Søk i nettsamfunnet

Mellom det unge mannskapet som i 1854 vart etterlyst i samband med militærteneste i Luster og Hafslo i 1854 finn me mellom anna denne karen: Johannes Johannesson Raaum med oppgjeven fødselsdato 5.1.1832: No finst det ingen med denne fødselsdatoen korkje i Luster eller i Hafslo - i båe bygdene har me gardsnamnet Raaum! Derimot finn me denne «uekte» dåpen i Hafslo for Johannes Johannesson, fødd 24.3.1832 der barnemori Kirsti Jensdotter var frå Raaum i Luster: https://media.digitalarkivet.no/view/11456/73 Johannes Johannesson Raaum vart konfirmert i Luster i 1847 - utan oppgjeven fødselsdato: https://media.digitalarkivet.no/view/8400/106 Her finn me Johannes Johannesson Raaum som utflytt til Bergen i 1849: https://media.digitalarkivet.no/view/8401/207 Frå ei anna kjelde (passprotokoll?) finn eg at Johannes i 1849 var middels høg, hadde blondt hår og blå auge Og her er han nemnd som flytt til Nordland i 1851: https://media.digitalarkivet.no/view/8401/213 Då det i 1869 vart halde skifte i Luster etter mori Kirsti Jensdotter, vert det sagt at ein ikkje hadde høyrt gjete Johannes etter at han reiste frå bygdi, men eit anna notat som eg har gjort for 40 år sidan seier at han kom attende til Luster i 1872 og at denne merknaden skal stamma frå flyttemeldingi i 1849 - ved utflytte i kyrkjeboki står det ikkje noko meir - truleg er det passprotokollen som er kjelda...??? Men dersom han var i live i 1872, må han jo ha butt ein eller annan stad, og eg ville setja kjempestor pris på å finna ut litt meir om dette!