SF: Dale i Fjaler: Slektskap i 2. og 3. ledd?

[Torbjørn Igelkjøn]

Ivar Hermanson Bjergene og Ingeborg Andersdtr. Tross, Dale i Sunnfjord skal ha vore tremenningar i følgje oppstillinga her:

Ingeborg Andersdatter Heggnes
 → Mari Larsdatter Skarpa her mother

→ Guri Hermansdatter Sagevik her mother

→ Ivar Hermansen Bjergene her brother

→ Herman Ivarsen Bjergene his son

→ Ivar Hermansen Heggnes his son

 

Men i følgje ekteskapsløyvet var dei "udi 2. og 3. leed beslegtede":

RA, Danske Kanselli 1572-1799, F/Fc/Fca/Fcaa/L0052: Norske registre, 1788-1789, s. 1b
Brukslenke for sidevisning: https://www.digitalarkivet.no/da20120913610003
 

Vil dette seie at forelder til den eine var syskenbarn til den andre, eller kan dette også tolkast som at dei var både syskenborn og tremenningar på same tid?

 

Slike ekteskapsløyve fungerer jo som ein kontroll på opplysningane som er lagt inn i eit slektstre (i dette tilfellet Geni), men i kor stor grad kan ein stole på nøyaktigheita til opplysningane om slektskap frå desse ekteskapsløyva?

Endret September 19, 2020 av Torbjørn Igelkjøn

[Ivar S. Ertesvåg]

2 timer siden, Torbjørn Igelkjøn skrev:

Men i følgje ekteskapsløyvet var dei "udi 2. og 3. leed beslegtede":

RA, Danske Kanselli 1572-1799, F/Fc/Fca/Fcaa/L0052: Norske registre, 1788-1789, s. 1b
Brukslenke for sidevisning: https://www.digitalarkivet.no/da20120913610003
 

Vil dette seie at forelder til den eine var syskenbarn til den andre, eller kan dette også tolkast som at dei var både syskenborn og tremenningar på same tid?

 

Det er avstanden til næraste sams ane;  den eine er barnebarn (2. ledd), den andre er barnebarns barn (3. ledd);
altså at den eine er syskenbarn til den ein forelder til den andre.

 

3 timer siden, Torbjørn Igelkjøn skrev:

Slike ekteskapsløyve fungerer jo som ein kontroll på opplysningane som er lagt inn i eit slektstre (i dette tilfellet Geni), men i kor stor grad kan ein stole på nøyaktigheita til opplysningane om slektskap frå desse ekteskapsløyva?

 

Du kan stole ganske mykje på ekteskapsløyva.  Dersom opplysningane ikkje stemmer, ville dei ikkje trenge løyve...

[Torbjørn Igelkjøn]

Dei ville jo også trenge løyve om dei var tremenningar, så spørsmålet om i kor stor grad ein kan stole på nøyaktigheita i desse dokumenta består. (I dette tilfellet er dei enten tremenningar, eller så er det feil i slektstreet mitt fordi eg har gjort ein feil eller fordi det er feil i skifta som eg har brukt).

[Ivar S. Ertesvåg]

Slektskapen er oppgjeven presist for para på denne sida.

"hendes afdøde mand Sødskende børn"

"Sødskende Børn"  (begge barnebarn)

"nest Sødskende Børn" (altså tremenningar; begge barnebarns barn)

og altså "2 og 3 leed" (den eine barnebarn, den andre barnebarns barn)

Du må ha gode grunnar for å seie at dette er feil.

 

Dette er eit register over tildelte løyve.  Originalen, eller ei fullstendig avskrift, ville naturlegvis vere vissare.

[Torbjørn Igelkjøn]

Når eg skreiv at det evt. må vere feil i slektstreet gløymde eg rett nok mogelegheita for eit dobbelt slektskap, og at det ukjende slektskapet (som det då er søkt om) er nærmare enn det som eg har komme fram til.

 

Det er også slik at ein ikkje kan stole blindt på opplysningar frå skifta. Særleg gjeld dette når det blir snakk om fjern slekt eller der gjelda var større enn verdiane i buet.

 

Uansett må eg nok sjå på dette ein gong til. Det er ei stund sidan eg har sett på desse folka, og så sjekka eg tilfeldigvis ekteskapsløyvet no.

 

Takk for hjelpa.

Endret September 19, 2020 av Torbjørn Igelkjøn

[Torbjørn Igelkjøn]

2 timer siden, Ivar S. Ertesvåg skrev:

"nest Sødskende Børn" (altså tremenningar; begge barnebarns barn)

 

I registeret over ekteskapsløyve pleier det vel oftast berre å stå at dei var i slekt "udi 3. leed".

[Ivar S. Ertesvåg]

10 timer siden, Torbjørn Igelkjøn skrev:

 

I registeret over ekteskapsløyve pleier det vel oftast berre å stå at dei var i slekt "udi 3. leed".

 

På den eine sida du lenkja til er det 8 par; fire par er "nest Sødskende Børn", to par "Sødskende Børn".

På neste side (same oppslaget) er dei neste fire  para "nest  Sødskende Børn", "Sødskende Børn" , "2 leed" og "3 leed"

 

Kva som er "oftast" i heile registeret, har eg ikkje sjekka. "nest Sødskende Børn" og slekt i 3. ledd er to måtar å seie det same på.

Det er kanskje tilfeldig kva skrivaren har valt.

Endret September 20, 2020 av Ivar S. Ertesvåg

[Torbjørn Igelkjøn]

Det viser seg at det i dette tilfellet må ha vore dobbelt slektskap. Tidlegare har eg komme fram til at dei var tremenningar:

 

                                        Herman Olsson Sagevik (Kleppe)

 Ivar Hermanson Bjergene (Sagevik)             Guri Hermansdtr. Sagevik

       Herman Ivarson Bjergene                            Mari Larsdtr. Skarpa

Ivar Hermanson Heggnes (Bjergene)  *  Ingeborg Andersdtr. Heggnes (Skarpa)

 

Men no har det dukka opp eit skifte som viser at kona til Ivar Hermanson Bjergene, Barbro Larsdtr. m.a. hadde ei halvsyster som heitte Mari Larsdtr. f. ca. 1727. Det stemmer på ein prikk med Mari Larsdtr. Skarpa, som i følgje FT1801 var f. ca. 1727.

 

Dermed får ein følgjande oppstilling:

 

                                        Lars (Haldorson?) Kleppe

 Barbro Larsdtr. Bjergene (Kleppe)

       Herman Ivarson Bjergene                         Mari Larsdtr. Skarpa (Kleppe)

Ivar Hermanson Heggnes (Bjergene)  *  Ingeborg Andersdtr. Heggnes (Skarpa)

 

Og då stemmer det jo at det var slektskap i andre og tredje ledd.

Ein ekstra indikasjon er at det av det same skiftet også går fram at Lars (Haldorson) Kleppe i sitt tredje ekteskap fekk to søner samt ei dotter som heitte Guri.

Dermed skulle saka vere løyst.

 

Endret Oktober 19, 2022 av Torbjørn Igelkjøn