Søk i nettsamfunnet

Ei svært spennande kjelderekkje, som eg har sakna i mange år, er dei sokalla fattigprotokollane som vel finst i prestearkivi ved dei ulike Statsarkivi (arrester meg ikkje om eg hugsar feil lokalisering)... Eg fekk for mange år sidan frå Statsarkivet i Bergen ut kopiar av denne protokollen for Hafslo for perioden fram til kring 1800. Denne inneheldt ein del dødsfall til «legdelemmar» og opplysningar om kven som fekk stønad og til kva. Protokollane tek til midt på 1750-talet og vart ført svært detaljert år for år og gjer det mykje enklare for ein bygdebokforfattar å følgja dei minst «priviligerte» i samfunnet - ei svært viktig kjelde! So vidt eg veit, er ingen av desse protokollane vortne skanna, og eg lurer på: Ligg det føre planar om ei slik skanning? Kanskje «Corona-midlar» kan nyttast til slikt? Eg ventar gjerne svar på denne saki og takkar so mykje på førehand!