Lesnsmand/Lnsnsmand – feilskriving i kyrkjeboka eller feil tolking – dåp i Tinn 1850

[Anfinn Bernaas]

Eg slit med å lese tittel til Ole Hansen Bernaas i innførsel nr. 4. Eg veit at han var lensmann, og tittelen framføre namnet ser da også med eit raskt blikk tisynelatande ut som ei skriftleg attgjeving av ordet "lensmann". Men tek eg bokstav for bokstav gjev det den underlege bokstavkombinasjonen "Lesnsmand", eller "Lnsnsmand". Kan det vera feilskriving?

 

Same "vanskelege" tittel kjem att i innførsel nr. 12 på same sida: fadder "Lesnsmand" H[ans] Anfindsen [Bernaas]. Sistnemnde "Lesnsmand" gjekk elles av i 1838, men at han heldt fram med å gå under denne nemninga også deretter er ikkje så underleg. Men det er underleg at "Lesnsmand" er skrive på same vis som i innførsel nr. 4 over. Feilskriving éin gong går an, men to?

 

Detaljfoto vedlagt under.

 

SAKO, Tinn kirkebøker, F/Fa/L0005: Ministerialbok nr. I 5, 1844-1856, s. 21
Brukslenke for sidevisning: https://www.digitalarkivet.no/kb20051005020315

 

At innførsel nr. 4 gjeld dåpen til oldefar min og dei problematiske titlane tilfeldigvis gjeld for tippoldefar og tipptippoldefar er faktisk heilt uinteressant i denne samanhengen. Eg spør fordi eg i desse dagar held på med sluttkorrektur etter transkripsjon av kyrkjeboka 1844–1856, og da bør uklare tolkingar ryddast av vegen.

[Inge Nygård]

Eg tolker 3. bokstav som ein variant av h, og les dermed Lehnsmand

[Eldbjørg Lyngstad]

Ja, det er en gotisk h - det hender det blander seg inn "gamle" bokstaver 

[Anfinn Bernaas]

Huff og huff, desse skumle gotiske h-ane som ser ut som s-ar, og som dukkar opp der dei ikkje burde vera midt inne i tekstar med elles berre latinske h-ar! 

 

Mange takk til Inge Nygård og Eldbjørg Lyngstad.