Otte Johnsen og Maritte Iversdatter, Helland, Fitjar. - kven var dei?

[Reidar Olav Meling]

Ifølge Bømlo Bygdebok (bd. II, s. 404) budde Jon Ottesen Barane og Larine Karlsdatter i Tverrborgvik på Bømlo på 1840-talet. Me kjenner til Larine. Jon omkom på sjøen i 1850, berre 29 år gammal. Det står ingenting meir i bygdeboka om kor Jon kom frå. Barane er elles ein stad sør for Børøy i Bømlo, høyrde i eldre tid til tidlegare Moster kommune. Jon (John) og Larine blei gifte i Finnås i desember 1844 (https://www.digitalarkivet.no/kb20070507620447). I kyrkjebok for Fitjar sokn i Stord prestegjeld finn me at han var fødd på garden Helland i Fitjar i 1821 (https://www.digitalarkivet.no/kb20070516640497). Her står det at han var son av Otte Johnsen og Maritte Iversdatter.

Eg finn ikkje Otte og Maritte på garden Helland (gardsnr. 49) i bygdebok for Fitjar. Derimot finn eg iallfall 3 av fadrane då barnet John blei døypt i 1821, brørne Lars og Peder Olsen og Jens Johannesen, dei budde alle på Helland. Men i ft  for 1815 finn me Otte Johnsen Bernes (? mi uth.) og Marthe Christine Iversdatter buande på Børøy i Finnås prestegjeld. Otte er 23 år, og Marthe er 27 år gammal. Dei skulle då vera fødde rundt 1792 og 1788. I ft 1801 finn eg ei Marta Iversdatter i Lindås, fødd i 1787. Finn ingen Otte Johnsen som er fødd rundt året 1792.

Kor kom Otte Johnsen og Martha (Maritte) Christine Iversdatter frå, og når blei dei gifte?

[Lars Johannessen]

35 minutter siden, Reidar Olav Meling skrev:

Kor kom Otte Johnsen og Martha (Maritte) Christine Iversdatter frå, og når blei dei gifte?

https://www.digitalarkivet.no/view/327/pv00000000409172

gift 20.08.1815. "Begge af Bergen"

[Lars Johannessen]

Otte i FT 1801? https://www.digitalarkivet.no/census/person/pf01058390015713

Foreldre John Andersen Bernes og Berthe Johansdtr.

[Reidar Olav Meling]

Aha, ser man det! Men finn me dei i folketeljinga i 1801? Eg finn ein Otte Jonsen Wiig, men han er berre 5 år gml, skulle altså vera fødd i 1796. Når det gjeld Marta, finn eg ei som som fødd i 1780, skulle då vera rundt 35 år gml. i 1815, og det stemmer jo dårleg med opplysningane i ft i 1815.

[Reidar Olav Meling]

Kjempeflott, - då har me funne Otte med foreldre. Men så er det Maritte/Martha Christine?

[Lars Johannessen]

Kandidat:

Marthe Kristine døpt 27.7.1788, foreldre Iver Johnsen og Anna Malena Rønne.

 

https://www.digitalarkivet.no/view/255/pd00000009198150

 

[Reidar Olav Meling]

Fantastisk, Lars! Då stemmer alt. Og det forklarer at Otte og Marta kalla barnet for John (Jon). Og for ein gongs skuld stemmer opplysningane i ft 1815 om alderen til Otte og Martha! Mange takk for vel utført jobb, Lars!