Dorthe Olsdtr. Bøtun 1792-1870 frå Fresvik, Leikanger i Sogn

[Anne Marie Bøtun Øyri]

Dorthe var gift med husmannen og strandsitjaren Botolv Pederson Grundeland (1786-1864) som hadde plass under garden Bjørnetun .

Då Dorthe døydde i 1870 budde ho under Bøtun, altså har ho truleg flytt frå  husmannsplassen etter mannen døydde.

Eg er interessert i å finna Dorthe i folketeljinga i 1865 for å sjå kva gard ho er registrert under.  Men er finn ho ikkje i teljinga. Kan ho vera utelaten, eller er det eg som er for dårleg til å leita? Nokon som finn ho i 1865?

 

Anne Marie Øyri

 

[Berit Knudsen]

Hvor i landet er dette?

[Anton Hagelee]

https://www.rhd.uit.no/folketellinger/ftliste_e.aspx?ft=1865&knr=1418&kenr=007&bnr=0005&lnr=000

[Anne Marie Bøtun Øyri]

Gløymde å sei at dette var i Fresvik i Leikanger i Sogn, 

Er skeptisk til at den Anton fann i Balestrand kan vera den rette sjølv om årstalet stemmer. Ingen av borna hennar enda dit , og litt rart at ho har flytt dit etter 1864 då mannen døydde. Ho sjølv døydde  i Bøtun i Fresvik i 1870.

[Terje Hatvik]

Anne Marie, kan hende du bør endra overskrifta i dette emnet slik at det då òg står "... Fresvik, Leikanger" heilt til slutt.

Då trur eg gjerne du får fleire svar. 

 

Vennleg helsing Terje 

[Anne Marie Bøtun Øyri]

Takk for tipset Terje. Har ordna det. 

Men eg lurer rett og slett på om denne dama kan vera utgløymd i teljinga i 1865? Kanskje kunne det skje også?

[Berit Knudsen]

Ingen andre med navnet Dorte - Daarthe/Daardi el.lign. ble døpt i Leikanger 1791-1793.

Din Dorthe/Daarthe var den eneste.

Det ser ut som om det var hennes sønn, Peder, som bodde på Bøethun i 1865.

I 1865 bodde det en ugift tjenestepike, Britha Botoldsdatter 29 år, på gården Langetyg i Balestrand.

Kan hun være yngstebarnet til Botolf og Dorthe?

[Anne Marie Bøtun Øyri]

Botolv Pederson og Dorte Olsdtr hadde 8 born og alle vart gifte i Fresvik evt utvandra til Amerika. Sonen Ola f 1823 veit ein ikkje noko om, dei andre har ein kontroll på.

Yngste barnet Brita fødd i 1837 gifte seg i 1861 med Ola Bendikson Breilid i Fresvik og drog til Amerika i 1882. Altså budde ho i Breilid i 1865.

https://media.digitalarkivet.no/view/38255/99

 

Så dermed er det desverre  ikkje Brita Botolvsdtr frå Fresvik som tente i Balestrand i 1865. 

[Jon Sværen]

Eg kjem diverre ikkje inn på lekkja til Anton i # 3, men det er mogelig den same som kjem fram i DA, 1865, Balestrand:

https://www.digitalarkivet.no/ft20090730360702 Sidevisning 

http://urn.digitalarkivet.no/URN:NBN:no-a1450-ft20090730360702.jpg Permanent.

 

Men korleis er sambandet mellom denne Dordei Olsdtr, føderaadskone, enke og 74 år og henne som Trådstartar har ??

 

Så henne som Trådstartar spyr etter er trulig utelete i 1865, eller har lykkast å «gøyme» seg godt. I ein FT i Balestrand 1865, hadde vedkomande som Transkriberte sørga for at kona hadde fått ein helt ny mann i dobbelt-senga. 

Denne mannen budde for seg sjølv. Han som hadde kone (og barn) var utradert.  Feilen er retta opp no.

 

Dersom Trådstartar er inntr, så gå gjennom den skanna FT for Leikanger 1865. Kor mange sider Fresvik har ? Ikkje mange. Side 85 - s 107. 

 

Kan vi andre få svaret på kva du har funne ut, Anne Marie ?

Endret Januar 26, 2020 av Jon Sværen
Noko meir

[Anne Marie Bøtun Øyri]

Eg har leita gjennom FT for Fresvik (minus Frønningen som er lite aktuell), og eg finn ingen Dorthe Olsdtr som høver. Vil tru at konklusjonen må bli at ho ikkje er med i teljinga.