[#8120] Kari Gulleiksdtr. og son Ole Anderssen frå Voss.

[Gjest Ingrid Gillesøy]

Kari G. f.1829 på Voss var ugift og hadde sonen Ole Anderssen f.1859 Voss evt. Vossestrand. I FT 1865 bur dei på garden Hellesnæs (inderst, dagarb.) I FT 1875 bur dei på Vossevangen nr.88 Ho er syerske og Ole går på Lærarskulen. No er Ole A. oppført med etternamn Rogne, og dette namnet brukte han også etter at han flytta. Spørsmålet er om far hans var frå Rogne, eller kvifor han har teke/fått dette namnet. Eg kan ikkje finne nokon Anders Rogne som kan være far hans. Kan dei ha budd der sjølve i mellomtida? Kari er truleg ikkje der i frå - sjølv om eg ikkje er sikker på kven foreldra hennar var. Er det mogeleg at Rogne kan være forveksla med Rokne? Eg kan ikkje finne Kari i lista over døde frå 1890, og heller ikkje i FT 1900. Ho døyde difor truleg tidlegare. Kanskje nokon som har bygdeboka for Voss kan ta seg bryet med å finne nokre opplysningar der?

[Gjest Trygve Utne]

Hei! Eg kan ikkje hjelpa deg vidare. Men det eg finn på Hellesnes i Vossaboki 2 s. 229 er Anders Andersson Hellesnes f. 1831. Han er underoffiser og gardbrukar på Bø i Raundalen (Vossaboki 3 s. 337). (Gift med Tora Olavsdtr. Kvarakvål i 1861. I FT 1865 er dei på Opheim). Den Margrethe Knutsdtr. og Ivar Anderssøn som står over Kari G. i FT 1865 er mor og bror til overnemnde Anders. Eg skal ikkje påtvinga Anders farskap til din Ole. Kva han har gjort før han gifte seg i 1861 veit eg ikkje.Har lese fort igjennom sidene for Rogne og Rokne utan å finne nokon som passar. (Rogne ligg ved Vangen).Om ikkje andre kan hjelpa deg vidare, så bør du kanskje prøva i kyrkjebøkene.Helsing Trygve

[Gjest Ingrid Gillesøy]

Hei Trygve! Takk for det! Dette var interessant. Det er klart eg vil sjekke kyrkjebøkene, men kortid eg kjem meg sta å sjå i dei, er uvisst. (Eg bur ikkje lageleg til for å stikke innom...) -Eg har leitt litt på Rokne sjølv også. I FT 1865 finn eg ein Anders Johannesen, inderst, dagleier, 32 år og ug. (Lille Rokne) Han står kanskje ikkje i bygdaboka? Står Kari G. og Ole A. oppført på Hellesnes der? I FT 1865 finn eg også to med namn Gulleik som kan være far til Kari; G. Pedersen 66 Løken, og G. Johannessøn 68 Brekkhus. Kunne du tenke deg å sjå på desse gardane, om det finnast ei dotter Kari f. ca. 1829??Mvh Ingrid

[Gjest Kenneth Bratland]

Gulleik Johannessen Brekkhus f. 1798 d. 1879 hadde ingen datter ved navn Kari. Mvh. Kenneth Bratland

[Gjest Trygve Utne]

Hei! Kari G. og Ole A. står ikkje i Vossaboki 2 under Hellesnes. Ville berre nemna at det var ein Anders der, som hadde tilknyting til den garden. Kan ikkje finna nokon Anders J. på Vetla Rokne (Vossaboki 4 ). (Under husmenn på Rokne er det ein Anders Larsson g. m. Torbjørg Persdtr. og fekk dottera Ingebjørg f.1822). Eg trur ikkje inderstar og uekte barn alltid er tekne med i desse bøkene. Eg har Vossaboki 1-4 på lån, så eg er ikkje så godt kjend med desse bøkene. Løken er i Voss bygdebok 1-3, men dei bøkene har eg ikkje. (Har spurt på biblioteket, men dei måtte skaffa dei fyrst og det tek tid). Løken er under Vossestrand, som Ola A. har av og til som fødestad.Helsing Trygve

[Gjest Kjell Vangen]

Ingrid! Såg etter i kyrkjeboka, der fann eg fyljande: Husmann Gulleik Halsteinson Skiple og Ingeborg ( Ingebjørg ) Sverkvesdotter, fekk 8 juni 1829 ei dotter dei kalla Kari.Men om dette er den Kari du leitar etter veit eg ikkje. Kan leggja til at Knut Rokne feste i 1871 tuft 88, der Kari og sonen budde, utan at det etternamnet behøver å ha noko med dei å gjera.Helsing Kjell Vangen

[Gjest Ingrid Gillesøy]

Hei! Takk til Kenneth, Trygve og Kjell. -Spesiellt til deg Kjell; Eg er kanskje litt treg av meg, men dette trur eg du må ta ein gong til. ;-) Er det slik at Kari Gulleiksdtr. Skiple og hennar son (kalla Ole) budde på garden Rokne? Kortid budde dei i so fall der? Og denne Knut Rokne, hadde han evt. ein bror eller son med namn Anders?Om denne Kari er 'mi' Kari er vel uvisst. Men det spørst kor mange Kari Gulleiksdtr. det vart fødd på Voss i 1829. Det kan vel ikkje vere so mange?Mvh Ingrid.

