Gjert Gunderson (Asch), matros frå Askvoll, og Gjertrud Marie Madsdotter - vigde i Bergen 1784 - kven var desse folki? - kan Gjertrud ha vore fødd i Årdal i 1759?

[Lars E. Øyane]

Eg har oppdaga eit spennande par i Bergen som eg treng litt hjelp til å identifisera:

 

Gjert Gunderson (Asch) og Gjertrud Marie Madsdotter

vart trulova i Domkyrkja i Bergen 12.9.1784: https://media.digitalarkivet.no/view/4560/115

og vigde i Domkyrkja i Bergen 24.101784: https://media.digitalarkivet.no/view/8640/53

 

Eg finn desse borni:

* Anna Gurine, fødd i Domkyrkja 14.8.1785: https://media.digitalarkivet.no/view/8635/127

* Anna Gurine, fødd i Nykyrkja 28.6.1787: https://media.digitalarkivet.no/view/8719/65

* Gjertrud Marie, fødd i Nykyrkja 30.7.1791: https://media.digitalarkivet.no/view/8719/91

* Guner Olai, fødd i Nykyrkja 29.6.1795: https://media.digitalarkivet.no/view/8719/113

* Petricke Marie, fødd i Nykyrkja 6.3.1797: https://media.digitalarkivet.no/view/8719/123

* Gjert Andreas, fødd i Nykyrkja 17.3.1802: https://media.digitalarkivet.no/view/8719/153

 

Her finn me huslyden i FT1801 i Bergen med berre ei dotter buande heime: https://www.digitalarkivet.no/census/person/pf01058390005605

 

Undersøkjingskommisjonen 1804/1805 syner Gjert Gunderson fødd i Askvoll: https://www.digitalarkivet.no/view/215/pp00000000010378

 

Men eg finn ikkje nokon Gjert Gunderson fødd i Askvoll til «rett tid».

 

Når det gjeld Gjertrud Marie Madsdotter, so er det ho som spesielt fangar mi merksemd.  Eg mistenker ho nemlig for å vera den «forsvunne» Gjertrud Madsdotter som var yngste dotter av Mads Pederson frå Kinserdalen i Hafslo - jmf. tema: https://forum.arkivverket.no/topic/188074-mads-pederson-kinserdal-1735-1768-frå-hafslo-til-årdal-frå-årdal-til-bergen-lagnad-til-huslyden/?tab=comments#comment-1767055

 

og difor lurer eg på om det let seg gjera finna fleire detaljar om ho gjennom eit særskilt tema som dette.  Me har eit par indisiar på at dette godt KAN vera «vår» Gjertrud:

 

** Eg reknar med at ho ikkje hadde søsken i Bergen utover broren Peder Madson Dahl som døydde i 1795, og ingen Madsborn er nemnde som fadrar!

 

** Dei eldste to døtrene heitte Anna Gurine - mor til «vår» Gjertrud heitte Anna Eriksdotter!

 

** Dotteri Petriche Marie frå 1797 kan ha fått namn etter broren Peder som døydde i 1795.

 

Skiftet frå 1805 der Gjertrud er nemnd som erving og busett i Bergen, gjev oss eit inntrykk av at ho den gongen var ugift - kanskje var ho enkje??  Ho ser ut til på ha gift seg att i Nykyrkja i Bergen 14.6.1812 med matrosen Clement Jensson!?

 

Eg takkar so mykje på førehand for alle gode tips om denne huslyden og vonar at ein eller annan kan hjelpa meg finna prov på identiteten til Gjertrud Madsdotter!?

