Tydehjelp - kongeskøyte 1724 (Skodje kyrkje)

[Erling Hagerup]

Frå Peder Fylling («Bidrag til søndmørsk Personalhistorie», 1875) har eg notert at Peder Jetmundsen Honningdal i 1723 kjøpte Skodje kyrkje for 347 riksdalar og 20 skilling.

Eg har no sett på den skanna utgåva av skøytet (Sunnmøre sorenskriveri, Pantebok nr. 2, 1724-1743, s. 22):

https://www.digitalarkivet.no/tl20080929660019

I dette dokumentet er det fleire ord som eg finn problematiske, og eg vil vere takksam for tydehjelp.

Det aktuell skøytet startar på øvste halvdel folio 21b. Frå den sjuande lina i dette skøytet tyder eg teksten slik: «Auctioner ofver de i Bergens Stift i Vort Riige Norge beliggende og os tilhørende Kierker paa hvilke auctioner Peder Honningdahl sig hafver tilforhandlet og er blefven høistbydende paa Schaadie annex Kierke under Borgunds hofved Kierke udi Sundmøers Provstie for Tree hundrede og Thi Rixdahler Croner eller i Dessen (?) Mangel 12 Procto. Cron (Lagie??) saa (efterdi for berørte??) Peder Honningdahl betalingen derfore Nembl. udi Courant Trei hundrede (og førgetiuge??) og Siuf Rixdahler Tiuge skilling til voris Stiftampskriver udi Bergen” (hadde betalt etter kvittering 09.06.1724).

Eg er først og fremst interessert i hjelp til å tyde opplysninga om kor mykje Peder Honningdal betalte (i tillegg til summen 300 rd). Er ”førgetiuge” korrekt tyda? Kor mykje er i så fall dette? Kan det bli 40 rd. som Peder Fylling ser ut til å ha lagt til grunn? (300 + 40 + «Siuf» = 7)?

Riksdalar kroner (kroneriksdalar) har eg forstått er ei anna nemning for riksdalar kurant. Om den betalte summen er 347 rd kurant + 20 sk, er den i så fall 37 rd og 20 skilling høgare enn auksjonsbodet på 310 rd. Kan differansen vere rente (12 % - «Procento»)? Kva tyder orda som eg under tvil les slik: Cron (Lagie??)

[Ivar S. Ertesvåg]

Eg les det meste sånn du gjer.  (dobbel f eit par stadar, som "Stifft").

Men eg trur det er "Cron Tage" - men eg finn ikkje noko forklaring.

Ja - eg les "førgetiuge", som tyder 40 https://ordnet.dk/ods/ordbog?query=fyrretyve

12% påslag for 310 rd vert 347 rd 19 1/5 skilling; avrunda oppover til 347 - 0 - 20; så det er nok snakk om eit påslag på 12 %.

[Erling Hagerup]

Tusen takk for god hjelp!! At "førgetiuge" skulle vere eit talord lik "fire tiarar",🙄 hadde eg aldri greid å gjette.

[Ola Teige]

Det er ikke  "Cron Tage" men "Cronlagie", det vil si en omvekslingsavgift, https://ordnet.dk/ods/ordbog?query=lagie.

 

I dette tilfellet ble avgiften forlangt siden prisen på kirken var satt i riksdaler kroner, men ble betalt i riksdaler kurant. Riksdaler kroner var var betegnelsen på en sum i riksdaler betalt med såkalt «grov» eller stor kurant, dvs. i krone-mynt. Riksdaler kurant var betegnelsen på riksdaler betalt med småmynt (kurant) eller sedler. Begge deler forholdt seg til riksdaler species som var en "ideell" riksdaler, som ble brukt som regnskapsenhet. Myntsystemet er forklart her: https://lokalhistoriewiki.no/wiki/Leksikon:Daler.

 

At det var omvekslingsavgifter mellom ulike typer mynt som ble brukt har med sølvinnhold i myntene osv. å gjøre.

 

 

Endret Mai 27, 2018 av Ola Teige

[Erling Hagerup]

Takk for interessante og oppklårande opplysningar. Tillegget på 12% var altså ikkje rente, men omvekslingsavgift.