommended Posts

Dette emnet tek utgongspunkt i tema #49430 frå 2007 i det gamle brukarforum:

 

https://forum.arkivverket.no/topic/134870-49430-ole-iversen-f-hafslo-1780-g-slottskyrkja-m-else-frå-storelvdal-bus-bergen/?tab=comments#comment-1111640

 

Me fann aldri ut kvar det vart av fire av dei seks borni i denne huslyden.  Kanskje er det nokon som kan greia dette i dag?

 

Her følgjer eit oppdatert manuskript av denne huslyden:

 

~~~~~~~~~~~~~ NB: sjå merknad heilt sist i innlegget!!

 

Ole Iverson (Quam), døypt i Hafslo 6.12.1780,

Ole Iversen flytte òg med foreldri sine til Bergen i 1784 og var i mange år køyredreng med far sin, men gifte seg visstnok i Aker, Christiania 4.1.1815 med ei Else Iversdotter, som i 1815 vart kalla Bakke, men som me trur hadde opphavet sitt frå Hovde i Storelvdal.  Ho var i so fall dotter av husmann Iver Johnson på ein plass under Hovde og kona Siri Halvorsdotter og vart døypt i Storelvdal 24.3.1788.  Ole var ei tid handelsstyrar og sidan handelsmann, og parfolket budde mellom anna i Claus Ockenssmuget på Nordnes i Bergen der Ole d. som ”bedemand” 5.4.1857.  Else Iversen d. som enkje i Strandgaten i Bergen 8.1.1865.  Dei fekk seks born i lag:

a. Gurine Olsdotter Iversen, f. i Bergen 25.9.1815, vart konfirmert i Bergen i 1831,

 

##### (lagnaden hennar?)

 

b. Iver Johan Olson Iversen, f. i Bergen 27.1.1817, vart konfirmert i Bergen i 1834,

 

##### (lagnaden hans?)

 

c. Hans Jochum Olson Iversen, f. i Bergen 11.1.1819, d. i Drammen 20.3.1872.  Hans gifte seg på Bragernes i Drammen 14.8.1853 med Marthe Elisabeth, kjend som Elise Thomasdotter Seeberg, f. i Tønsberg 24.12.1826.  Ho d. i Drammen 23.11.1911.  Hans var kjøpmann, og han og Marthe budde på Bragernes i Drammen.  Dei var barnlause.

d. Sirene Ana Olsdotter Iversen, fødd i Bergen 23.12.1821,

 

##### (lagnaden hennar?)

 

e. Andreas Olson Iversen, fødd i Bergen 31.10.1824,

 

##### (lagnaden hans?)

 

f. Ole Olson Iversen, f. i Bergen 27.3.1828, d. som kjøpmann i Bergen 12.9.1888.  Ole gifte seg i Ber-gen 27.3.1856 med Dorothea Pleym Gerhardsdotter Schnelle, f. i Bergen 29.9.1834.  Ho d. i Ber-gen 2.1.1920.  Ole var kjøpmann, og han og Dorothea budde i Bergen levetidi ut.  Dei fekk fem born i lag.

 

~~~~~~~~~~~~~

 

Eg ser av dødsmeldingi etter Ole Iversen frå 1857 at han let etter seg enkje og «TRE myndige born»: https://media.digitalarkivet.no/view/23996/207

 

Då Else Iversen døydde i 1865 står det berre at ho etterlet seg «myndige born»: https://media.digitalarkivet.no/view/23997/81

 

** Dette KAN tyda på at tre av dei fire ukjende borni døydde før 1857, men kven var i so fall det tredje barnet som levde, og kvar vart han/ho av?

 

** Ei anna utfordring er forresten: Dødsmeldingi etter Else Iversen seier noko om født Y....., men dette greier ikkje eg å tyda!

 

Eg takkar so mykje på førehand for alle gode tips for å komplettera denne biografien!

 

NB: redigert: Det har etter nye innlegg synt seg at denne Ole Iversen IKKJE er identisk med den Ole Iversen som eg er på leiting etter - sjå innlegg #19 nedanfor!

