Henrik Christopherson Fladhammer - fødd i Luster 1874 - utvandra til Amerika i 1887 og skal ha butt i Goodhue Co., MN, men forsvinn sporlaust kring 1918 - kvar i all verdi vart det av han? - og kvar finn me han før 1918?

[Lars E. Øyane]

Dette er ei gåte som eg har hatt liggjande på skrivebordet sidan 1980, men som aldri nokon har greidd å løysa.  Kanskje ekspertisen i Brukarforum greier å gjera noko med det no?

 

Henrik Christopherson Fladhammer, fødd i Luster 29.7.1874, var berre 13 år gamal då han i 1887 følgde søsteri Andrea «Annie» til Amerika.  I 1980 var eg i kontakt med born etter ei anna søster i Minneapolis, MN, og dei fortalde meg følgjande:

 

«Uncle Henry was a farm laborer and a carpenter and lived in Wanamingo, Goodhue Co., MN until he disappeared about 1918.  He was never heard from again!»

 

Denne utsegni står framleis ved lag, men det som er merkeleg her, er at eg ikkje finn Henrik i nokon av folketeljingane frå før 1918, korkje i 1895, 1900 eller i 1910.

 

Kan nokon hjelpa meg på veg?

 

Eg takkar so mykje på førehand for alle gode tips om Henrik og lagnaden hans?

[Grethe Flood]

??????

https://www.familysearch.org/ark:/61903/1:1:M9S9-M6P

https://www.familysearch.org/ark:/61903/3:1:S3HY-6QQS-DMG?cc=1325221&personaUrl=%2Fark%3A%2F61903%2F1%3A1%3AM9S9-M6P

Name: Henry Hamre
Event Type: Census
Event Year: 1900
Event Place: Crate & Havelock Townships, Chippewa, Minnesota, United States
Gender: Male
Age: 26
Marital Status: Single
Race: White
Race (Original): W
Relationship to Head of Household: Servant
Relationship to Head of Household (Original): Servant
Birth Date: Jul 1874
Birthplace: Norway
Father's Birthplace: Norway
Mother's Birthplace: Norway
 

Household	Role	Sex	Age	Birthplace
Nels Thorstad	Head	M	30	Minnesota
Henry Hamre	Servant	M	26	Norway
Amanda Logan	Servant	F	16	Minnesota

 

Endret September 29, 2019 av Grethe Flood

[Lars E. Øyane]

Hjarteleg takk til Grethe for eit svært interessant innlegg!

 

Denne Henry Hamre står rett nok utan utvandringsår, men alder og fødselsmånad stemmer 100%.  Dessutan budde han hjå Nels Thorstad, som eg reknar med ogso var sogning av ætt (Sogndal?) og fødd i Goodhue Co., MN 15.2.1869 (eller 1870?).

 

No har eg søkt etter Henry Hamre i mange amerikanske kjelder, men det næraste eg kjem er Minneapolis, MN city directories frå 1917 og 1918 som inneheld ein laborer med namn Henry Hamar...

 

Kanskje han nok ein gong har endra namnet sitt etter 1900...?

 

Eg takkar på ny for framifrå bistand i freistnadane på å finna fleire oplysningar om Henrik i Amerika!

[Lars E. Øyane]

Eg oppdaga nettopp eg gløymde å nemna:

 

FT1910 oppgjev at Henry Hamre var «naturalized», so då lyt det vel finnast dokumentasjon for dette?  Kanskje endå ein skrivemåte dukkar opp...?

 

Ein ny kjempetakk for framifrå bistand med denne emigranten frå Luster!