SF Gloppen - dokumenterte born av Major Adam Bech, død 1772.

[Aase R Sæther - Gloppen]

I november 1805 døydde "frøken Christine Bech" i Gloppen, 68 år gammal. 

SAB, Gloppen Sokneprestembete, H/Haa/Haaa/L0005: Ministerialbok nr. A 5, 1785-1815, s. 151
Brukslenke for sidevisning: https://www.digitalarkivet.no/kb20070228300490

 

I folketellinga 1801 vart Kristine skildra slik:                     "Logerende  64  Ugift  En datter af afdøde major Bech, har pension".

 

Ved konfirmasjonen får vi patronym på henne - Christine Adamsdtr Bech. 

SAB, Gloppen Sokneprestembete, H/Haa/Haaa/L0003: Ministerialbok nr. A 3, 1739-1757, s. 276
Brukslenke for sidevisning: https://www.digitalarkivet.no/kb20070228300145

 

Dermed vil eg gå ut frå at det er far hennar som er død her i 1772, 78 år gammal og gift.

SAB, Gloppen Sokneprestembete, H/Haa/Haaa/L0004: Ministerialbok nr. A 4, 1758-1784, s. 93
Brukslenke for sidevisning: https://www.digitalarkivet.no/kb20070228300243

 

Etter at han var død, overtok "Majorinde Bech" plassen hans i lista over formuande som skulle yte til fattigstellet; namn er aldri nemnt på henne der. Men ho forsvinn frå fattigsystemet i 1781, og då er det nok ho som er død her - Majorinde Karen Sophie Grønbech, 77 år. 

SAB, Gloppen Sokneprestembete, H/Haa/Haaa/L0004: Ministerialbok nr. A 4, 1758-1784, s. 158
Brukslenke for sidevisning: https://www.digitalarkivet.no/kb20070228300307

 

Om ho er mor til nokon av borna hans er vel heller tvilsamt, då eg reknar med at han også har vore gift med denne Kristine, Capitain Bechs qv, som er gravlagt litt nedanfor midten i høgre spalte i 1752. 

SAB, Gloppen Sokneprestembete, H/Haa/Haaa/L0003: Ministerialbok nr. A 3, 1739-1757, s. 251
Brukslenke for sidevisning: https://www.digitalarkivet.no/kb20070228300120

 

I 1806 er det skifte etter frøken Kristine på Rebakken i Gloppen.

https://www.digitalarkivet.no/sk20081201660566

 

Arvingane er to brør eller deira etterkomarar:

 

1. Den ældste Broder Andreas von Bech, Major med Afskeed, da han for 4 Aars tiid siden døde, og efterlod sig følgende... osv.

2. Den anden Broder Wilhelm von Bech, var Premier Lieutenant, og død 1783, efterladende sig Sønner..... osv.

 

Dessverre viser buet seg å vere fallitt, og dermed får vi ikkje den vanlege repetisjonen av arvingane, som ofte er meir komplett enn oppramsinga i starten, så eg kjenner meg ikkje 100 % trygg på at dette er alle arvingane.

 

Eldste bror Andreas har eg ikkje registreringar på i Gloppen. Derimot registrerer eg at bror nr 2, Vilhelm, er gift med Anna Maria Nagel i 1768 - 

http://www.arkivverket.no/URN:kb_read?idx_kildeid=11426&idx_id=11426&uid=ny&idx_side=-64, og i dåpslistene finn eg 5 søner etter dei; Adam, Dominicus, Jens, Hartvig og Lars. Lars døydde som spebarn, og dei andre 4 er nemnde som etterkomarar etter Vilhelm i skiftet etter Kristine i 1806.

 

Dødsfallet til Vilhelm i 1783 bekreftar også tydeleg at han er den broderen som er nemnt i skiftet. 

SAB, Gloppen Sokneprestembete, H/Haa/Haaa/L0004: Ministerialbok nr. A 4, 1758-1784, s. 175
Brukslenke for sidevisning: https://www.digitalarkivet.no/kb20070228300324

 

Kona Anna Maria Nagel døydde 3 år før; ført som Anna Maria Bech. http://www.arkivverket.no/URN:kb_read?idx_kildeid=11426&idx_id=11426&uid=ny&idx_side=-149

 

Men Adam Bech hadde også dottera Sara Kristine, gift med Peder Pederson Wittrup i 1749. Dei fekk tre døtre i Gloppen i perioden 1749-1758, men alle døydde tidleg. Ein gong etter 1758 har nok Peder P Wittrup "teke hyven" og reist frå Gloppen, og Sara Kristine har funne trøyst i ein ukjend Ivar som har påført henne sonen Lars, fødd og død i 1762. I 1768 er ho komen til Bergen og er fadder der, og død i 1787, som Peder Wittrups enke, med ein alder som tilsvarar fødselsår 1718. 

 

Beviset for at ho er dotter til major Adam Bech finn vi i denne etterlysninga i ei dansk avis i desember 1772:

 

 

Sidan det ser ut som Sara Kristine ikkje har born som overlever henne, er det logisk at ho ikkje er nemnt i skiftet etter systera (eventuelt halvsystera?) Kristine i 1806.

 

Men dersom ein leitar litt rundt på nettet, finn ein fort at Adam Bech blir tillagt andre koner og born enn dette. Det mest omfattande oppsettet eg har funne er her, der han m.a er gift med svigerdottera si. https://killislekt.no/webtrees/individual.php?pid=I35260&ged=killi

 

Problemet i denne familien er som i så mange andre familiar at mange heiter det same, at mange ikkje brukar patronym, og at mange heller ikkje brukar førenamn, men titlar, spesielt militære. Dermed er faren for forveksling stor, sidan Kapteinen og Majoren kan vere same mann med nokre års mellomrom, og tilsvarande med Kapteininna og Majorinna - det er ikkje alltid godt å vite. Så er det også svært vanleg at slektsgransking i slike familiar består av å skrive av det som andre har skrive, utan å stille dei rette kritiske spørsmåla- 

 

Så - for dei av dokke som har gjort den store prestasjonen å følgje meg heilt hit:  Finst det andre dokumentert born etter Adam Bech? 

Eg stolar som sagt ikkje heilt på skiftet, sidan buet var fallitt. 

 

Og kan nokon gje meg dokumentasjon på ekteskapa?

 

 

 

 

 

 

 

 

 

 

Endret Februar 29, 2020 av Aase R Sæther - Gloppen

[Ivar Moe]

Det er noe her om du ikke allerede har kjennskap til denne boka.

 

https://www.nb.no/items/70c378c1b742feadbec8e850dcf89e20?page=13&searchText="Major Adam Bech"

[Aase R Sæther - Gloppen]

30 minutter siden, Ivar Moe skrev:

Det er noe her om du ikke allerede har kjennskap til denne boka.

Hjerteleg takk; så artig å lese ei bok skriven på ein for meg frammand dialekt. Eg ser at han held seg til dei to ekteskapa og dei 4 borna som eg også har funne.