Søren Bottolfson Frønningen (1742-1824) gift med Christi Olsdotter (1751-1827) - skal ha vore plassfolk på Sagi ytre under ytre Frønningen i (den gongen) Leikanger - kven var desse folki?

[Lars E. Øyane]

Ætteboki for Leikanger side 426 fortel oss om denne huslyden, husmannsfolk på Sagi ytre under ytre Frønningen:

 

Søren Bottolfson 1742-1824

Christi Olsdotter 1751-1827

med fire born:

* Ole Sørenson, f. 1792

* Hans Sørenson, f. 1792 - bus. Henjum 652

* Kari Sørensdotter, f. 1797 - bus. Grinde 240

* Bottolf Sørenson, f. 1798 - bus. Henjum 628

 

Eg reknar med at fødselsåret til Søren er kalkulert utifrå alderen ved dødsfallet, for FT1801 gjev oss eit fødselsår kring 1748: https://www.digitalarkivet.no/census/person/pf01058393000925

 

Merkeleg nok finn eg denne huslyden IKKJE nemnd i den nye bygdeboki for Lærdal som ytre Frønningen no er ein del av!

 

Men kven var Søren og Christi?

 

Eg kan ikkje sjå noki vigsle for dei nokon stad i landet, men eg har ein kjempegod «kandidat» til Søren Bottolfson:

 

Søren Botolfson, døypt i Luster 17.2.1739 som son av husmann Bottolf Larsson og kona Ragnhild Olsdotter på plassen Myri under Dale prestegard.  Denne Søren forsvinn frå Luster før han vart konfirmert og KAN, liksom fleire andre ungdomar frå dette nabolaget i Luster ha hamna i Frønningen-området alt i svært ung alder.

 

MEN, det finst òg ein Søren Bottolfson som vart døypt i Sogndal i mars 1749 som son av Bottolf Guttormson og kona Gjertrud Anfindsdotter.  Denne Søren Bottolfson budde i 1760 hjå mori og ein stefar på ein plass under Lunden i Norum sokn i Sogndal: https://www.digitalarkivet.no/view/63/pc00000001181190

 

Denne siste siglar kan henda opp som beste «kandidat» dersom me tek FT1801 til følgje, men ein veit jo aldri...

 

Eg takkar so mykje på førehand for alle gode tips som kan bidra til identifikasjon av Søren og Christi på Frønningen!

Edited September 8, 2019 by Lars E. Øyane

[Lars Waaltorp]

Jeg finner en vielse mellom Søren Bottelsen og Kristi Olsdatter 10.6.1788 i Norum sogn i Sogndal (høyre side, litt under midten):

 

SAB, Sogndal Sokneprestembete, H/Haa/Haaa/L0007: Ministerialbok nr. A 7, 1782-1795, s. 95
Brukslenke for sidevisning: https://www.digitalarkivet.no/kb20070515660616

 

[Lars E. Øyane]

Hjarteleg takk til Lars W. for siste innlegget!

 

Dette er eit godt døme på kva fjerningi av dei gamle databasane i Digitalarkivet fører med seg av ulemper.  Sogndalsbasen var av glimrande kvalitet, og den inneheld ganske sikkert både denne vigsli og ei vigsle #1 for Søren Bottolfson....

 

Uansett, funnet styrker mistanken om at det er Søren Bottolfson frå Lunden i Norum sokn som dukkar opp på Frønningen...

 

Ein ny kjempetakk for framifrå bistand med denne huslyden!