[Ivar Moe]

1801

[Ivar Moe]

kommunikant

https://www.digitalarkivet.no/view/321/pn00000000039334

 

Skifte etter Giert ?

https://www.digitalarkivet.no/view/27/pa00000000622854

Endret Desember 11, 2018 av Ivar Moe

[Torbjørn Igelkjøn]

6 timer siden, Ivar Moe skrev:

Skifte etter Giert ?

https://www.digitalarkivet.no/view/27/pa00000000622854

 

Sogn og Fjordane fylke, Svanøy birk i Sunnfjord, Skifteprotokoll nr. A 15 (1779-1806), Skifteprotokollside, Side 53b-54a
Brukslenke for sidevisning: https://www.digitalarkivet.no/sk20081127620056
 

Fråbyte 3/7 1783 på Hov, Viksdalen i Gaular forlangt av enkemannen, Gjert Gunnarson Hov til deling mellom hans born og borneborn.

[Torbjørn Igelkjøn]

Sogn og Fjordane fylke, Sunnfjord, Skifteprotokoll nr. A 7b (1761-1763), Skifteprotokollside, Side 407b-408a
Brukslenke for sidevisning: https://www.digitalarkivet.no/sk20081126660113
 

Skifte på Ask 18/4 1763 etter avgangne Gunnar Olsson mellom enkja, Ane Nilsdtr. og den Sal. manns etterlatne born og arvingar...

 

1. Ole Gunnarson, busett på garden Vik.
2. Bendik Gunnarson, soldat og utkommandert i kongens teneste.
3. Gjert Gunnarson, 11 år gammal.
4. Nils Gunnarson, 3 år.
5. Anna Gunnarsdtr., 20 år gammal.
6. Kari Gunnarsdtr., 18 år.
7. Siri Gunnarsdtr., 7 år.
Laugverge: Lars Nilsson Årteig.
Formyndar for Gjert og Nils: Halvbroren, Ole Gunnarson Vik.
For Anne Gunnarsdtr.: Morbroren, Otte(?) Nilsson Øen.
For Kari Gunnarsdtr.: Morbroren, Lars Nilsson Årteig.
For Sigri Gunnarsdtr.: Morbroren Ingebrigt Nilsson Bruland.
For den fråverande Bendik Gunnarson vart tilsett som kurator: Broren, Ole Gunnarson Vik.

Vidare er det nemnt at Bendik Gunnarson har inneståande morsarv etter skiftebrev av 16/9 1741 og etter Lasse Steinset. Også Ole Gunnarson Vik har inneståande arv etter Lasse Steinset.

 

Bygdeboka for Askvoll, Folket, 2A, s. 293:

 

"Gunder Olsson Myrmel
hadde br. 1761 og 62, skf.
1763. G. II Anne Nilsdtr., sjå
Gaularboki, s. 301.

 

7 born 1763.
5 felles.
Ingen fødde her."

 

"Gamle" Gaularboka, s. 301: Myrmel, br. nr. 6:

 

"Gunnar Olson og Anna. Sjr. 1758."

 

"Nye" bygdeboka for Gaular, bd. 5, s. 426:

 

 

Ein kan her seie aikkert at utdraget frå "nye" bygdeboka for Gaular inneheld feil, sidan Brite Nilsdotter ikkje kan vere mor til born fødde i 1714/1718 OG i 1756.

Endret Desember 12, 2018 av Torbjørn Igelkjøn

[Torbjørn Igelkjøn]

Det som står i den "nye" bygdeboka for Gaular er berre tull. Eg har funne skiftet frå Steinset som er referert til i skiftet ovanfor, og der får ein vite kva fyrste kona til Gunnar Olsson Myrmel verkeleg heitte:

 

Sogn og Fjordane fylke, Svanøy birk i Sunnfjord, Skifteprotokoll nr. A 13a (1742-1763), Skifteprotokollside, Side 65b-66a
Brukslenke for sidevisning: https://www.digitalarkivet.no/sk20081126700529
 

Skifte 3/8 1747 på Steinset i Guddal i Fjaler etter avdøde Lasse Andersson som budde og døydde same stad mellom enkja, Gjertrud Andersdtr. og dei 10 borna frå to ekteskap:

 

7. Gjertrud Lassesdtr., var gift med Gunnar Olsson Myrmel, er død og har etterlate seg 2 søner:
Ole Gunnarson, omtrent(?) 16 år gammal og Bendik Gunnarson, på 10. år gammal. Begge heimeverande hos faren, som var nærverande.