[Gjest Ingrid Gillesøy]

Etter å ha fått meg ein liten kaffiskvett, gjekk det opp eit lite lys her... Tuft / nr. 88 der Kari G. og Ole A. budde i FT 1875, Ja! Eg trudde nr. 88 var nr. på eit hus eller bygning på sjølve Vangen. Men der var det vel den gong berre tufter, med vanlege gards og br.nr. Ligg Rokne også ved Vangen, slik som Rogne - er det nabogardar eller? Ny helsing frå Ingrid.

[Gjest Trygve Utne]

Hei! Eg finn Gudleik Hallsteinson (død 1833, 40 år gammal) g.m. Ingebjørg Sverkesdtr. og dottera Kari f. 1829 i Vossaboki 3 s. 385, under husmenn på Store Skiple, men det står ikkje noko meir om Kari der.I Vossaboki 1 s. 133, under Gamle Vangen, tuft 88 står det at Knut Rokne feste i 1871 og sonen Georg Rokne eig huset no (ca. 1933?). Men i FT 1875 står Knut Olsen Kronstad f. 1823 Vangens sogn. Kor Kronstad er veit eg ikkje. Rokne ligg ikkje så langt frå Vangen. Eg kan ikkje finna nokon Knut f. 1823 eller Anders på Vetla- eller Stora Rokne.Har tru på at svaret på Ole A. ligg ein plass på Vossestrand, sidan det blir oppgitt som fødestad for Ole A. i FT 1875. Kanskje Kjell har tilgang til kyrkjeboka ca. 1859 då Ole vart fødd. Vossestrand utskilt frå Voss prestegjeld i 1866. Helsing Trygve

[Gjest Ingrid Gillesøy]

Takk so mykje til dykk som har teke bryet med å leite i bøkene for meg! Eg har i alle fall litt meir oversikt no - trur eg.... Om det kjem fleire innspel her, er det flotte greier. Elles lyt eg berre vente til eg kjem meg på SAB ein gong i framtida. Eg undrar meg på om ikkje det finnast lister om sokalla 'offentlege skriftemål' - (eller kva det no heiter)om 'leiemål' for denne perioden? Det finnast jo ei slik liste frå tidlegare tider på Voss her på DA. Det var vel fortsatt straffbart då, rundt 1859 - eller kva?

[Gjest Marianne Herfindal Johannessen]

Kyrkjebok for presten i Voss, A 16, 1849-1863, fødde, folio 173b nt. 154 viser at Olaf, fødd 2den Juni og døypt 3die Juli 1859, var son av Ungkarl Anders Andersen Hellesnæs og Pige Kari Gulliksdtr Schiple. Mvh Marianne

[Gjest Ingrid Gillesøy]

Du er ei kjempe! Tusen takk! Då har eg kontroll på slekta på morssida, og også kvar faren vart av. Det store spørsmålet som no står att, er kvifor dei kalla seg Rogne. Mor til Kari, Ingeborg vart altså enke i 1833. Er det mogeleg at ho har gifta seg opp att på Rogne? Eller denne tuft nr. 88 på Vangen, der Kari budde i 1875, høyrde den evt. til under garden Rogne tidlegare? Takk igjen for all hjelp! Smil og helsing frå Ingrid!

[Gjest Ingrid Gillesøy]

Du er ei kjempe! Tusen takk! Då har eg kontroll på slekta på morssida, og også kvar faren vart av. Det store spørsmålet som no står att, er kvifor dei kalla seg Rogne. Mor til Kari, Ingeborg vart altså enke i 1833. Er det mogeleg at ho har gifta seg opp att på Rogne? Eller denne tuft nr. 88 på Vangen, der Kari budde i 1875, høyrde den evt. til under garden Rogne tidlegare? Takk igjen for all hjelp! Smil og helsing frå Ingrid!

[Gjest Gisle Hersvik]

Hei Ingrid! Vi er vel i slekt på eit eller anna vis, Olav Andersson Rogne er ein av mine tipp-oldeforeldre.Ser at du ikkje har fått noko svar på spørsmålet om kvar og når Rogne namnet kom inn.Eg sit på eit skriv som Tormod Olavsson Rogne (f. 22/11-1900) skreiv (eller i alle fall avslutta skrivinga på) i 1977, her seier han bl.a. dette om kvifor Rogne-namnet kjem inn: Far (d.v.s. Olav Andersson Rogne, f. 2/6-1859, d. 12/10-1936) fortalde lite til oss om slekta på Voss, difor vart dette hangande i skodda for oss alle. At mora let han skriva inn i kyrkjeboka under namnet Rogne, kom vel av at ho då budde på Rogne og arbeidde der, kanskje også for at namnet Hellesnes ikkje skulle koma vidare enn til det som var ektefødt. I Vosseboka er far nemd som Olav d.e. ilag med borna til farfar (Anders Andersson Hellesnes, f. 1831, d. 1915) – utan at det er nytta nemninga ”serbarn” som i Askvollboka. I Askvollboka finn vi at ”serborn” finst det så å seie i alle slekter, når ein blader attende.Dersom du fortsatt lurer på noko omkring forfedrene til Olav Andersson Rogne kan du sende meg ein email: ghersvik@frisurf.no