Ole Kristian Fangan (1957-2013) og slektsarbeidet hans - nokon som veit meir om dette? - Slekti Engeslef frå Danmark?

[Lars E. Øyane]

I 2006 fekk eg i følgjande emne https://forum.arkivverket.no/topic/112207-26572-søren-jens-engeslef-mari-jensd-engeslef-til-hafslo-kring-1690-kvarifrå/?tab=comments#comment-916902

dette innlegget frå Ole Kristian Fangan:

 

«Jeg er i ferd med å skrive en artikkel om Theistene fra Kroken som jeg håper Norsk Slektshistorisk Tidsskrift i sin tur vil trykke. Jeg vil her også presentere en del opplysninger om familien Engeslef som antakelig vil være nye for de fleste.»

 

Er det nokon som kjenner til om denne artikkelen nokon gong vart publisert og i so fall kvar?

 

I samband med bygdeboikarbeidet i Luster er eg svært interessert i båe slekter.

 

Med omsyn til Engeslef-søskeni, veit me i dag dette:

 

* Maren Jensdotter ENGESLEF, fødd kring 1668, døydde i Kroken i Hafslo kring 1730.  Ho var gift med gardbrukar Peder Janson Teiste på Kroken i Hafslo (1667-1722).  Dei fekk ni born i lag, og fleire av dei flytte til Danmark.

 

* Søren Jensson ENGESLEF, fødd kring 1670, døydde i København kring 1710.  Han gifte seg med Øllegaard Jansdotter Teiste frå Kroken i Hafslo (1674-1730).  Dei flytte til København der Søren var distillatør.  Dei fekk fem born i lag.

 

Desse huslydane har vore drøfta før, men aldri har me gått detaljert inn på opphavet til desse Engeslef-søskeni.

 

No vonar eg at forskingi til Ole Kristian Fangan eller andre kan kasta meir ljos over denne huslyden og takkar so mykje på førehand for alle gode tips!

Endret Mai 30, 2020 av Lars E. Øyane

[Grethe Flood]

Legger for ordens skyld også inn lenke til denne tråden om samme emnet:

https://forum.slaegt.dk/index.php?topic=106391.0

 

[Lars E. Øyane]

Hjarteleg takk til Grethe for innleggjing av den nemnde tråden.  Denne huslyden har vore drøfta i fleire tema opp gjennom åri, men eg har inntrykk av å vera komen borti «informasjonsturke» når det gjeld denne gamle ætti.  Voni mi var at kanskje Ole Kristian hadde etterlete seg opplysningar, eventuelt at artikkelen hans står på prent ein eller annan stad?

 

Arbeidde ikkje Ole Kristian ei tid i Riksarkivet?  Eg meiner å hugsa eg ein gong trefte han i ein «middagspause» framfor hovudinngongen på oppsida.  Det må ha vore før 2009, men ikkje so lenge før...

 

Eg vonar på fleire opplysningar om desse huslydane og takkar på ny for framifrå bistand!