Endret av Lars E. Øyane
Lenke til kommentar
Del på andre sider

4 timer siden, Lars E. Øyane skrev:

** Ei anna utfordring er forresten: Dødsmeldingi etter Else Iversen seier noko om født Y....., men dette greier ikkje eg å tyda!

 

Jeg klarer ikke å tyde hele ordet, men lurer på om første bokstav ikke er en "Y", men en "S". Hvis du sammenligner med Manuel som står oppført litt lenger ned på siden, så var han "hjemmehørende i Spanien". "S"-en i Spanien ligner også på en "Y".

 

5a564bc1cab92_Skjermbilde2018-01-10kl_18_21_20.png.b48cb522683fb244fe63208191d6bd66.png

 

5a564bc40c718_Skjermbilde2018-01-10kl_18_21_38.png.fee7d92d92721ea01bd20fc2682b67ff.png

 

https://media.digitalarkivet.no/view/23997/81

 

Lenke til kommentar
Del på andre sider

1 time siden, Lars Waaltorp skrev:

Jeg klarer ikke å tyde hele ordet, men lurer på om første bokstav ikke er en "Y", men en "S".

 

Enig.

Og: Kan det vera "Strand"?

helsing Richard

 

PS. Strand er eit stadnamn i Storelvdal.

Endret av Richard Johan Natvig
Lenke til kommentar
Del på andre sider

5 timer siden, Lars E. Øyane skrev:

a. Gurine Olsdotter Iversen, f. i Bergen 25.9.1815, vart konfirmert i Bergen i 1831,

 

Ei Jomfu Gurine Iversen døyr i Bergen 13. febr. 1854:

 

SAB, Nykirken Sokneprestembete, H/Haa: Ministerialbok nr. E 2, 1850-1868, s. 119
Brukslenke for sidevisning: https://media.digitalarkivet.no/kb20070301690027

 

Helsing Richard

Lenke til kommentar
Del på andre sider

Skudd i blinde:

 

https://www.digitalarkivet.no/view/327/pv00000000194321

 

Nr. 1 - 1848:

Bergen fylke, Nykirken i Nykirken, Ministerialbok nr. D 1 (1834-1861), Viede 1848, Side 75
https://media.digitalarkivet.no/view/8362/76

 

https://www.digitalarkivet.no/view/255/pd00000007405839

Bergen fylke, Domkirken i Domkirken, Ministerialbok nr. B 3 (1851-1859), Fødte og døpte 1851, Side 5
https://media.digitalarkivet.no/view/8326/5

 

https://www.digitalarkivet.no/view/255/pd00000007403491

Bergen fylke, Domkirken i Domkirken, Ministerialbok nr. B 3 (1851-1859), Fødte og døpte 1854, Side 200
https://media.digitalarkivet.no/view/8326/200

 

Bergen fylke, Domkirken i Domkirken, Ministerialbok nr. E 2 (1853-1863), Døde og begravede 1854, Side 106 - nr. 69

https://media.digitalarkivet.no/view/8335/106

 

Bergen fylke, Bergen, Dødsfallsprotokoll nr. 2 (1847-1861), Dødsfallsprotokollside, Side 163b-164a - nr. 2 ovenfra:

https://media.digitalarkivet.no/view/23996/166

 

Severin giftet seg på nytt i Sogndal i oktober 1855

Sogn og Fjordane fylke, Stedje, Kaupanger, Norum i Sogndal, Ministerialbok nr. A 12II (1847-1877), Viede 1855, Side 253
https://media.digitalarkivet.no/view/8413/27

 

Dette er et skudd i blinde, fant konfirmasjonen til Anne Serenne, datter av Ole Iversen og Anna Gullachsdatter. Da kan vi glemme dette innlegget!

Endret av Grethe Flood
Lenke til kommentar
Del på andre sider

5 timer siden, Lars E. Øyane skrev:

Hans Jochum Olson Iversen, f. i Bergen 11.1.1819, d. i Drammen 20.3.1872.  Hans gifte seg på Bragernes i Drammen 14.8.1853 med Marthe Elisabeth, kjend som Elise Thomasdotter Seeberg, f. i Tønsberg 24.12.1826.  Ho d. i Drammen 23.11.1911.  Hans var kjøpmann, og han og Marthe budde på Bragernes i Drammen.  Dei var barnlause.

