Søk i nettsamfunnet

Eg leiter etter Helga Lekven som emigrerte til A i 1884. Ho var søster til min oldefar. Helga er født 4. januar 1855 og døypt 21. januar 1855 i Os kyrkje. Ho vart konfirmert 20. nov. 1870. I følgje politireg. for Bergen over emigrantar, reiste ho (vart registrert) 26.juni 1884, løpenr. 1468. Vidare er det oppgjeve at ho reiste med National Line, men eg har ikkje funne kva båt ho reiste med. Helga vart gift i A og eg finn ho att i A som Helga Andersen, gjennom My Heritage, der fødselsdato og år stemmer, men der stoppar det. Eg klarer ikkje finna hverken vigelsattest,eller seinare dødsattest. Ho reiste til A saman med fleire frå Os, m.a. to brødre, Hans Jakobsen Haugland og Anders Jakobsen Haugland. Desse to hadde tidlegare emmigrert til A, i 1863 og 1873 - og hadde vore heim att ein tur, då dei returnerte til A i 1884. I tillegg var det fleire frå Os og Lekven som tidlegare hadde emmigrert, og som slo seg ned i IOWA - til liks med dei to nemnde brødrene Haugland. Helga hadde og (indirekte) slekt gjennom svogerskap med andre som budde i Decorah i IOWA. Det er grunn til å tru at ho i første omgong slo følgje med dei andre til IOWA, men det er ikkje sikkert. Helga fødde truleg eit barn, enten på vegen over eller i A. Dei som allereie budde i Decorah, IOWA, nytta ofte namnet Liquin eller Lequen i staden for Lekven. Tips om kvar eg bør leita vidare eller finna ut kva som vidare hende med Helga ? Egil Lekven