[Lars E. Øyane]

Hjarteleg tak til Ivar og Torbjørn for spennande og interessante innlegg!

 

Eg hadde behov for litt tid til å forstå samanhangen her, men er komen til følgjande konklusjonar:

 

* Gunder Olson var først i mange år gardbrukar på Myrmel i Gaular der alle borni var fødde, men flytte tydeleg kring 1761 til garden Ask i Askvoll,

 

* Gjert Gunderson var med andre fødd i Gaular kring 1752, men er rimelegvis oppvaksen på Ask i Askvoll!?

 

* Mor til Gjert Gunderson heitte Anna Nilsdotter, som òpnar for ei mogeleg oppkalling av eldste døtrene etter Gjert og Gjertrud, Anna Gurine (sjølv om eg hadde vona det var mor hennar,Anna Eriksdotter, som var oppkalla.. - kanskje båe...)

 

Då er opphavet til Gjert Gunderson «på plass», men er det mogeleg å finna fleire detaljar om lagnadane til Gjert og Gjertrud i Bergen?  Var det ho som i 1812 gifte seg att med matrosen Clement Jensson?

 

Ein Clement Jensson Møklebust, dagarbeidar, 59 år, døydde i Bergen 11.11.1828: http://gda.arkivverket.no/cgi-win/webcens.exe?slag=visbase&sidenr=1&filnamn=1301begr&gardpostnr=2635&merk=2635#ovre

 

Ser me på FT1815 for Bergen, ser me at det må vera han: https://www.digitalarkivet.no/census/person/pf01051079005498

 

Ser ut til at Clement òg var frå Askvoll:

 

Name	Clemens Jensen
Gender	Male
Christening Date	17 Jan 1769
Christening Place	, ASKVOLL, SOGN OG FJORDANE, NORWAY
Father's Name	Jens Clementsen
Mother's Name	Orlog Andersdr

 

Einaste Gjert Gundersen eg finn som avliden i Bergen er denne på 29 år som døydde på sjukehuset 23.6.1808 - mektig feil alder, men likevel «vår mann»: http://gda.arkivverket.no/cgi-win/webcens.exe?slag=visbase&sidenr=1&filnamn=bedo1668&gardpostnr=61750&personpostnr=61750#nedre

 

Men greier nokon å finna dødsfallet til Gjertrud Marie Madsdotter?

 

Ein ny kjempetakk for framifrå bistand i freistnadane på å identifisera denne huslyden!

[Torbjørn Igelkjøn]

1 time siden, Lars E. Øyane skrev:

Einaste Gjert Gundersen eg finn som avliden i Bergen er denne på 29 år som døydde på sjukehuset 23.6.1808 - mektig feil alder, men likevel «vår mann»: http://gda.arkivverket.no/cgi-win/webcens.exe?slag=visbase&sidenr=1&filnamn=bedo1668&gardpostnr=61750&personpostnr=61750#nedre

 

 

Også i den skanna utgåva står det 29 år. Høgre side:

Bergen fylke, Domkirken i Domkirken, Ministerialbok nr. A 9 (1776-1821), Døde og begravede 1808, Side 146-147
Brukslenke for sidevisning: https://www.digitalarkivet.no/kb20070306660434
 

[Torbjørn Igelkjøn]

1 time siden, Lars E. Øyane skrev:

Ein Clement Jensson Møklebust, dagarbeidar, 59 år, døydde i Bergen 11.11.1828: http://gda.arkivverket.no/cgi-win/webcens.exe?slag=visbase&sidenr=1&filnamn=1301begr&gardpostnr=2635&merk=2635#ovre