Hans og Marthe Elise i 1865, i Drammen:

https://digitalarkivet.no/census/person/pf01038080002021

 

PS. Oppdaga etterpå at desse har du kontroll på.

Endret av Richard Johan Natvig
Lenke til kommentar
Del på andre sider

Hjarteleg takk til Lars W., Richard og Grethe for spennande og nyttige innlegg!

 

Når eg ser nærare på namnet til Else, er eg samd i at det godt kan stå «Strand», og når Strand attpåtil førekjem som eit stadnamn i Storelvdal, høyrest ikkje det so urimeleg ut.  Kanskje var det namnet på husmannsplassen under Hovde i Storelvdal, der eg mistenker Else for å vera fødd?  Kanskje andre har tankar kring dette?

 

Elles er eg ganske so overtydd om at Richard har finne dødsfallet til «vår» Gurine i 1854.  Alderen stemmer «på ein prikk»!

 

Og eg har verkeleg sansen for «blindskòti» til Grethe!  Det må jo vera «vår» Sirene Anna, då kalla Anna Serene, som du har finne gift i Nykyrkja 1848!  Den originale vigsli seier at faren heitte Ole Iversen, og alderen passar jo «perfekt».  Dessutan; det finst ingen andre med dette namnet fødde i Bergen i åri kring1821!  MEN, dersom det verkeleg vart ho, må vel dei to borni hennar vera avlidne før 1857, for elles hadde det vel stått at Ole Iversen òg etterlet seg «umyndige barneborn»?  Eller kva meiner de?

 

Ein ny kjempetakk for framifrå bistand til kartleggjing av denne huslyden!  Ein av dei to sønene, Iver Johan eller Andreas, må vel òg ha vore i live i 1857, men kva for ein?

Lenke til kommentar
Del på andre sider

10 minutter siden, Lars E. Øyane skrev:

Og eg har verkeleg sansen for «blindskòti» til Grethe! 

 

Jeg fant konfirmasjonen til Anne Serene i DK og hun har andre foreldre enn din Serine Ane! Ole Iversen og Anne Gullachsdatter:

 

 

Endret av Grethe Flood
Lenke til kommentar
Del på andre sider

2 timer siden, Richard Johan Natvig skrev:

 

Enig.

Og: Kan det vera "Strand"?

helsing Richard

 

PS. Strand er eit stadnamn i Storelvdal.

 

Bergens Adressecontoirs Efterretninger 04.04.1857

Dødsfall 1857.jpg

  • Liker 1
Lenke til kommentar
Del på andre sider

2 timer siden, Lars E. Øyane skrev:

Elles er eg ganske so overtydd om at Richard har finne dødsfallet til «vår» Gurine i 1854.  Alderen stemmer «på ein prikk»!

 

Her er bekreftelsen på at dette var datteren til Ole og Else:

 

Bergens Adressecontoirs Efterretninger 16.02.1854:

5a56851d3437d_Skjermbilde2018-01-10kl_22_24_17.png.67012211267a80db7211294dacfb10f9.png

 

  • Liker 2
Lenke til kommentar
Del på andre sider

Hjarteleg takk til Grethe og Lars W. for mange nye spennande, men ogso avklarande innlegg!

 

I innlegg #16 nemner Grethe at Ole Iversen tok borgarskap i 1828 og at han då er oppgjeven fødd i «Nordlands Amt».  Denne opplysningi var for meg eit skikkeleg «skòt for baugen», og om dette er rett, so er Ole Iversen i Bergen IKKJE «vår» Ole Iverson frå Kvam i Hafslo!

 

Siste gongen «vår» Ole Iversen sikkert er nemnd, er i Undersøkjingskommisjonen for Bergen frå 1804.  Då er han køyrekar hjå far sin, Iver Olsen, i 22. rode nr. 73, og medan faren er oppgjeven fødd i Hafslo, oppgjev lista feilaktig at Ole var fødd i Krosskyrkjesokni:

 

https://www.digitalarkivet.no/view/215/pp00000000013682

https://www.digitalarkivet.no/view/215/pp00000000013683

 

Alderen til «vår» Ole Iversen stemmer heilt nøyaktig med alderen til Ole Iversen, kjøpmannen i Bergen, men som eg òg seier i innlegg #1, so «gifte (han) seg visstnok i Aker, Christiania 4.1.1815 med ei Else Iversdotter»

 

Då lyt me altso søkja etter «vår» Ole Iversen på ny, men kvar??  Døydde han kan henda i ung alder i Bergen?

