S&F, Selje og Vågsøy, Gabriel Larsen Kvalheim ytre og andrekona Kari Rasmusdatter - opphavet deira?

[Morten Sylte]

Gabriel Larsen ytre Kvalheim (ca. 1748-1803) (skifte) vart gift fyrste gongen 6. januar 1769 med Marthe Olsdatter, ifølge Aaland frå Blesrør, som han fikk fleire born med. Ho døyr og vert skifta etter i 1791 (skifte). Gabriel giftar seg andre gongen 8. januar 1792  med nemnte Kari Rasmusdatter og då med forlovarar Rasmus Larsen Raudeberg og Rasmus Rasmussen Indre Kvalheim. Den nemndte Rasmus Rasmussen Kvalheim indre går att i tre dåpar til born av Gabriel og Kari. Det som kanskje er kona til Rasmus med namn Mari Rasmusdatter er ilag med ei Synnøve Rasmusdatter nemndt i kvar sin dåp, men om dette er far eller svoger eller systrer av Kari har eg ikkje funne bevis for. Eg har heller ikkje funne det sannsynleggjort at Rasmus Larsen er Gabriel sin bror sjølv om han aldersmessig passar.

 

Som nemnt er det opphavet til Gabriel og Kari eg er ute etter, i denne samanhengen er Marthe sitt opphav ikkje nødvendig. Men kastar det derimot lys på Gabriel sitt opphav tek eg sjølvsagt svært gjerne imot opplysningar om hennar opphav og.

 

Når det gjeld Kari Rasmusdatter så manglar eg også opplysningar om dødsåret hennar og håpar nokon har funne dette.

Endret Oktober 13, 2019 av Morten Sylte

[Astrid K. Halleraker]

Har du lett i FamilySearch og her på DA i transkriberte, søkbare KB?

[Inge Nygård]

Eg har ikkje ettergått dette i saumane, men eg har iallefall at Rasmus Larsen på Raudeberg og Gabriel Larsen på Kvalheim var brør til din ane Dorthe Larsdtr. (g.m. Jesper Monsen Våge). Eit ankepunkt her, kan vere alder oppgjeven ved død og i FT1801, som avvik ca. 5 år frå Lars Didrichsen sin son (1,5 år ved skiftet etter Lars Didrichsen): https://www.digitalarkivet.no/sk20081128630372

Likevel; eg ser ikkje andre alternativ nett no. Og om eg skulle ha rett, er vel dei næraste anene noko slikt som dette:

 

Foreldre: Lars Didrichsen Myhre og Ane Josephsdtr. Eldevik

Besteforeldre: Didrich Christensen Kvalheim og Giøde Rasmusdtr. Ryssdal, Joseph Andersen Otteren og Dorthe Thomasdtr. Årdal

 

 

[Astrid K. Halleraker]

1 time siden, Morten Sylte skrev:

ifølge Aaland frå Blesrør

For ordens skyld kan jeg legge ut dette fra bygdeboken s. 365 Kvalheim Ytre

https://www.nb.no/items/URN:NBN:no-nb_digibok_2012032024018?page=379

Kan det være at kone II. Kari er datter til forrige bruker Rasmus?

[Morten Sylte]

Takk for svar, Astrid og Inge.

 

Familien til Gabriel var i utgangspunktet ikkje tilhøyrande min, eg hjelper andre her, og må innrømme eg hadde gløymt ho gode mor Dorthe sine syskjen. Eg lyt grave litt meir i tidlegare lagra informasjon om familien. Ser veldig ut som du har dette korrekt, Inge, so tusen takk for det.

[Inge Nygård]

Ved skiftet etter Didrich Larsen Myhre/Kvalheim, er formyndarar for borna hans det eg meiner er brørne hans, nemleg Hans Larsen Oppedal, Rasmus Larsen Rødberg og Gabriel Larsen Kvalheim:

https://www.digitalarkivet.no/sk20081201620546

 

 

 

[Aase R Sæther - Gloppen]

Eg observerer her, sidan Gjøde Rasmusdtr Ryssdal som er nemnt her er frå min gard. Eg har ikkje følgt etterslekta hennar så nøye, så eg vil ikkje melde meg på med synspunkt, i alle fall ikkje enno.