 

Ser me på FT1815 for Bergen, ser me at det må vera han: https://www.digitalarkivet.no/census/person/pf01051079005498

 

Ser ut til at Clement òg var frå Askvoll:

 

Name	Clemens Jensen
Gender	Male
Christening Date	17 Jan 1769
Christening Place	, ASKVOLL, SOGN OG FJORDANE, NORWAY
Father's Name	Jens Clementsen
Mother's Name	Orlog Andersdr

 

Då er me i Øn i Hyllestad, og som høyrde til Askvoll og Sunnfjord fram til Hyllestad vart eigen kommune i 1860-åra. Ein finn att familien på side 68 i bygdeboka for Hyllestad, bind 1:

 

[Torbjørn Igelkjøn]

2 timer siden, Lars E. Øyane skrev:

Men greier nokon å finna dødsfallet til Gjertrud Marie Madsdotter?

 

Mogeleg kandidat: Gertrud Møglebust f. kring 1757 og død 14/6 1939 - Enkje - af Søfarendes Fattighuus

https://www.digitalarkivet.no/view/267/pg00000000454454

 

Nederst på høgre side:

Bergen, Hordaland fylke, St. Jørgens hospital, Strusshamn (Askøy), Årstad i St. Jørgens hospital, Ministerialbok nr. A 3 (1815-1843), Døde og begravede 1839, Side 137
Brukslenke for sidevisning: https://www.digitalarkivet.no/kb20070418620256

 

Midt på høgre side:

Bergen, Hordaland fylke, St. Jørgens hospital, Strusshamn (Askøy), Årstad i St. Jørgens hospital, Klokkerbok nr. A 1 (1816-1843), Døde og begravede 1839, Side 141
Brukslenke for sidevisning: https://www.digitalarkivet.no/kb20070418620511
 

Endret Desember 12, 2018 av Torbjørn Igelkjøn

[Torbjørn Igelkjøn]

Eg legg inn trulovinga her, sjølv om den ikkje gjev ny informasjon. Gjert og Gjertrud trulova 27/4 1811. Øverst på venstre side:

 

Bergen fylke, Nykirken i Nykirken, Ministerialbok nr. A 8 (1776-1814), Viede 1811, Side 173
Brukslenke for sidevisning: https://www.digitalarkivet.no/kb20070416620638
 

[Lars E. Øyane]

Hjarteleg takk til Torbjørn for nye spennande innlegg om denne huslyden!

 

Det kan sjå ut som om du har finne dei detaljane som mangla om Gjertrud, Gjert og Clemens.  Det einaste me no ma nglar er prov på opphavet hennar Gjertrud.

 

Som du kanskje har sett av emnet om Mads Pederson, har eg finne tre alkternative «kandidatar» til Gjertrud Marie Madsdotter (kjelde FamilySearch):

 

* Martha Gjertrud Madsdotter, døypt Askvoll 22.2.1762 - far: Mads Gremelien

 

* Gjertrud Madsdotter, døypt Veøy 22.10.1758 - far Mads Olson

 

* Gjertrud Marie Madsdotter, døypt i Nykyrkja, Bergen 9.12.1764 - foreldri Mads Hansson Sæbye og Alkie Meyer

 

og nettopp no fann eg ei til:

 

* Gjertrud Madsdotter, døypt i Bud 5.7.1761 - far Mads Olson; https://www.digitalarkivet.no/view/255/pd00000012459444

 

Har du Torbjørn eller andre kjelder som kan identifisera Martha Gjertrud frå Gremelien 1762?

 

Når det gjeld Gjertrud Madsdotter frå Veøy, har eg lagt ut eit eige tema om ho og huslyden hennar, so får me sjå om nokon greier finna ut av ho?  Dersom mor hennar verkeleg heitte Gyri Nilsdotter, siglar denne Gjertrud opp som ein god «kandidat» for Gjertrud i Bergen, men eg sit ikkje med nokon «fasit»...