 

Faren Iver Olsen vart enkjemann i Bergen i 1803 (då andre kona Gedske Johansdotter døydde, gravlagd 13.1.1803), og nokre år etter flytte han attende til Hafslo der han døydde som innerst på garden Hauge i 1811, gravlagd 14.10.1811.  Attåt sonen Ole hadde han i første ekteskapet sitt med Kirsti Lassesdotter (1743-1784) òg ei dotter:

 

~~~~~~~~

 

Elisabeth Iversdotter, døypt i Hafslo 12.2.1779,

Elisabeth Iversdotter flytte til Bergen med foreldri sine i 1784, men vart sidan tenestejente i Gulen der ho 16.7.1820 gifte seg med Johannes Ellingson frå Vedvik i Gulen.  Han var son av husmann El-ling Johannesson i Vikane under Vedvik, opphavleg frå Holum i Aurland, og kona Mari Sjursdotter frå Buene, Lagmannsvik i Leikanger, men vart døypt i Gulen 29.9.1787.  Johannes og Elisabeth tok over heimeplassen hans i Vikane under Vedvik i Gulen der dei budde levetidi ut.  Elisabeth d. som husmannskone på Vedvik 18.12.1856, medan Johannes d. som enkjemann same staden 18.3.1869.  Dei var barnlause.

 

~~~~~~~~

 

men om dette hjelper oss til å finna «vår» Ole Iversen, er vel tvilsamt...  Eller kan han òg vera flytt til Gulen?

 

Eg har i ettertid «justert» titelen på dette emnet for å tilpassa meg den nye situasjonen...

 

Eg takkar på ny for alle gode tips som kan hjelpa til å finna lagnaden til «vår» Ole Iverson!

Endret av Lars E. Øyane
Lenke til kommentar
Del på andre sider

Hjarteleg takk til Grethe for siste kommentar!

 

Du må tru eg har vore inne på same tanken som deg, men kor sannsynleg er det at fødestaden i borgarboki er so «unøyaktig»?

 

Eit anna element som eg har lyst til å trekka fram og som kan vera ein indikasjon på at dette verkeleg er ein annan Ole Iverson:

 

* Han døyper eldste dotter si for Gurine, medan andre dotteri er Sirene Ana.

 

Dersom me har finne den «rette» Else Iversdotter i Storelvdal, so heitte mor hennar Siri, og ho vart kalla opp gjennom andre dotteri Sirene.  «Logisk sett» burde soleis Ole Iversen ha ei Guri eller Gurine til mor, MEN me veit han miste mor si som barn, og Gedske Johansdotter kom inn som stemor alt 28.5.1786 då «vår» Ole var 5 år gamal...!  Kanskje Gedske vart til Gurine ved oppkalling?

 

Ser me på vigsli til den seinare kjøpmannen i Bergen, Ole Iversen, med Else Iversdotter Bakke i Aker 4.1.1815, ser me det står ingen verdens ting om kvar dei to kan ha vore ifrå:

 

https://media.digitalarkivet.no/view/757/195

 

Eller finst det kan henda ei anna truloving nokon stad?

 

Her er forresten dåpsforretningane til Ole og Else sine born i Bergen:

 

* Gurine, døypt Krosskyrkja 27.10.1816: https://media.digitalarkivet.no/view/8676/188

 

* Iver Johan, døypt Krosskyrkja 16.2.1817: https://media.digitalarkivet.no/view/8676/203

 

* Hans Jochum, døypt Krosskyrkja 31.1.1819: https://media.digitalarkivet.no/view/8676/224

 

* Sirene Ana, døypt Krosskyrkja 18.1.1822: https://media.digitalarkivet.no/view/8683/85

 

* Andreas, døypt Krosskyrkja 21.11.1824: https://media.digitalarkivet.no/view/8684/35

 

* Ole, døypt Nykyrkja 20.4.1828: https://media.digitalarkivet.no/view/8726/55

 

Eg har sett på fadrane til desse borni, og nokre av namni synest gå att fleire gongar, men ingen av dei kan eg knyta opp til korkje Ole eller Else!

