Søk i nettsamfunnet

Frå før har ein tilgang til digitale utgåver av nedlagde aviser frå Sogn og Fjordane via Nasjonalbiblioteket. Dette gjeld m.a. Fylkestidende og Firda Folkeblad. No har avisa Firdaposten i Florø skanna gamle aviser og lagt dette ut som eit komplett søkbart avisarkiv frå avisa starta opp i 1949 og fram til no. Dette er ei teneste som er tilgjengeleg for abonnentar. https://www.firdaposten.no/firdaposten-arkivet/lokalavis/digitalisering/no-kan-du-soke-digitalt-i-firdaposten-arkivet-heilt-fra-1948/s/5-16-229875 Avisa Firda (som kjem ut i nabobyen, Førde) har tidlegare lova å komme med ei tilsvarande teneste i løpet av året. Dermed vil begge avisene som kjem ut i Sunnfjord ha komplett søkbar avishistorie. Firda kom ut med prøvenummer før jul i 1917, så her blir det 100 år med skanna aviser. Bergens Tidende lova i 2014 å komme med eit tilsvarande tilbod. Mykje av materialet er skanna av Nasjonalbiblioteket, men er så langt ikkje gjort tilgjengeleg for abonnentane. Materialet er derimot tilgjengeleg i norske bibliotek som ein del av Nasjonalbibloteket si digitale avisteneste.