 

https://forum.arkivverket.no/topic/228400-gjertrud-madsdotter-fødd-på-remmeim-i-veøy-1758-dotter-av-mads-olson-er-det-nokon-som-kjenner-lagnaden-til-denne-jenta-bygdebokoppslag/

 

Eg har ogso lagt ut eit eige tema om Gjertrud Madsdotter frå Bud: https://forum.arkivverket.no/topic/228404-gjertrud-madsdotter-fødd-på-thorhaugen-i-hustad-bud-1761-dotter-av-mads-olson-er-det-nokon-som-kjenner-lagnaden-til-denne-jenta-bygdebokoppslag/

 

Ein ny kjempetakk for framifrå bistand i freistnadane på å kartleggja denne huslyden!

[Torbjørn Igelkjøn]

På 12.12.2018 den 4.17, Torbjørn Igelkjøn skrev:

Ein kan her seie aikkert at utdraget frå "nye" bygdeboka for Gaular inneheld feil, sidan Brite Nilsdotter ikkje kan vere mor til born fødde i 1714/1718 OG i 1756.

 

Eg må ha vore litt trøytt då eg skreiv dette, for det står ikkje at det er Brita som er mor til dottera som vart fødd i 1756. Men om det som står i bygdeboka for Gaular er rett må i så fall Gunnar ha vore gift 3 gonger. Men dette har uansett ikkje relevans for det som Lars spør om.

[Torbjørn Igelkjøn]

1 time siden, Lars E. Øyane skrev:

Har du Torbjørn eller andre kjelder som kan identifisera Martha Gjertrud frå Gremelien 1762?

 

Nei, diverre. Heilt til slutt under Grimelid Øvre i Askvoll 2A, side 23 står det m.a. opplista nokre born som forfattaren meiner skal vere gruvearbeidarborn, og dette er vel då familiar som bygdebokforfattaren ikkje har greidd å plassere. Her er Martha Gjertrud Madsdtr. nemnd:

 

 

Det er alt eg greier å finne i bygdeboka.

[Lars E. Øyane]

Hjarteleg takk til Torbjørn for eit skikkeleg spennande innlegg!

 

Frå før veit me at Mads Pederson jobba ved koparverket i Årdal fram til somaren 1760, log på denne lista er det TO påfallande innførsler:

 

* Martha Gjertrud var fødd på Grimelien kopparverk i 1762, og

 

* Mads Pederson opptrer som faddar for Siri Helene fødd på kopparverket i 1763!

 

No veit ikkje eg kor lenge kopparverket på Grimelien var i drift, men kanskje me skal til Askvoll for å finna konfirmasjonane til både Peder og Gjertrud?

 

I alle høve meiner eg bestemt me er komne eit steg vidare i retning av å identifisera kona til Gjert Gunderson!

 

Ein ny kjempetakk til Torbjørn for desse imponerande opplysningane!

[Terje Hatvik]

Berre eit spørsmål, kan dette emnet ha noko som helst med dette å gjera? Eg tenkte særskilt då med frekvensen av fornamna Gjert, Gjertrud og Gunder og bygder i ytre Sogn i dette konkrete emnet/ denne tråden?? 

 

 

[Lars E. Øyane]

Hjarteleg takk til Terje for siste innlegget!

 

Som eg nettopp har gjort rede for i dette emnet: https://forum.arkivverket.no/topic/176654-bertha-gundersdotter-i-bergen-fødd-kring-1761-frå-ullensvang/

er eg ganske so overtydd om at det ikkje er nokon samanhang mellom dei to ættene, jmf. innlegg #5 over.