 

Her er forresten «vår» Ole Iversen i FT1801 i 23. rode nr. 79 i Bergen i lag med far og stemor: https://www.digitalarkivet.no/census/person/pf01058390017439

 

Eg finn ikkje Ole konfirmert i Nykyrkja i Bergen (med mindre det er han som vart konfirmert so seint som i 1802!?), og heller ikkje finn eg søsteri Elisabeth (f. 1779), men kan henda vart ho konfirmert i Gulen dern ho ser ut til å ha butt alt i 1801...!?

 

Dette er ein skikkeleg «utfordrande» huslyd, men eg takkar på ny for framifrå bistand til å klara opp i lagnaden til Ole Iversen!

Lenke til kommentar
Del på andre sider

  • 3 år senere...

Ser det er ei stund siden det har vært aktivitet i denne tråden.

 

jeg har vært på leting etter en Ole Iversen Eggemoen født 1780 i Alvdal, gift med Else Strand, og senere bosatt på Nordnes i Bergen. Hans foreldre var Iver Haldosen Eggemoen og Goro Olsdatter Lillesteien, begge fra Alvdal. De reiste til Finnset i Sørreisa i 1792. 
 

Kilde: Alf Eggset: Alvdal Bygdebok - Bind 2. side 129

 

Jeg antar at det er denne Ole og Else hovedsakelig har dreid seg om, selv om den egentlig ikke skulle gjøre det. 

Lenke til kommentar
Del på andre sider

Innlegg #23:

 

Hjarteleg takk til Eiliv for eit spennande innlegg!

 

So vidt eg kan forstå, har du no identifisert kjøpmann Ole Iversen i Bergen.  Ifølgje borgarboki skulle han vera frå «Nordlands Amt», og sjølv om han tydeleg var fødd i Alvdal, ser han ut til å vera oppvaksen i Sørreisa (Nordlands Amt).  Mor hans heitte Goro, og oppkallingi gjennom Gurine er soleis òg «legitimert»!

 

Då er me attende til «square #1» når det gjeld lagnaden til «vår» Ole Iverson (Quam) frå Hafslo.  Han vart døypt i Hafslo 6.12.1780 og (jmf. innlegg #19 over) vart siste gongen sikkert nemnd i Undersøkjingskommisjonen for Bergen frå 1804.  Då er han køyrekar hjå far sin, Iver Olsen, i 22. rode nr. 73, og medan faren er oppgjeven fødd i Hafslo, oppgjev lista feilaktig at Ole var fødd i Krosskyrkjesokni:

 

https://www.digitalarkivet.no/view/215/pp00000000013682

https://www.digitalarkivet.no/view/215/pp00000000013683

 

Far hans flytte sidan attende til Hafslo og døydde der, medan einaste søsteri hans vart gift i Gulen og budde der.

 

Men kvar vart det so av «vår» Ole Iverson (Quam)?

 

Eg takkar endå ein gong so mykje for alle gode tips!

Lenke til kommentar
Del på andre sider

Join the conversation

Du kan poste nå og registrere deg senere. If you have an account, sign in now to post with your account.

Gjest
Skriv svar til emnet...

×   Du har limt inn tekst med formatering.   Fjern formatering

  Only 75 emoji are allowed.

×   Lenken din har blitt bygget inn på siden automatisk.   Vis som en ordinær lenke i stedet

×   Ditt forrige innhold har blitt gjenopprettet .   Tøm tekstverktøy

×   You cannot paste images directly. Upload or insert images from URL.

 Del

  • Hvem er aktive   0 medlemmer

    • Ingen innloggede medlemmer aktive
×
×
  • Opprett ny...

Viktig Informasjon

Arkivverket bruker cookies (informasjonskapsler) på sine nettsider for å levere en bedre tjeneste. De brukes til bl.a. skjemaoppdateringer og innlogging. Bruk siden som normalt, eller lukk informasjonsboksen for å akseptere bruk av cookies.