Transkriberte passasjerlister for perioden 1851 til 1865 - berre hjå Norway/Norwegian Heritage? - kontakt dit?

[Lars E. Øyane]

I arbeidet med ulike emner som har å gjera med emigrantar til Amerika, kjem det fram utdrag av passasjerlister som visstnok skal vera lagra hjå Norway/Norwegian Heritage.  Særleg gjeld dette perioden frå 1851 til 1865, der me ikkje har noko anna å hjelpa oss med!

 

For ei tid sidan fekk eg ein kontaktadresse som eg skreiv til og innbaud til samarbeid om identifikasjon av emigrantane, men eg er no ikkje i stand til å finna denne k0ntaktadressa att, og eg fekk heller ALDRI noko svar!

 

Kan nokon i Brukarforum gje meg eit råd her?  Det burde jo vera i alle sin interesse å sjekka desse passasjerlistene for å få namni mest mogeleg rette!?  Og når desse originallistene ein gong er skrivne av, burde det vera fornuftig ikkje å skriva dei av ein gong til...!?

 

Eg takkar so mykje på førehand for alle gode tips!

[Dag Thorsdalen]

Er det denne du tenker på, Lars?

http://www.norwayheritage.com/ships/address.htm 

 

[Lars E. Øyane]

Hjarteleg takk til Dag for nytt innlegg!

 

Jau, det var denne databasen eg tenkte på, og då var det vel Børge Solem eg skreiv til den gongen, men som eg aldri høyrde attende ifrå...

 

Eg har no vore inn og sjekka nokre årstal, og medan mange lister synest bra fullstendige - og spennande - ser eg òg at ein del lister manglar.  Kanskje finst dei ikkje i original heller?  Eg var særleg spent på 1861 og 1862 då fleire hundre personar utvandra berre frå Luster kommune...

 

Vel, eg lyt vel sjå litt meir på dei listene som er tilgjengelege...