 

Elles oppfattar eg no kona til Gjert Gunderson som endeleg identifisert, jmf. tema: https://forum.arkivverket.no/topic/188074-mads-pederson-kinserdal-1735-1768-frå-hafslo-til-årdal-frå-årdal-til-bergen-lagnad-til-huslyden/

og eg takkar på ny for framifrå bistand i freistnadane på å komma fram til denne løysingi!

[Terje Hatvik]

Eg takkar for god tilbakemelding; men eg lurte no berre på om Gjert Gunderson f. om lag 1752 og Brita/Bertha Gundersdotter f. ca 1761 til dømes kanskje kunne vera 3.menningar - altso born av kvar sin far med namnet Gunder, eller noko i den duren?

Endret Desember 18, 2018 av Terje Hatvik

[Torbjørn Igelkjøn]

4 timer siden, Lars E. Øyane skrev:

Elles oppfattar eg no kona til Gjert Gunderson som endeleg identifisert, jmf. tema: https://forum.arkivverket.no/topic/188074-mads-pederson-kinserdal-1735-1768-frå-hafslo-til-årdal-frå-årdal-til-bergen-lagnad-til-huslyden/

og eg takkar på ny for framifrå bistand i freistnadane på å komma fram til denne løysingi!

 

Endeleg identifisert er ho vel ikkje før det dukkar opp kjelder som kan stadfeste at teorien om at Gjertrud Marie = Martha Gjertrud = dotter av gruvearbeidar Mads Pederson Kinserdal stemmer.

 

Når det gjeld Gjert Gunnarson Ask har eg forresten lagt ein del av det som er komme fram her inn i dette slektstreet:

https://www.geni.com/people/Gjert-Ask/6000000084711526699

 

Eg har også komme over følgjande trådar der desse folka tidlegare har vore drøfta:

https://forum.arkivverket.no/topic/107494-21778-gjerdt-gunnersen-ask-f1754-i-askvoll-busett-i-bergen/

https://forum.arkivverket.no/topic/107654-21940-skifte-i-askevold-1763/

https://forum.arkivverket.no/topic/113048-27425-petriche-marie-gundersen-fca-1797-gift-i-bergen-1825/

 

I begge tilfelle er følgjande kandidat nemnd som ein mogeleg ektefelle til Gjert:

 

På 13.12.2018 den 17.32, Lars E. Øyane skrev:

 

* Gjertrud Marie Madsdotter, døypt i Nykyrkja, Bergen 9.12.1764 - foreldri Mads Hansson Sæbye og Alkie Meyer

 

Endret Desember 18, 2018 av Torbjørn Igelkjøn

[Torbjørn Igelkjøn]

19 minutter siden, Terje Hatvik skrev:

Eg takkar for god tilbakemelding, men eg lurte no då på om Gjert Gunderson f. om lag 1752 og Brita/Bertha Gundersdotter f. ca 1761 til dømes kanskje kunne vera 3.menningar - altso born av kvar sin far Gunder, eller noko i den duren?

 

Gjert, Gunnar og Brita meiner eg er vanlege namn i området Gaular, Fjaler og Askvoll på 1700-talet.

[Torbjørn Igelkjøn]

I sjeleregister for Gaular 1760 finn eg følgjande karakteristikk av Gunnar og Anne på Myrmel:

 

http://gda.arkivverket.no/cgi-win/webcens.exe?slag=visbase&sidenr=1&filnamn=SJELIHOL&gardpostnr=127&merk=127#ovre

Er en skikkelig og stille Mand men plages med een slem Qvinde som hverken under Ham eller naboer Fred hvilket hun Dog wed seneste indkaldelse har Lovet at Dæmpe

 

Dette kan kanskje seie litt om bakgrunnen for at familien flytta frå Gaular kort tid etterpå.

