Søk i nettsamfunnet

Bernt Gulliksen Rise er notert utflytta til Amerika frå Bremanger 2. mai 1882. Hans fulle namn var Bernt Johannes Gullaksen Rise og han var fødd 19. mai 1844 med foreldre Gullach Torbjørnsen Rise og Margrethe Pedersdatter Rise https://www.digitalarkivet.no/kb20070112350152 Han gifte seg 25. juni 1870 med Berte Olave Martinusdatter Rise https://www.digitalarkivet.no/kb20070109390311 Dei fekk 6 born saman: Gullak, f. 7. april 1870 https://www.digitalarkivet.no/kb20070109390189 Kristoffer Andreas, f. 18. februar 1872 https://www.digitalarkivet.no/kb20050811030885 Peder Mathias, f. 1. desember 1873 https://www.digitalarkivet.no/kb20070109390205 Amalia Henrikke, f. 6. januar 1876 https://www.digitalarkivet.no/kb20070109390216 Inger Elisabet, f. 14. juli 1878 https://www.digitalarkivet.no/kb20050811030914 og Johan Peter, f. 30.august 1880, no buande på Grotle https://www.digitalarkivet.no/kb20050811030920 Ved folketeljinga i 1875 finn vi Bernt Johannes og Berte Olave som brukarar på Rise i Svelgen saman med dei tre eldste borna. Ved fødselen til Johan Peter i 1880 er dei ikkje lenger på Rise, men har no flytta til Grotle på Bremangerlandet. Det neste vi finn om familien, er at Bernt Johannes har meldt flytting frå Bremanger til Amerika den 2. mai 1882. https://www.digitalarkivet.no/kb20050811031033 Har ikkje funne han i emigrasjonsprotokollane. I 1888 finn vi så at dei to eldste sønene, Gullak Berntsen Rise og Kristoffer Berntsen Rise på 18 og 16 år melder flytting frå Bremanger til Amerika. Har ikkje funne dei i emigrasjonsprotokollane. Året etter, i 1889 melder så kona, Berte her kalla Oleanne og dei fire yngste borna, Peder Matias, Amalie Henrikke, Inger Elisabeth og Johan Peter utflytting frå Bremanger til Amerika. https://www.digitalarkivet.no/kb20070109390020 Dei ankom Philadelphia den 3. juni 1889 med skipet British King frå Liverpool. Det er i passasjerlista opplyst at dei skulle til Illinois og at dei skulle bli "permanent settlers". https://www.digitalarkivet.no/kb20070109390019 https://www.familysearch.org/ark:/61903/3:1:33SQ-GPBD-9Z1N?view=index&action=view&cc=1921481&lang=no Utifrå dette må vi anta at Bernt Johannes Gullaksen Rise budde i Illinois og dreiv ein farm der. Men å finne nokon av dei der har vist seg veldig vanskeleg. Kva Bernt Johannes kalla seg i Amerika kan ha vore forskjellig, men ingen dukkar opp ved søk på Rise eller Rice, heller ikkje på Gullaksen eller Berntsen. At ein heil familie skulle forsvinne utan spor er rart. Det må finnast informasjon om dei. Sjølvsagt kan dei ha reist vidare til Nord-Dakota som så mange andre eller til vestkysten, sjøvande folk som dei var. Men uansett skulle det finnast spor etter dei. No er spørsmålet om nokon kan hjelpe til med å finne denne familien og etterkomarane deira.