Endret Desember 18, 2018 av Torbjørn Igelkjøn

[Ivar Moe]

8 timer siden, Torbjørn Igelkjøn skrev:

* Gjertrud Marie Madsdotter, døypt i Nykyrkja, Bergen 9.12.1764 - foreldri Mads Hansson Sæbye og Alkie Meyer

 

Denne tror jeg dere kan se bort fra,   Giertrud Marie  er å finne gift i Vik i Sogn.

https://www.digitalarkivet.no/census/person/pf01058392000052

 

Mads Sæbø og Alche Meyer i Vik

https://www.digitalarkivet.no/census/person/pf01058392000555

Endret Desember 18, 2018 av Ivar Moe

[Lars E. Øyane]

Hjarteleg takk til Terje, Torbjørn og Ivar for nye interessante og utfordrande innlegg!

 

Med omsyn til Gjetrud Marie Madsdotter Sæbye har du Ivar avklart ho for meg.  Eg meinte eg hadde vore borti dette namnet ein eller annan stad, og ganske riktig er ho med i manuskriptet mitt for gnr. 148, Moe i Hafslo:

 

~~~~~~~~~~~~~

 

Johan, kjend som Jan Adamson, døypt 28.2.1773,

Jan Reutz flytte til Vik der han 30.5.1798 gifte seg med Gjertrud Marie Madsdotter frå Sæbø i Vik.  Ho var dotter av lensmann og gardbrukar Mads Hansson Sæbye på Sæbø og kona Olkje Marie Petersdotter Meyer frå Bergen og vart døypt i Bergen 9.12.1764.  Jan og Gjertrud tok over som gardbrukarar på Sæbø i Vik der dei vart buande levetidi ut.  Gjertrud d. som kårkone på Sæbø 6.4.1844, medan Jan Reutz d. som kårmann same staden 1.4.1845.  Dei fekk seks born i lag:

 

~~~~~~~~~~~~~

 

Då er den siste «kandidaten» for Gjertrud Marie Madsdotter plassert.

 

Når du Torbjørn i innlegg #19 reiser spørsmål om me har finne rett Gjertrud, meiner eg at me no har so pass mange indisiar på at det må vera slik:

 

* Alderen hennar

 

* Mads Pederson Kinserdal må vera gruvearbeidaren som fekk dotteri Martha Gjertrud i Askvoll i 1763.

 

* Me veit frå skiftet i Sogn at Mads hadde ei dotter Gjertrud som budde i Bergen

 

* Det var berre ei anna Gjertrud Madsdotter i Bergen på den tidi på om lag same alder.  Ho heitte Gjertrud Cecilie Madsdotter og er 100% identifisert som «den andre» Gjertrud

 

Treng me då fleire prov?

 

Det einaste som får meg til å stussa, er mangelen på konfirmasjonsinnførsel for «vår» Gjertrud, men no finn he heller ikkje bror hennar konfirmert, so truleg har dei butt ei tid på ein annan stad - kan henda på Askøy eller i ein annan nabokommune til Bergen?  Hadde me finne att mori Anna Eriksdotter, kunne det ha løyst denne siste «floken»...

 

Ein ny kjempetakk for framifrå bistand med oppklaring av denne huslyden!

[Torbjørn Igelkjøn]

Som nemnt i den andre tråden står det ikkje noko i dåpsinnførsla om at Mads Grimelien var gruvearbeidar. (Det kan ha vore slik at forfattaren ikkje har funne han att, og dermed konkludert med at han må ha komme annanstads ifrå i samband med gruvedrifta). I såfall er det nærliggjande å tru at han er identisk med Mads Persen som opptrer som fadder i ein dåp med barnefar frå koparverket(!) året etter. Teorien om at gruvearbeidaren frå Årdal dukkar opp i Grimelia er interessant (det er mykje som passar), men ein manglar etter mi meining eit endeleg bevis.

 

Diverre er kyrkjebøkene på 1700-talet mangelfulle, så det er ikkje sikkert at alle konfirmasjonane finst nedskrivne, enten dei fann stad i Askvoll eller ein annan stad.

Endret Desember 18, 2018 av Torbjørn Igelkjøn